1 GHANGPUGHANG GUI 2:6 - Cho Bible Common Language 2016

⁶ A i bi vai cu nang naw na hmat ci; nang naw ani cu k’dim ung kä na sih en sak vai.

1 GHANGPUGHANG GUI 2:6 Referans Kwoze

1 GHANGPUGHANG GUI 2:9

Cun ung phi ani kä m’kyuk ah kä na nawng en vai. A i bi vai cu nang naw na hmat ci, ani am sihnak pek nak vai cu nang naw na hmat vai” ciah pyen nak ci.

ISAIAH 57:21

Hmakak ci gui ah phäh ah phiawn nak vai kä om ci nei” cine Bawipa naw pyen ci.

ISAIAH 48:22

“Kak ciah chang gui ah phäh ah ngaih gep nak kä om ci nei” cine Bawipa naw pyen ci.

THUSHÄUTU 8:11

A i ah kyasei chang gui naw ang ghit ah cawipang nak cu ami bi ang? Cawipang nak cu ang ghit ah kä ami m’kyuk ah phäh ah kyak ci.

NG'THU K'THUUK~ 28:17

Chang ngawn ciah chang cu angphuh hmun tha na ne co ciah kyak ci. Kä nami maa nak vai.

NG'THU K'THUUK~ 20:26

Cüivai ciah ghangpughang nawa cheishoh ciah chang cu k’tä ne hmuk khai, aninaw kä m’gein ne m’kyuk khai.

SAM 37:37

Changnicu teng vä, chang düng cu hmu vä, dim deeih sei om cicu ng’shon bang ci nei;

ISAIAH 65:20

A hmaw hta gui cu ami hmaw sang ung kä si ba khai gui, chang avan cu khokum küm sei ghing khai. A khokum phia law sei ghing ci phi a hmaw ah mäih ah kyak kuai, A cun kä pha sei sik cicu kei naw ka m’kyuk ah m’hnüt nak ah kyak khai.

ISAIAH 57:2

Akni ah om ciah chang gui cu dimdeeih nak hmu u ne, dinggei sei ng’düm ci gui.

2 GHANGPUGHANG GUI 22:20

Jerusalem ah khan ah kei naw ka law püi vai ah m’kyuk nak cu nang na sih kawn ah kyak khai. Kei naw nang cu dimdeeih nak awn ka ning sih sak khai.” Chang gui naw shin ah ng’thu law püi ne ghangpughang Josiah ah law ba ci gui.

KHEI NAK 35:33

A shin ah mäih ah nami bi ah a kyak ung, nami om nak ah khaw nami cheishoh sak ciah kyak khai. Chang ngawn nak naw khaw cheishoh sak ci, chang ngawn nak ah khaw ng’gängsei nak vai cu, chang ngawn ciah chang a sih tuba vai ah kawn ah a hei lam kä om ci.

ATÜNNAK 42:38

Jakob naw, “Ka hta cu nangmi ah sung ah kä hteit tuk khai, a phäi hta cu si pyi ci, amät bäng om ba ci, lam ah a sih kiuk ung kä bä khai. Kei cu ka ghi lawk ci, nangmi ah bi ah khüikha nak naw na m’sih lawk khai nei” cik ci.

ATÜNNAK 9:6

Chang cu Khanpughi ah mäih ah a tüisho ah kyak ci. Cun ah kyasei chang awn cicu amät chang naw ngawn tuba khai.

1 GHANGPUGHANG GUI 2:7

“Cun ung phi Kilead ah ka Barzillai ah hta gui cu na m’gein gui vai, a i ah kyasei ci ung kei cu nami phäi Absalom kyih ne ka dawng sangung kei cu na m’gein ci gui.

ATÜNNAK 9:5

Chang ah hnun gui m’kat cicu m’kyuk nak gah khai. Khisa naw chang am kat ah a kyak ung kei naw sih nak pe ne ka m’kyuk khai.

2 SAMUEL 3:39

Kei cu Khanpughi naw a ghü ah ghangpughang ah ka kyak ung phi, tuh ngawi ka tha ken ci nei. Shin ah Zeruiah ah hta gui cu kei ah phäh ah ta, m’gäi m’cik aih ci gui nei. Shin ah chang chei yeeih gui cu ami katnak ah ciah Bawipa naw m’kyuk gui sä” cik ci.

1 GHANGPUGHANG GUI 3:12

nang naw na k’thäh cu kei naw ka bik khai. Ayanä ka man phung la ngawi ah ka vai phung ah ta bä pi ciah cüivai nak la hmuhmat nak cu nang am ka ning pek khai.