1 GHANGPUGHANG GUI 20:10 - Cho Bible Common Language 2016

¹⁰ Benhadad ah ka law ba ci: “Shin ah mang gaw m’di ne akhui akpi gui ami kut awn kawt ne hteh püi hning khai ah chang gui ka law püi khai nei. Cun ah kä ka bi ung khanpughi gui naw na m’sih u sä!” cine pyen ci nei, cik ci.

1 GHANGPUGHANG GUI 20:10 Referans Kwoze

1 GHANGPUGHANG GUI 19:2

Ani naw Elijah am ng’thu m’khäh ci: “Prophet gui ah khan ah na bi ah mäih ah ngawi ung a shin ah khin ung kei naw nang ah khan ah kä ka bi ah a kyak ung khanpughi gui naw ka sik khai ah na ci u sä.”

PHYAWN NAK 11:8

Moses naw khüm nak ah ng’thu a pyen cu, ‘Na bawi gui ami van cu ka ma ah law ne kawp lawk khai gui, ka chang gui avan la ne ka hteh püi gui vai ah ngami naw na ng’paa law nak khai gui. Cun kawn ah kei cu ka hteit tuk khai” cik ci. Cun kawn ah Moses cu m’lungshe ne ghangpughang cu hteh tak ci.

LAMKTU 23:12

A ngawi ung kho ngawi Judah chang amshah gui cu ng’cut ne ng’hmuh u netah, Paul kä mi ngawn pha ah chuih a i phi kä ei auk ah mi om khai cine k’bäi ci gui.

SUKI GUI 4:10

Barak naw Zebulun la Naphtali pakhui chang phia phia cu khü ne Kedesh ah hteh püi ci, Deborah cu ngami awn a täng ah hteit tuk ci.

1 SAMUEL 17:43

Ani naw David am, “Cän ah htung a i na haw nak vai ang? Kei ui ah na na ngai ne ma?” ci nak ci. Ani naw amät ah Khanpughi khü ne David cu taam ci.

1 GHANGPUGHANG GUI 20:9

Ahab naw Benhadad ah shächang am, “Kabawi ghangpughang am na m’thein ba vai, akthäh law htük cu ka yum ci, cun ung phi ak hnih nak cu kä ka yum ci nei” cine pyen nak ci. Shächang cu hteit ba neta a hei ng’thu law püi ne,

2 GHANGPUGHANG GUI 6:31

Ani naw, “Khohni kä ah hang luh pha ung Elisha ah lu kä a pit ah a kyak ung Khanpughi naw na m’shih sä!” cine ng’taam ci.

JEREMIAH 9:23

Bawipa naw pyen ci, “Cüivai ci gui naw ami cüivai nak awn kä ami khäh ghah vai, Gai gawng ci gui naw ami thagui awn kä ami khäh ghah vai, büh mang ci gui naw ami khawh awn kä ami khäh gha vai.

JEREMIAH 46:17

“Egypt ghangpughang cu ming k’thai pe vä — ‘Pamcai ciah chang, ak chaw nawng ci.’

1 GHANGPUGHANG GUI 2:23

Cun kawn ah Solomon naw Bawipa ah ang ming ung shaitak nak aktung ah bik ci, “Shin ah a nak thäh ah phäh ah Adonijah naw a hnun gui pek khai ah kä ka bi ah a kyak ung, Khanpughi naw ka sih vai ah na yuk bi sä!

2 GHANGPUGHANG GUI 18:24

Nangmi cu Assirian bawi, ak hmawpik’bäih gabawi phi kä nami ng’längna püi hning ci, cun ung phi Egypt gui naw yatha gui la ng’se cun ci gui ning tüih law gui khai ah nami ngaih u ci!