1 GHANGPUGHANG GUI 19:5 - Cho Bible Common Language 2016

⁵ Ani cu sing ghing ka ah ng’yän neta ip ci. Ang ghit ah khanchang naw tawn neta a pyen cu, “Tho law ne ei ei ä” cik ci.

1 GHANGPUGHANG GUI 19:5 Referans Kwoze

HEBRU 13:5

Ngui ng’ya hlü aih ne kä nami ghin vai, nami mät ung om ci awn nami ng’büh vai. A i ah kyasei ci ung Khanpughi naw, “Kei naw nang cu kä ka ning hteh ta phung khai, kä ka ning nawng phung khai,” cine a pyein ah hmawk ah kyak ci.

HEBRU 1:14

Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

LAMKTU 12:7

Khanpughi ah khankho chang cu ang ghit ah Peter ah pei ah ng’düi law sei, thawng im kyong cu dei ne khang ci. Khankho chang naw Peter cu ak phleing ung pang ne, “Ang ghit ah tho law” ci ne m’tho ci. Acun vai am Peter ah kut ung m’si gui gui cu ng’phian ne yu kya vü yawp ci.

DANIEL 9:21

Kei ka taigü sangung muimang ung kei naw ka hmuh te ah Kabriela cu kei ka om nak ah yong ne lawk ci. Cun cu douthak vai ah mühun täng khawihnah nak ah a khin ah kyak ci.

DANIEL 8:19

a pyen cu, “Khanpughi ah m’lung she nak a i cha ah kya lawk khai ci cu, kei naw ka ning m’dang nei. Muimang ah mawng cu kho ang pyi nak vai ah khin ah kyak ci.

SAM 34:10

Kawng hlui cu a ei vai kä om se a cawi ung phi, Bawipa läk ciah chang cu ni kyom nak kä shum khai nei.

SAM 34:7

Bawipa m’tam khah ciah chang gui cu, ak khan kho chang gui naw ngäng ci gui, kyihkyawk nak nüng ung gung ci gui.

1 GHANGPUGHANG GUI 19:4

Elijah cu bung hmu ah hnüüp pum ung hteit ci. Ani cu sing ghing ah ang hniim ka ah ng’düm neta, ka sih ung bä tuba khai, ci neta ak taigü cu, “Bawipa, ka yai aih ci nei, ka ghin nak cu na lak pe ä; kei ka sih ung bä tuba khai nei!” cik ci.

1 GHANGPUGHANG GUI 19:6

Ani cu mang shüi neta, m’htut pum ät la tui um ät a lu pei ah om sei hmuk ci. Ani cu ei aw neta ng’yän ba ci.

ZEKHARIAH 4:1

Kei na ng’thu püi te ciah khanchang cu law ba mä ne, ip ci m’thawh ah mäih ah kei cu na m’tho neta,