1 GHANGPUGHANG GUI 2:4 - Cho Bible Common Language 2016

⁴ Nang naw na ngaih ah a kyak ung, Bawipa naw abi ah shaitak cu k’pang khai, ani naw ana pyen nak cu, kei ah ka htang’shon gui naw ami m’lung kyong m’lung ngaih avan awn ani ah thumkhän cu bekhüt ne, geing na ne ami läk ah chuih Israel cu uk khai gui nei.

1 GHANGPUGHANG GUI 2:4 Referans Kwoze

2 GHANGPUGHANG GUI 20:3

“Bawipa, na shüm ä, kei cu bekhüt ne htingling ne nang ah bi ka bik ci nei. Nang naw ka bi vai ah na ng’yak hlü cu angtäi sei k’tha na ne ka bik ci nei,” ci neta ani cu aktä ah kyap ci.

1 GHANGPUGHANG GUI 8:25

Tuhbäi, Israel Bawipa Khanpughi, kei ka taigü ci, nang naw kapa ung na bi ah a hei shaitak cun phi nak pang khai, nang naw na pyen nak yah ung, ngami naw ani ah mäih ah geing na ne nang thu ami ngaih ah a kyak ung, ani ah hta ng’shon ungka tumat mat naw Israel ghangpughang ah kya ne akphlüt ah uk khai.

2 SAMUEL 7:25

Tuh bäi, Bawipa Khanpughi naw, kei la ka hta ng’shon ah mawng na shaitak cu ak phlüt ah na be sak ci, na pyen ah mäih ah na bik ci nei.

MATTHE 22:37

Bawipa Jesuh naw, “Na Bawipa Nak Khanpughi cu, nam lung kiong avan, na ngaihtüh avan La na hmuhmat nak avan nawn nam hni vai.

LUKA 1:6

Ngani cu Khanpughi ah ng’yak hlü ah om ni ne, Bawipa ah thukhän shaitaak cun phi läk ci goi.

ZEKHARIAH 14:2

Bawipa naw pakhui avan cu Jerusalem ung ng’tuk khai gui ah atäng ah law püi gui khai. Mang gaw cu khäm u ne, im gui cu gut tep u ne, hnumi gui cu phye k’pyei khai gui. Chang a cukchü cu pha ne dawng püi khai gui, a cuchü cu mang gaw ah k’pawih shüt khai gui.

SAM 37:22

Bawipa naw hriham am shum phyuk ah chang naw khaw päng ci, cun ung phi Bawipa naw a plah taam cu gawt ne k’täm khai.

SAM 37:9

Bawipa ung ng’ap cicu kho khän ne ng’len khai, cun ung phi changshe cu gawt ne täm khai.

2 SHONTÄP NAK 17:3

Bawipa naw Jehoshaphat cu hriham pek ci, a i ah kyasei ci ung ani naw apa ah ak htük ah ghin om man ah lam cu läk ci, Baala kä khawihnah ci.

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

2 GHANGPUGHANG GUI 23:25

Moses ah thukhän avan läk ne, amlung kyong avan, a ghin nak avan, aktha gui avan awn Bawipa ah bii bi ciah ghangpughang cu a cau phi kä om man ci, a ngawi phi kä om khai.

2 GHANGPUGHANG GUI 23:3

Ani cu mang ah k’tung pei ah ng’düi neta, ani läk khai pyen ne Bawipa ung thukhän bik ci, ang thukhän gui k’pang ne, amlung ngaih gui avan awn ang thumkhän gui yum ne, ca uk ung ami guk ah thukhän gui cu akcang ah ka bik khai ci sei, chang gui ami van naw thumkhäm cu k’pan vai ah shaitak ci gui.

1 GHANGPUGHANG GUI 9:5

Kei naw napa David am ka shaitak cu ka k’pang khai, kei naw ka pyen nak cu Israel cu ani ah hta ng’shon naw angtäi sei uk khai ciah kyak ci.

1 GHANGPUGHANG GUI 8:23

taigü ci, “Israel gui ah Bawipa Khanpughi khankho ung phi m’dek khan ung phi, nang ah mäih Khanpughi kä om ci nei! Nang naw na chang gui ung na thukhän cu nak pang ci, ami m’lung-ngaih avan awn nang ning ngai ne ami om sangung nang naw na m’hni nak cu na m’dang gui ci.

