1 GHANGPUGHANG GUI 20:1 - Cho Bible Common Language 2016

¹ Siria Ghangpughang Benhadad naw a gakap gui avan cu bum gui ne, a hei uktu thumkip-lei goi la ami ng’se gui, ami yatha gui awn law neta, Samaria cu khaai ne, tu lawk ci gui.

1 GHANGPUGHANG GUI 20:1 Referans Kwoze

1 GHANGPUGHANG GUI 15:18

Cun ah kyasei ghangpughang Asa naw Taigüim la mangim ungka ghui la ngui gui avan cu la neta a bawi gui am hteh püi sak ne Damaskas ah Siria ghangpughang Benhadad, Tabrimmon ah hta, Hezion ah tu am, shin ah ng’thu awn m’khah ne thak sak gui ci.

1 GHANGPUGHANG GUI 22:31

Siria ghangpughang naw yatha thum kip lei goi ah gabawi gui cu thumkhän ne, Israel ghangpughang ah kawn ah a u phi kä ami tuk vai ah pyen ci.

1 GHANGPUGHANG GUI 15:20

Ghangpughang Benhadad naw Asa ah ng’ge püi cu yum neta a gabawi gui la gakap gui cu Israel mang gaw gui tuk khai gui ah tüi gui ci. Ngami naw Ijon, Dan, Abel Beth Maakah, Kalile tuinu pei ung la Naphtali khawpäng avan cu khäm ci gui.

AMOS 1:4

Cun ah kyasei kei naw ghangpughang Hazela ah cawh ah mang im ah khan ah mei ka yuk chah khai. Ghangpughang Benhadad ah mang paang cu ka m’khih khai.

DANIEL 2:37

Ka ghangpughang, nang cu ghangpughang gui avan ung na dämduh pikbäih ci nei. Khanpughi naw nang cu Uktubawi ah nin pyang ci, huham, m’gäi nak la m’tamkhah nak ning pek ci.

EZEKIEL 26:7

Uktu Bawipa naw pyen cu, “Kei naw avan ung ak dämduh pikbäih ah ghangpughang ka law püi khai — cun cu Babilonia ghangpughang Nebukhadnezzar — ani naw Tire cu tuk khai. Ani cu a siiptäng ah ka gakap akdäm awn lawk khai, ng’se gui, yatha gui la ng’se cuum ci gui.

JEREMIAH 49:27

Kei naw Damaskas gaw k’paang gui cu mei awn ka m’khih khai, a cun naw ghangpughang Benhadad ah mang im gui phi ui khai. Kei, m’gäi ciah Bawipa naw ka pyen nei.”

ISAIAH 37:24

Hlüng pibäih ciah Lebanon khomhtung gui, na yatha gui avan awn na näng ah mawng khähghah nak vai ah na chang-shäim gui na tüi lawk ci nei. Nang naw a ng’shäi pibäih ah ceda sing ghing gui, akni pibäih ah m’htai ghing gui cu chu pit yawp ne, ak thuk nak pikbäih ah bungpuk ah na gawk awn na khähghäh ci nei.

ISAIAH 10:8

Ani naw khähghah ne, “Kei ah ka gabawi päng cu ghangpughang ah kyak ci nei!

EZRA 7:12

“Artaxerxes ghangpughang naw Ezra taigü, Khankho Khanpughi ah thukhän ung cüvai ci am a pek,

1 GHANGPUGHANG GUI 20:24

Tuhbäi uktu thumkip lei goi cu heeng gui ne, ami gakap bawi gui cu ami hnun ung tha ba gui ä.

1 GHANGPUGHANG GUI 20:16

Ami ng’tuk nak cu hnüüp lung ung tün ci gui, cun sangung Benhadad la angkhawt püi thumkip lei goi cu phung ah kyong ah awktat ne om ci gui.

1 GHANGPUGHANG GUI 16:24

cun kawn ah ani naw Shemer ming nak ciah chang ah Samaria khogui cu ngui phia chuk kip awn hleih ci. Omri naw khogui cu vongpang ne, gawnu sa ne, aming cu Samaria ah sui ci, Shemer cu cun ah khawmah ah kya man te ci.

1 SAMUEL 13:5

Philistin gui cu Israel gui tuk gui vai ah ng’bum ci gui; ngami ung ng’tuk nak yatha phia thum kip, ng’se kium chang phia chuk, la tuinu kem ah laigin chü vai ah da ciah gakap gui om ci. Ngami cu Bethaven ah hni kyak lam Machmash ah hteit u ne, phung tu ne om ci gui.

SUKI GUI 4:3

Jabin ung m’si yatha phya kaw om ci, ani naw Israel chang gui cu m’ghämce ne hupdep ne khawku m’ku lung uk gui ci. Cun kawn ah Israel chang gui cu Bawipa naw am htei gui vai ah kyap m’lau ci gui.

SUKI GUI 1:7

Adonibezek naw, “ghangpughang chih kip, ami kutnu la ami khawnu ka m’chün gui cu, ka tawnglang ka ah ei k’bok kawk ne om ci gui nei. Ngami ah khan ah kei naw ka bi ah mäih ah kei ah khan ah khanpughi naw tuhbäi bik ci nei,” cik ci. Ani cu Jerusalem ah hteh püi u sei a cu ah sik ci.

THULÄÄN NAK 28:52

Ngami naw Bawipa nami Khanpughi naw a ning pek gui ah khaw ung, gawnu päng cu tuk khai gui. Nangmi naw nami ngaih u ah hlüng ciah shungpang gui phi ng’kia yawp khai.

THULÄÄN NAK 20:1

Nangmi hteit ne nami ga gui nami tuk law vai a kyak ung, nangmi naw yatha gui la sela gui ni, nangmi ah ta da pi ciah gakap gui ni nami hmuk khai. Cun ung phi kä nami kyih gui vai. Bawipa nami Khanpughi, Egypt khaw ungka ning gung gui ci naw a täng ah ning om püi gui khai.

TAIGÜTHUM 26:25

Mi thukhän nami m’shet ah phäh ah ning m’kyuk gui khai ah ng’tuk nak kei naw ka law püi khai, nangmi cu nami mang gaw kyong ah phyawng ne nami ng’bum ba ah a kyak ung, kei naw nami ng’lung ah kä m’htei hlawt vai ah natnak ka tüi lawk khai. Nami ga gui ah ma ah nami kut nami chah khai ah ning k’ceet gui khai gui.

PHYAWN NAK 14:7

Ani naw a yatha avan cu, ak bä pi phia chuk mah ah m’tho ne, a bawi gui am tängpang sak ci.

1 GHANGPUGHANG GUI 20:2

Ani naw mang gaw kyong ah Israel ghangpughang Ahab am chang tüih law ne a pyen cu, “Ghangpughang Benhadad naw ning k’thäh ci nei,

2 GHANGPUGHANG GUI 6:8

Siria ghangpughang cu Israel awn ng’tuk ci gui. Ani naw a bawi gui ng’ge püi gui neta, phung ami tuk nak vai ah hmun cu ghü ci.

2 GHANGPUGHANG GUI 8:5

Elisha naw aksi am ghin ba ah mawng Kehazi naw ghangpughang am, am thein tu sangung, cun ah hnumi cu ghangpughang ah ng’dang ne gawk lawk ciah kyak ci. Kehazi naw ani am, “Ka bawi aw, cun ah hnumi cu shin nei, Elisha naw a gai sak ah a htau cu shin nei!” cik ci.