1 GHANGPUGHANG GUI 19:12 - Cho Bible Common Language 2016

¹² Shihpi a thüng kawn ah mei däi lawk ci — cun ung phi mei ung Bawipa kä om ci. Mei a däi law kawn ah ng’awi gii cia k’aw gawk lawk ci.

1 GHANGPUGHANG GUI 19:12 Referans Kwoze

JOB 4:16

Cän ung a i baw ng’düi sei ka hmuk ci; Cun cu a i ang ciah ka pyen law khäät te ci kä ka pyen hning ci. Cun kawn ah a diing nak ungka k’aw lut law sei ka ng’yak ci.

ZEKHARIAH 4:6

Bawipa ungka lawk ciah shin ah ng’thu cu, Zerubbabela am ka pek vai ah khanchang naw na m’thein ci nei. “Nang cu na näng khai, cun cu gakap huham awn ah kä kyak ci, na mät ah thagui awn ah kä kyak ci, kei ah ka mümcha awn ah kyak ci.

THULÄÄN NAK 4:33

Khanpughi naw mei ungka naw a ning thu püi gui kawn ung nami om ah mäih ah om ciah chang om man ne ang?

JOB 33:7

Cun ah kyasei nang naw kei na na kyih vai ah amawng kä om ci. Kei naw nang kä ka ning katnak khai nei.

PHYAWN NAK 34:6

Cun kawn ah Bawipa naw ama ung law neta am lau cu, Kei, Bawipa, Khanpughi, m’gein nak la m’hni nak awn ka be ci, kä ka m’lungshe yäi ci, dämduh ciah m’hni nak la bekhüt nak ka m’dang ci.

PHYAWN NAK 3:2

A cu ah Bawipa ah khanchang cu k’pluup ah ng’lung ah mei m’lei ah dang lawk ci. Moses naw k’pluup cu mei ah däi sei hmuk ci, cun ung phi kä ui ci.

ATÜNNAK 15:17

Khawhni hang kyasei khaw hmüp law khätah, khu ciah shei k’am la däi ciah mei im cu ang ghit ah dang law ne, khisa meh gui cu khan gui ci.

HEBRU 12:29

A i ah kyasei ci ung mikmi ah Khanpughi cu m’khih ne ui ciah mei akcang ah kyak ci nei.

LAMKTU 2:2

A cun yah ung khankho ah ka, khaw khi nu ah mäih ah ng’hmum ciah k’aw cu ami om nak ah kyawng khui ah gawk law ne be ci.

2 GHANGPUGHANG GUI 2:11

Ngani cu hteit lai lai ne ani ng’htau sang ung; ang ghit ah meidäi yatha, meidäi ng’se gui ah kaih cu ani ng’lak ung gawk law ne, kuiphak ah khi ne, Elijah cu khankho ah hteh püi ci gui.

2 GHANGPUGHANG GUI 1:10

Elijah naw, “Kei cu Khanpughi ah chang ah ka kyak ung, khankho ah ka mei kya law ne, nang la na chang gui cu ning ngawn gui sä!” cik ci. Acun vai am mei kya law ne cun ah bawi la achang gui cu ngawn gui ci.

1 GHANGPUGHANG GUI 18:38

Bawipa naw mei yuk chah law sei, khawihnah nak ni, sing ni, lung gui ni avan ui ne, m’dek phi ng’khiit ne, m’yawng ung tui phi ket yawp ci.

THULÄÄN NAK 4:15

“Sinai M’htung khan ah mei ungka naw Bawipa naw a ning thu püi gui sang ung nangmi naw amüi kä nami hmuk ci. Nami mät ah ni nak vai nami ng’hteicha vai.