1 GHANGPUGHANG GUI 3:14

Kei na ng’ngai ne ka thukhän gui la ka thumkhän gui cu na pa David ah mäih ah na k’pan ah a kyak ung kei naw ghin nak ang sau ka ning pek khai.”

1 GHANGPUGHANG GUI 3:3

Solomon naw Bawipa m’hni ne, apa David ng’thumcäi gui cu läk ci, cun ung phi ani naw phi seime gui ngawn ne, sonkiang akda khawihnah ne douthak ci.

THULÄÄN NAK 11:13

“Cun ah kyasei tuhngawi kei naw ka ning pek gui ah thumkhän gui cu nami läk vai, Bawipa nami Khanpughi cu m’hni ne nami lung kyong avan awn abii nami bi vai.

THULÄÄN NAK 10:12

“Tuhbäi, Israel chang gui, Bawipa nami Khanpughi naw a i a ning thäh gui cu ngai vä. Bawipa khawihnah vä, a thumkhän avan bi vä, ani m’hni vä, nami m’lung kyong avan awn abi bi vä.

THULÄÄN NAK 7:12

Nangmi naw shin ah thukhän gui cu ngai ne, bekhüt ne nami läk ah a kyak ungBawipa nami Khanpughi naw nami pupa gui ung a shaitak ah mäih ah nangmi awn ang thukhän cu k’täi ne k’pang khai. Ani ah ng’täi ciah am hni nak phi ning m’dang gui khai.

THULÄÄN NAK 6:5

Bawipa na Khanpughi cu nam lung kyong avan, na ngaih-tüh avan, na thagui avan awn nam hni vai.

TAIGÜTHUM 26:3

“Nangmi cu kei ah thukhän ah mäih om u ne, ka thumkhän nami läk ah a kyak ung,

ATÜNNAK 18:19

A hta gui la a htangshon gui naw kei ah ng’thu ngai u ne, düng ci la bä ci ami bi vai ah, m’cäi gui khai ah ani cu ka ghü ci. A cun ah ami om ung ani ah hmawk ah ka shaitak phung cu ka kümbe sak khai” cik ci.

ATÜNNAK 17:1

Abram a khawkum 99 a law sang ung Bawipa cu Abram ah ma ah dang law neta, “Kei cu Hlüngtai ciah Khanpughi ah ka kyak ci, ka ng’thu ngai ne angtäi sei düng cicu na bi vai.

JUDE 1:24

Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;

2 SHONTÄP NAK 6:16

Tuhbäi, Bawipa Israel Khanpughi, kapa ung a hei shaitak na’bi phi na k’pang khai nei, nang naw na pyen nak cu, ani ah mäih ah na thukhän geing na ne ami läk ah khoi ung, ani ah htangshon tumat mat naw Israel ghangpughang ah kya ne uk khai.

2 SHONTÄP NAK 7:18

Kei naw napa David am, ani ah htangshon naw Israel cu ang’täi sei uk khai cine, ka pyen nak ah shaitak cu ka k’pang khai.

SAM 39:1

Kei naw, “Kei naw ka bi phung cu geing na ne ka bik khai nei, ka ng’thu awn phi kä ka cheishoh khai nei; Changshe gui ka pei ah ami om yah ung a i ng’thu phi kä ka pyen khai nei” ka cik ci.

SAM 119:9

Chang nong naw a ghin nak cu a i cha ah theingcim sak khai ang? ci ung, nang ah thumkhän läk nak awn kyak ci.

JEREMIAH 33:17

kei, Bawipa naw shai ka tak cu, David ah htangshon cu angtäi sei, Israel ghangpughang ah kyak khai,

1 GHANGPUGHANG GUI 1:48

taigü ci, ‘Israel Khanpughi, Bawipa cu mi m’tamkhah khai nei, ani naw kei ah ka hta ng’shon gui ungka tumat cu, kei ah hnün ung ghangpughang ah ngoh sak ci nei, acun ka hmuk khai ah kei cu na ghin sak ci nei!”

1 GHANGPUGHANG GUI 6:12

nang naw ka thukhän gui la ka ng’thumkhän gui avan na läk ah a kyak ung, napa David am shaitak ka pek cu nang ah phäh ah ka bik khai.

1 GHANGPUGHANG GUI 11:36

cun ung phi Solomon ah hta am pakhui tumat pek vai. Cun ah kyasei kei am na khawihnah nak vai ah ka ghü ah Jerusalem mang gaw ung ka changshäm David ah hta ng’shon awn angtäi sei ka uk sak khai.