1 GHANGPUGHANG GUI 2:22 - Cho Bible Common Language 2016

²² Ghangpughang naw, “A i ah kyasei Abishag cu ani am ka pek vai ah kei na nak thäh ang? Kei naw mangkiang mä ani am ka pek vai ah na nak thäh khai ang! Cun kawn ah ani cu ka phäi ng’vai ah kyak ci, taigü Abiatha la Joab cu ani täng ah kyak ci goi!”

1 GHANGPUGHANG GUI 2:22 Referans Kwoze

JAMES 4:3

Nami ng’yoih ung phi kä nami gah ah mawng cu, akshe ah nami ng’bü nak la nami mät ah hlimtui nak vai düt ah nami mang nak hlü ah hmawk ah kyak ci.

MAKUH 10:38

Bawipa Jesuh naw, “Nangni naw a i nani ng’yoih cu kä nani hmat ci, kei ah awk vai ah yaica nak ah khap cu nani aw tu hlawt khai ang? Kei ah tui hnim ah mäih ah nani ng’hnim tu hlawt khai ang?” ci ne ng’shi goi ci.

MATTHE 20:22

Bawipa Jesuh naw, “Nangmi a i nami ng’yoih ah nami mät naw kä nami hmat ci, Kei ah awk nak yaica nak ah khap cu, nami aw tu hlawt khai ang?” cine a hta goi cu ng’shi goi ci. Ngani naw, “Kani aw tu hlawt khai nei,” cik ci goi.

1 SHONTÄP NAK 3:5

a cun ung ani cu pami akda hta ci. Ani ah chu Ammiela ah hta Bathsheba cu pami phli ah hta ci: Cun gui cu Shimea, Shobab, Nathan la Solomon ah kyak ci.

1 GHANGPUGHANG GUI 1:11

Cun kawn ah Nathan cu Solomon ah nu Bathsheba ah hteit neta ng’shik ci, “Hakkith ah hta Adonijah naw amät ghangpughang ah am hmoh cu kä na hmat ne ma? Ghangpughang David naw a i phi kä hmat ci!

2 SAMUEL 12:8

Kei naw ani ah uk ah khaw la ak chu gui phi ka ning pek ci; Israel la Judah avan ah ghangpughang ah ka ning pyang ci. Cun gui kä ang büh ah akiak ung kei naw cun ah a goi ah ka ning pe ba khai.

1 GHANGPUGHANG GUI 2:15

Ani naw, “Na hmat ah mäih ah kei cu ghangpughang ah ka kyak khai süta, Israel chang päng naw phi ngaih te u ci. Cun ung phi a hei ah kya lawk ci, kei ah ka nau cu ghangpughang ah kya lawk ci, cun cu Bawipa ah ng’yak hlü ah kyak ci.

2 SAMUEL 16:21

Ahithophela naw, “Mang im m’htei khai gui ah ami nawng shüt gui ah napa ah chuba gui cu, hteit ne yaw gui ä. Cun ung napa naw a ga ah a ning k’bäi cu Israel chang avan naw hmat khai gui, ning läk ci gui phi akdäm ah thamah khai gui nei” cik ci.