1 GHANGPUGHANG GUI 19:2 - Cho Bible Common Language 2016

² Ani naw Elijah am ng’thu m’khäh ci: “Prophet gui ah khan ah na bi ah mäih ah ngawi ung a shin ah khin ung kei naw nang ah khan ah kä ka bi ah a kyak ung khanpughi gui naw ka sik khai ah na ci u sä.”

1 GHANGPUGHANG GUI 19:2 Referans Kwoze

2 GHANGPUGHANG GUI 6:31

Ani naw, “Khohni kä ah hang luh pha ung Elisha ah lu kä a pit ah a kyak ung Khanpughi naw na m’shih sä!” cine ng’taam ci.

1 GHANGPUGHANG GUI 20:10

Benhadad ah ka law ba ci: “Shin ah mang gaw m’di ne akhui akpi gui ami kut awn kawt ne hteh püi hning khai ah chang gui ka law püi khai nei. Cun ah kä ka bi ung khanpughi gui naw na m’sih u sä!” cine pyen ci nei, cik ci.

RUT 1:17

Na sih nak ah ka si tuk khai aw ah ka ng’cim khai. Sih nak ah kawn ah a hei a mawng awn nang ka ning pai püi ah a kyak ung, kei cu Bawipa naw akshe pi k’bäih ah na m’kyuk sä” cik ci.

DANIEL 3:15

Tuhbäi pyung puuk, pyung lawi, htiing, tingtäng, peen m’hlui la tumkhawn gui nami ng’yak vai am, m’khuk dong ne agup cu nami khawihnah vai, cun ah kä nami bi ung nangmi cu meicaang ai ung ang ghit ah ning shum gui vai nei, nangmi ning hun gui hning khai khanpughi om khai ah nami ngai ne ma?” cik ci.

NG'THU K'THUUK~ 27:1

Ngawi ung ah phä ah kä khähghah vai, heng ung ngawi ung a i ah akyak vai cu nang naw kä na hmat ci.

PHYAWN NAK 10:28

Ani naw Moses am, “Kama ungka ng’düi law ne hteit ä, a pi ah phi kä ka ning hmu ba vai ah na om vai, ka ning hmuh ba hnüp na sik khai nei” cik ci.

1 GHANGPUGHANG GUI 2:28

Cun ah mawng gui cu Joab naw ng’yak ci. (Ani naw Adonijah cu ng’düih püi ci, Absalom cu kä ng’düih püi ci.) Cun ah kyasei ani cu Bawipa ah om nak ah Phung ah dawng ne, sonkiang ah a kit gui cu k’pang ci.

2 GHANGPUGHANG GUI 19:22

Nang naw a u cu nak shedam yawshe nak ciah na ngai ne ang? Nang naw, kei theingcim ciah Israel Khanpughi cu, kä na na chang m’sui ci nei.

PHYAWN NAK 15:9

Ga naw pyen ci, “Kei naw k’täm ne ka pha gui khai; ami khawh cu k’pai pe gui ne, kei naw avan ka lak khai. Ka khim phawng neta ngami ung om ci avan ka lak khai.

2 SAMUEL 3:9

Bawipa naw David am shaitak ci, ani naw Saul la a hta ng’shon ah kut ungka, uknak cu lak khai, David cu Israel la Judah ah ghangpughang ah ng’hmoh khai, kho vangtäng khaw cawi ungka naw vangtäng khaw cawi ung khüt khai. Shin ah ng’thu cu akcang ah kä ka bi ung Khanpughi naw ka sik khai ah na ci sä!” cik ci.

2 SAMUEL 19:13

David naw Amasa am ami m’thein vai ah a pyen nak gui cu, “Nang cu ka ning mätyah nei. Tuhbäi ung tün ne, Joab hnün ung, gakap ung ang vai pi ah ka ning tha ci nei. Cun ah kä ka bi ah a kyak ung Khanpughi naw na m’sih sä!” cik ci.

JEREMIAH 20:10

Chang nü naw na pyen sa u sei ka ng’yak ci nei, “khaw nü ung m’ghämce nak om ci! Cun ah kyasei huham bawi ah mi chak khai nei!” cik ci gui. Ka khawt püi gui pi ah a teihpüi gui naw phi kei ah yung kyak vai cu na ngäng ci gui nei. Ngami naw, “Ani cu mi thei leh nak khai, cun kawn ah ani cu mi phak khai, phu mi tuk nak khai” cik ci gui.

JEREMIAH 26:21

Ghangpughang Jehoiakim, agakap gui la a bawi gui naw Uriah ah ng’thu pyen cu ng’ya u neta, ghangpughang naw ani ngawn vai ah k’tha nak ci. Cun ung phi Uriah naw cun cu ng’ya neta, kyi ne Egypt ah dawng ci.

1 GHANGPUGHANG GUI 2:23

Cun kawn ah Solomon naw Bawipa ah ang ming ung shaitak nak aktung ah bik ci, “Shin ah a nak thäh ah phäh ah Adonijah naw a hnun gui pek khai ah kä ka bi ah a kyak ung, Khanpughi naw ka sih vai ah na yuk bi sä!