1 GHANGPUGHANG GUI 21:10 - Cho Bible Common Language 2016

¹⁰ Cun kawn ah chang omshe hnih khü goi neta, ngani naw a hmai ung tawk ne, shin ah chang cu khanpughi la ghangpughang yeeihkah nak ci nei, ci ni sä. Cun kawn ah ani cu mang gaw k’pung ah hteh püi ne, lung awn vawi ne ngawn vä” cik ci.

1 GHANGPUGHANG GUI 21:10 Referans Kwoze

PHYAWN NAK 22:28

“Khanpughi ah mawng akshe ah kä nami pyen vai. Nami chang gui ah bawi ng’vai kä nami plah taam vai.

LAMKTU 6:11

Cun ah kiah khätah ani cu Moses lah Khanpughi cu m’kat ne ng’thu pyein sei kami ng’yak ci nei” ci neh ami kyak vai ah, chang am shah am khawh pe neh pyein sak gui ci gui.

THULÄÄN NAK 19:15

“Saksi tumat bäng naw chang tumat ah beilei kä dang sak ci. Chang tumat shei shoh ciah k’bäi nak vai ah saksi aken pi ung hnih hlü ci.

THULÄÄN NAK 13:13

Nami pakhui ungka kä chang chu ciah chang amshah naw ami gawnu ung om ciah chang gui cu, kä nami khawihnah man ah khanpughi gui, khawihnah tuk khai ah lam she m’shüm khai gui.

LAMKTU 6:13

Cun kawn ah hleei neh saksi khai gui phi, thäm law gui ci gui. Cun ah saksi gui naw, “Shin na chang cu Taigüim lah Moses ah ng’thu m’khän cu hnu nah neh ng’thu pyein ci nei,

JOHAN 10:33

Ngami naw, “Akni nabi ah phäh ah kami ning vawih hlü ah kä kyak ci, nang cu chang ah kya lang ne, Khanpughi ah ng’shei ne nang thu ah phäh ah kami ning vawi khai” cik ci gui.

SUKI GUI 19:22

Ngami cu ami lüilawi tu yah ung cun ah gawnu ung htukhtik ciah chang gui cu, im veing u ne, shoh kauh ci gui. Ngami naw a ghipa nu am, “Na khah law püi ah chang cä, na pek gui ä! Ani awn kami ng’yaw hlük ci nei!” cik ci gui.

TAIGÜTHUM 24:14

“Cun ah chang cu shaum pigaw k’pung ah hteh püi vä. Ani ah ang plah ng’ya tuk ci phung naw, ani shekak ciah m’dang nak ah a kut alu khan ah taih sä. Cun kawn ah changbum van naw lung awn vawi ne ngawn vä.

1 SAMUEL 2:12

Eli ah hta gui cu chang sawkshe gui ah kyak ci. Ngami naw Bawipa cu a i ah kä sui ci gui,

2 SAMUEL 20:1

Cun yah ung Gilgal gawnu ah Benjamin pakhui Bikri ah hta, Sheba ming nak ciah chang om k’she tumat om ci. Ani naw phyung puuk tum ne, khü gui ne, “David yu ng’kia sä! Mikmi naw kä mi läk khai nei! Israel chang gui, mi om ah mi hteit ba khai nei!” cik ci.

1 GHANGPUGHANG GUI 21:9

Cun ah ca ung, “Ei hlawi nak vai ah hnüüp ät k’bäi ne ng’shäu u ne, chang gui a täng ah khü gui neta, Naboth am m’tamkhah nak vai ah hmun pe vä.

1 GHANGPUGHANG GUI 21:11

Bawi gui la Jezreela angvai gui naw Jezebela ah thumkhän ah mäih ah bik ci gui.

2 GHANGPUGHANG GUI 6:32

Cun kawn ah Elisha cu phak khai ah chang tüi ci. Cun sang ung Elisha cu ang vaihta gui awn a täng ah ngo ne im ah om ci. Ghangpughang ah chang tüih kä a gawk law pha ung Elisha naw angvaihta gui a pyen nak gui cu, “Chang ngawn ciah chang naw kei na ngawn khai ah chang tüi lawk ci nei! Tuhbäi, shin ung a gawk law ung, shoh khai ne, ani kyong ah kä nami luh en sak vai nei. Ghangpughang amät cu ani ah hnu ah gawk lawk khai nei.

JOB 1:5

Pawi päng ah a ngawiu ung khongawi, Joba cu ang dawt ah thou law neta, a hta gui tumat ciah phäh ah ami theingthap nak vai ah khawihnah dou thak ci ci. Ani naw ak phlüt ah cun ah abi cu a hta gui tumat mat naw kä ngaih-tüh ah Khanpughi a i ah kä sui ne akat nak vai a kyih ah phäh ah kyak ci.

ISAIAH 59:14

Taga nak cu k’täm pyi ah kyak ci, düng nak cu kä ng’et law hlant ci. Chang gui ah mawng ng’thumcha nak ung düng nak kä om ci changah lung ang düng nak kä om ci, ba nak cu a cun ah hmun ung kä hmuh nei.