1 GHANGPUGHANG GUI 20:7 - Cho Bible Common Language 2016

⁷ Ghangpughang Ahab naw a khaw ung ang vaihta gui avan khü gui neta, a pyen nak gui cu, “Nami hmuh ah mäih ah shin ah chang naw na m’di gui hlük ci nei. Ani naw shächang tüi law ne k’thäh law sei ka chu gui ni, ka hmaw gui ni, ka ngui ni, ka ghui ni pek vai ah ka yum pyi ci nei.”

1 GHANGPUGHANG GUI 20:7 Referans Kwoze

2 GHANGPUGHANG GUI 5:7

Israel ghangpughang naw ca cu phat neta, a sui cu teek ne, “A hawcha ah shin ah chang kei naw ka gai sak vai ah Siria ghangpughang naw ngaih u ci ang? Kei cu sih nak la ghin nak ah huham awn om ciah Khanpughi ah na ngai ne ang? Shin cu kei a na ghüh hlawh tu ah kyak ci nei” cik ci.

DANIEL 11:27

Ghangpughang hnih cu tawnglang tumat ung atäng ah ngo ne ei khai goi. Cun ung phi ani m’lung ngaih cu sheka sei tumta la tumat ng’thuvi na tuk khai goi. Ngami naw ami ng’yak hlü kä gah khai gui, a i ah kyasei ci ung ngami ah a khin kä gawk law phak ci.

NG'THU K'THUUK~ 24:2

Khüikha nak bi vai cu angtäi ah ngami ah ngaih-tüh ah kyak ci. Akhin päng ung chang tumat mat cu nat sak vai ah ami shai m’an ci gui.

NG'THU K'THUUK~ 11:27

Na ng’bü nak ani ung chang naw ning chang m’sui khai, Cun ung phi yaica nak na shui läi ung, acun na gah khai.

NG'THU K'THUUK~ 11:14

Lam shüm ci kä a om ung pakhui kho cu kya ne ng’täng ci. M’shüm thein ci ada ung lawt nak om ci.

NG'THU K'THUUK~ 6:14

Kä ng’düng ciah m’lung awn akshe avan pawng püi ci gui. Khaw hmun päng ung ng’tuk nak thawh let sak ci gui.

SAM 140:2

Ngami cu angtäi sei akshe m’zih ne bik ci gui, angtäi sei ng’cuh can ng’vongshang ci gui.

SAM 62:3

Nangmi naw a i güt chang tumat cu nami ng’tuk püi khai ang? Ani cu kiawi ciah k’pang ah mäih ah kyak ci nei.

SAM 36:4

A ih ng’zän nak ung phi akshe bäng ngaih-tüh ci; Akni phung a i kä bik ci; akshe phung kä hnu nak ci.

SAM 7:14

Teng vä, a i hlawk ah changshe gui naw akshe ah m’lung ngai u ne; Khüikha nak pawng püi ne, chei khai ah ami bi gui cu!

JOB 15:35

Cun ah chang gui cu chang m’thüi m’khang na ne, akshe bik ci gui ah kyak ci. Ngami ah m’lung cu angtäi sei m’thüi m’khang nak awn be ci.

1 SHONTÄP NAK 28:1

David ghangpughang naw Israel bawi gui ami van cu Jerusalem ang ami ng’gum vai ah thumkhän gui ci. Cun ah kyasei pakhui gui ung bawi gui avan, uknak khaw ung uktubawi gui, pahta ung angvai gui, ghangpughang la a hta gui ghangpughang la a hta gui ah khawh chang gui la, vuhchah gui m’khi nak ung tängpang ci gui, akcang ah mang im ung bawi gui avan, matawn ciah gakap gui, kuikyang ciah chang gui-Jerusalem ung bum ci gui.

1 SHONTÄP NAK 13:1

Ghangpughang David naw phya gha ga mak la phia gha mak ung gabawi gui ami van cu ng’gepai püi gui ci.

1 GHANGPUGHANG GUI 8:1

Ghangpughang Solomon naw Israel pakhui gui pahta gui ung tängpang ci gui ami van cu ani ah Jerusalem ah ami law vai ah k’thäh gui ci, cun cu David ah mang gaw Zion ungka naw Taigüim ah Bawipa ah Thukhän M’küm hteh püi vai ah kyak ci.

1 GHANGPUGHANG GUI 20:6

Tuhbäi ka k’thäh ba cu, na mangim la na bawi gui ah im gui shui u ne, a phu k’tan phung lak khai gui ah ka gabawi gui ka tüi law gui khai, ngami cu ngawi ung a shin ah khin ung a cau ah gawk lawk khai gui” cik ci.

1 GHANGPUGHANG GUI 20:8

Angvaihta gui la chang gui naw, “Ani ah ng’thu cu a i ah kä na sui vai, kä na m’lungshe en vai” cik ci gui.

1 GHANGPUGHANG GUI 21:8

Cun kawn ah ani naw ca gu neta Ahab ah ming gu ne, a tasik awn k’daih neta bawi gui la Jezreela ng’leimaa ng’vai gui am pe gui ci.