1 GHANGPUGHANG GUI 2:25 - Cho Bible Common Language 2016

²⁵ Cun ah kyasei Solomon naw Benaiah cu ng’thu k’bäi sei, ani naw hteit ne Adonijah cu ngawn ci.

1 GHANGPUGHANG GUI 2:25 Referans Kwoze

2 SAMUEL 8:18

Jehoiada ah hta Benaiah cu David ngäng ciah bawi ng’vai pi ah kyak ci, David ah hta gui cu taigü ah kyak ci gui.

1 GHANGPUGHANG GUI 2:46

Cun kawn ah Ghangpughang naw Benaiah cu ng’thu k’bäi sei, ani naw hteit ne Shimei cu ngawn ci. Tuhbäi Solomon naw a khaw cu akbe ah uk ci.

1 GHANGPUGHANG GUI 2:34

Cun ah kyasei Benaiah cu Bawipa ah om nak ah Phung ah hteit ne Joab cu ngawn neta amät ah im khaw ng’pia ung phuh ci.

1 GHANGPUGHANG GUI 2:31

Solomon naw, “Joab naw a pyen ah mäih ah bi vä. Ani cu ngawn neta k’phuh vä. Joab naw chang ni gui a ngawn yah ung abi gui cu kei la David ah hta ng’shon a u naw phi kä ma na phung khai nei.

2 SAMUEL 4:12

David naw a gakap gui am Rechab la Baanah cu ngawn sak gui ci, ngami naw ani kut la ani khaw gui cu m’chün u ne, Hebron tui shawk pei ah tai ci gui. Ngami naw Ishbosheth ah lu cu la u ne, Hebron gawnu Abner ah phuh hmun ung m’ciim ci gui.

2 SAMUEL 1:15

David naw akchang tumat khü neta, “Ngawn ä!” cik ci. Cun ah chang naw Amalek chang cu tu ne ngawn ci.

1 SAMUEL 15:33

Samuela naw, “Nang ah na khim naw nu nu akda cu a hta kaa ah kyak sak ci, cun ah kyasei, tuhbäi na nu cu a hta ah kyak khai nei” cik ci. Ani naw Gilgal sonkyang ma ah Agag cu tupit pit ci.

2 SAMUEL 12:10

Tuhbäi, ang shon päng ung, na hta ng’shon amshah cu ng’sai ung sik khai, a i ah kyasei ci ung nang naw ka ng’thu kä na ngai ci. Uriah ah chu phi na gut ci.

1 GHANGPUGHANG GUI 2:29

Joab naw phung ah dawng ne sonkiang ah lawi ak pan cu Solomon ghangpughang naw ng’ya neta, Solomon naw Joab ah chang tüi ne, a i ah kyasei sonkiang ah a dawng cu Solomon a kyih ah phäh ah kyak ciah pyen ci. Cun ah kyasei Solomon ghangpughang naw Benaiah cu tüi ne Joab cu ngawn sak ci.

SUKI GUI 15:12

Ngami naw, “Nang kami ning khit khai ah shin ung kami lawk ci nei, cun kawn ah ngami am kami ning ap khai nei” cik ci gui. Samson naw, “Nami mät naw kä nami na ngawn vai ah mawng thumkhän na pe vä” cik ci.