1 GHANGPUGHANG GUI 2:2 - Cho Bible Common Language 2016

² Ka sih nak vai gawk lawk ci. Na khüi ghat vai, na k’thamah vai.

1 GHANGPUGHANG GUI 2:2 Referans Kwoze

JOSHUA 23:14

“Tuhbäi kei ka sih nak vai ah akhin gawk lawk ci nei. Nangmi chang päng naw am lung kyong, a ngaih kyong ung nami hmat ci, Bawipa nami Khanpughi naw a shaitak ah mäih ah akni phung avan ning pe gui pyi ci. Ani naw a shaitak phung cu pang kheng geng ci, tumat phi kä yu kyak ci.

EPHESIAN 6:10

Ak hnu bäih ah ka ning m’cäi gui cu, Bawipa ung kawngät nak la küikyang ciah a hlüngtai nak ung thamah ne khüighaat vä.

1 KORIN 16:13

Nami cüivai vai, nami yum nak ung khäng htek sei nami ng’düih vai, nami hlui cang vai, nami k’thamah vai.

HEBRU 9:27

Chang cu hnü ät bäng si ne, cun kawn ah Khanpughi ah m’khawichaa nak cu gah ci.

THULÄÄN NAK 31:23

Cun kawn ah Bawipa naw Nun ah hta Joshua cu ng’thu püi neta, a pyen nak cu, “Na ngaih gep vai, na m’hnüt bäi vai. Nang naw Israel chang gui cu na chuiso gui ne kei naw ka shaitak nak gui ah khaw ung na hteh pü gui vai, kei naw nang cu ka ning om püi khai.”

2 TIMOTHI 2:1

Ka hta, Bawi Khrit Jesuh ung kawng ät nak awn mi gah ah m’geinsei nak awn k’thamah ne om ä.

1 TIMOTHI 4:12

Nang cu na hmaw ci kyasei a u naw kä a ning kahta nak-en vai ah na om vai nei, nang’thu, na om, m’hni nak yum nak la ciimvai nak ung, yum ciah chang gui ami thei tu vai ah na om vai nei.

THUSHÄUTU 12:13

Shin gui avan kawn ah pyen vai tumat bäng om ci; Khanpughi kyih aa ne, ang thumkhän cu läk vai, a i ah kyasei ci ung a cun vai ah chang avan cu a tüisho ah kyak ci.

SAM 89:48

A u chang cu ka si ne ghing hlawt khai ang? A u chang naw ng’cim hmun ung ka amät k’phyawng hlawt khai ang?

JOB 30:23

Nang naw sih nak ah na na hteh püi ciah ka hmat ci. Cun cu chang päng ah bui awt ah kya ci.

JOB 16:22

Kei ah ka khokum gui cu tuhbäi ng’pyi lawk ci nei. Kei cu kä ng’hlah law ba nak ah lam ung ka hteit ci nei.

1 SHONTÄP NAK 28:20

Ghangpughang David naw a hta Solomon am a pyen nak cu, “Nang cu khüi ghat ne na thamah vai nei. Bii cu na tün ge vai, a i naw phi kä ning düm en sak sä. Bawipa Khanpughi, kei naw abii ka bi naw ning om püi khai nei. Ani naw kä ning nawng khai nei, Taigüim ung nang naw bi vai cu na bi yawp güt ung ani cu nang awn a täng ah om khai nei.

1 GHANGPUGHANG GUI 3:7

O Bawipa, Khanpughi, kei cu hmaw aih ne, a i cha ah uk vai kä ka hmat ung phi, kapa ah hnün ung ghangpughang ah na na kyak ba sak ci.

2 SAMUEL 10:12

Khüi ghat ne nami thamah vai! Mi chang gui la mi Khanpughi ah mang gaw gui ah phäh ah k’tha na ne mi ng’tuk khai nei. Bawipa naw ang yak hlü ah bi bik khai nei!” cine m’cäi gui ci.

2 SAMUEL 12:23

Cun ung phi tuhbäi ani sik ci, a i vai ei ka hlawi ba vai aw? Kei naw a hmaw ka ghin ba sak hning khai ma? Hnüüp ät ung kei cu ani ah om nak ah ka hteit khai, cun ung phi ani cu kei ah kä law ba khai” cik ci.

1 SHONTÄP NAK 22:13

Israel gui ah hmawk ah Bawipa naw Moses am a pek ah thukhän gui avan na läk ah a kyak ung nang cu näng nak na gah khai. K’tha la ne m’lung üp nak om sä, a i naw kä ning kyihkyawk en sak sä.

1 SHONTÄP NAK 22:16

ghui, ngui, kyei la m’sii gui awn bi thei ci gui Tuhbäi tün ne co vä, Bawipa naw ning om püi sä.”

1 SHONTÄP NAK 28:10

Nang naw na hmat vai cu, Theingcim ciah a Taigüim cawh vai ah Bawipa naw nang cu ning ghü ci nei. Tuhbäi co vä, khüighat ne co vä.”