1 GHANGPUGHANG GUI 19:8 - Cho Bible Common Language 2016

⁸ Elijah cu tho law neta ei aw ba ci, a ei awk naw k’thagui pe sei hnüüp phli kip ung hteit ne khomhtung theing Sinai ah gawk ci.

1 GHANGPUGHANG GUI 19:8 Referans Kwoze

PHYAWN NAK 34:28

A cu ah Moses cu Bawipa awn a täng ah hnüüp phlikip la, mü phlikip ung ei kä ei, tui kä awk ah om ci. Ani naw lung phe gui ah khan ah thumkhän ca ng’lung gui cu guk ci, thumkhän gha ah kyak ci.

MATTHE 4:2

Bawipa Jesuh cu hnüüp phli-kip la mü phli-kip ung a ei kaa ah om netah, ei ah cawi lawk ci.

THULÄÄN NAK 9:18

Cun kawn ah kei naw ka hmai ka ah m’kyum ne Bawipa ah om nak ung hnüüp phlikip la mü phlikip ung a i kä ei awk ah ka om ci. Kei naw cun ah ka bi cu nangmi naw katnak bi u ne Bawipa nami hnungtuk püi ah phäh la m’lungshe khai ah nami bi ah phäh ah kyak ci.

PHYAWN NAK 24:18

Moses cu khong mei ah ng’lung ah khomhtung ah hang kai ci. Acu ah ani cu hnüüp 40 la mü 40 om ci.

PHYAWN NAK 3:1

Hnüüp ät ung Moses naw akawi Midian taigüpa, Jethro ah htome gui shäm ne a om yah ung, ani cu htome gui hoi ne, kiangma phlän ne, khomhtung theing Sinai ah law ba ci.

2 KORIN 12:9

Cun ung phi ani ah nam shan nak cu, “Nang nak tha a ken yah ung kei ah hlüngtai nak cu, ak kuikyang pi ah kyak ci, cun ah kyasei kei ah m’gein nak bäng cu nang ung hlü ciah kyak ci” ciah kyak ci. Cun ah kyasei kei cu Bawi Khrit ah hlüngtai nak ung ka ng’yii nak vai ah, kak tha a ken ah hmawk ah, yeikyai aih ne ka khäghah ci nei.

LUKA 4:2

Acu ah hnüüp phli-kip ung khoshe ah tüihtok nak gah ci. Hnüüp cun gütung Bawipa cu ei kä ei ah om ci kya ne ang htei ah ei cawi lawk ci.

MAKUH 1:13

Cun ah bungpuk ah khoshe naw Bawipa cu kho hnüüp phli-kip ung tüihtok ci. Cun ah bung ah kiung ciah khisa gui om ci gui, cun ung phi khanchang gui naw Bawipa cu m’hteihtang ci gui.

DANIEL 1:15

Hnüüp gha a lüng kawn ah ngami cu mang im ungka ei ei ci gui ami van ah ta gai gawng law pi ne thamah law pi ci gui.

PHYAWN NAK 19:18

Sinai m’htung avan cu meikhu naw küm ci, a i ah kyasei ci ung a cun ah khan ah meikdäi ung Bawipa ah law sei kyak ci. Meikhu cu mei hung ungka ah mäih ah khu sei chang gui avan kyi aih ne ng’hlet ci gui.

PHYAWN NAK 4:27

Cun sang ung Bawipa naw Aaron am, “Moses na hmuk khai ah bung ah hteit ä” cik ci. Cun ah kyasei ani hmuk khai ah khomhtung theing ah hteit ci, ani naw Moses cu hmu neta ng’ui ci.

1 GHANGPUGHANG GUI 19:7

Bawipa ah khanchang law ba mä ne ak hnih vei nak ah m’tho neta a pyen ba cu, “Tho law ne ei ei ä, na hteh nak vai ah lam cu thuuk aih ci nei.”

1 GHANGPUGHANG GUI 17:6

Ani cu tuihta lawng ungka tui awk ci, m’htut la meh cu kaap gui naw akhongawi tä, amühun tä thak law ci gui.