1 GHANGPUGHANG GUI 2:44 - Cho Bible Common Language 2016

⁴⁴ Kapa David ah khan ah nang naw chei khai ah na bi gui avan nang naw na hmat ci. Acun ah phäh ah Bawipa naw ning m’kyuk khai nei.

1 GHANGPUGHANG GUI 2:44 Referans Kwoze

EZEKIEL 17:19

Uktu Bawipa naw pyen ci, “Kei cu akcang ah ghing ciah khanpughi ah ka kyak ci. Ani naw k’paang khai ah pyen ne, kei ah min gung taam ne a shaitak cu om shet ah phäh ah kei naw ka m’kyuk khai nei.

SAM 7:16

Ami mät ah shetkat nak cu ami mät ah lu khan ah ng’taih ba ci, ami kat nak, a mi mät ah khan gawk ba ci.

1 SAMUEL 25:39

David naw Nabala ah a sih cu ng’ya neta, “Bawipa m’tam nei! Ani naw na yawshe nak ciah Nabala ah khan ah phu tu pyi ci nei, ana changshäm cu a hma ka bi nak vai ung ka, nak pang ci nei. Akshe ah a om ah phäh ah Nabala cu Bawipa naw m’kyuk pyi ci nei” cik ci. Cun kawn ah David naw Abigail am ng’shä tüih ne, ak chu nak ba vai ah mawng pyen ci.

1 JOHAN 3:20

Mi m’lung ngaih naw anam shet m’kat law gui ung phi, Khanpughi cu mi m’lung ngaih ah mä hlüngtai pi ne, a päng avan hmat yawp ci, cicu mi hmat ci.

ROMAN 2:15

Thukhän ah pyein gui cu ami m’lung kyong ung guk ah mäih ah ami om ih naw m’dang ci. Ami m’lung kyong ung phi cun cu ng’düng ci ciah m’dang ci. Ami m’lung ngaih naw ak hngü ät m’kat gui ne, ak hngü ät k’bää gui ci.

JOHAN 8:9

Cun aci ng’ya u netah ang vai ba gui ma ba u sei, tumat täi ah hteit ba yawp ci gui. Hnumi amät bäng Bawipa Jesuh ah pei ah ng’düi ba shüt ci.

HOSEA 4:9

Nangmi phi chang gui ah mäih ah m’kyuk nak ung nami yaica khai. Kei naw ning m’kyuk gui ne kat nak nami bi nami thung vai ah ka ning ci gui khai.

NG'THU K'THUUK~ 5:22

Changshe ah katnak cu m’hling bang ah kyak ci. Ani cu a mät ah katnak ah ng’vaai ung amät awk ba ci,

1 GHANGPUGHANG GUI 2:43

A i ah kyasei na shaitak m’sheit ne kei ah ng’thu kä na ngaih ang?

2 GHANGPUGHANG GUI 11:1

Ghangpughang Ahaziah ah nu Ahtaliah naw a hta ami ngawn a hmat vai am, mang im kyong chang gui avan ngawn gui vai ah thukbäi gui ci.

2 GHANGPUGHANG GUI 11:12

Cun kawn ah Jehoada naw Joash cu luh law püi ne, a lu ung mang lukhu k’bün ne, ghangpughang ah kawh ah thukhän ca cu pek ci. Cun kawn ah Joash cu phyuh theh ne ghangpughang ah ng’shäu ci gui. Chang gui naw ami m’ya k’phyawk u ne, “Ghangpughang a ghin kho ng’shäi sä!” cine m’lau ci gui.

SAM 109:20

Bawipa, ka ga gui, akshe ah ng’thu ne na hnu ng’tuk püi ci gui cu, a cun ah mäih ah m’kyuk gui ä!