1 GHANGPUGHANG GUI 20:6 - Cho Bible Common Language 2016

⁶ Tuhbäi ka k’thäh ba cu, na mangim la na bawi gui ah im gui shui u ne, a phu k’tan phung lak khai gui ah ka gabawi gui ka tüi law gui khai, ngami cu ngawi ung a shin ah khin ung a cau ah gawk lawk khai gui” cik ci.

1 GHANGPUGHANG GUI 20:6 Referans Kwoze

JOEL 3:5

Nangmi naw ka ghui, ka ngui la bühmang ciah ka m’küm cu Taigüim kyong ah nami hteh püi ci.

HOSEA 13:15

Israel gui cu khum’gho she ah mäih ami thawh ung phi, kei naw khong gau ah ka khokhi ng’ling cu ka tüi lawk khai nei. Cun gui naw ami tui hta gui la tui shawk gui cu kawi sak khai gui, Cun ah aphu küi gui phung avan hteh püi khai.

NG’ÄI KYAH 1:10

Aga gui naw ani ah am küm khawh avan cu gut ci gui. Ngami cu taigü im mät ung lut u sei ani naw hmu gui ci. Cun cu chang khui hei gui kä ami hteh vai ah Bawipa naw a hüng nak ah kyak ci.

NG’ÄI KYAH 1:7

Tubäi dishum ne amät om neta, Jerusalem naw acau abämang nak man cu khü ba ci. Ani ga ah kut ung ang kiak sangung ani m’hteihtang tuk khai a u kä om ci. Ani näng ci gui naw ani cu gaih tu u ne kahta nak ci gui.

JEREMIAH 25:34

Kyap vä, nangmi angvai gui, ka chang gui htome sham gui, m’lau ne kyap vä! Thüisei ne m’vut ung ng’tah vä. Ami ning ngawn nak gui vai ah akhin gawk lawk ci nei, nangmi cu htome khla ah mäih ah ning ngawn gui khai gui nei.

ISAIAH 44:9

A gup pyan ciah chang gui avan cu a kholä ah kyak ci, ami tuk-äih nak ah khanpughi gui cun phi akholä ah kyak ci. Shin ah khanpughi gui khawihah ci gui cu, am dauh gui, a i kä hmat ci gui ah kyak ci. Ngami cu lü ng’aa khai gui.

2 SAMUEL 24:14

David naw, “Tuh bäi kei ung ng’cet lawk ci nei! Cun ung phi chang naw ana m’kyuk vai kä ka ng’ya hlük ci. Bawipa amät bäng naw mikmi na m’kyuk gui sä, ani cu chi m’gein ciah kyak ci.”

ATÜNNAK 27:15

Cun kawn ah anu naw a gim ah a hta ng’vaipi Esau ah suisak akni pi gui cu la neta Jakob am m’sui m’sak ci.

1 GHANGPUGHANG GUI 20:5

Cun kawn ah cun ah shächang cu law ba mä ne, Benhadad naw akthäh a hei law püi ba ci; “Kei naw na ngui ni, na ghui ni, na hnumi gui ni, na hmaw gui ni na na ap vai ah ka k’thäh pyi ci.

1 GHANGPUGHANG GUI 20:7

Ghangpughang Ahab naw a khaw ung ang vaihta gui avan khü gui neta, a pyen nak gui cu, “Nami hmuh ah mäih ah shin ah chang naw na m’di gui hlük ci nei. Ani naw shächang tüi law ne k’thäh law sei ka chu gui ni, ka hmaw gui ni, ka ngui ni, ka ghui ni pek vai ah ka yum pyi ci nei.”