1 GHANGPUGHANG GUI 19:11 - Cho Bible Common Language 2016

¹¹ Bawipa naw ani am, “Hteit ne m’htung lai ung kei ah ma ah ng’düi ä” ciah pyen nak ci. Bawipa naw sunpah ne hteit neta, khokhinu cu chah law sei, khomhtung gui pyawn ne, lung gui payak ci — cun ung phi Bawipa cu khokhi ung kä om ci. Khokhi ng’düm law khäta, shihpi thüng lawk ci — cun ung phi shihpi a thüng nak ung Bawipa kä om ci.

1 GHANGPUGHANG GUI 19:11 Referans Kwoze

EZEKIEL 1:4

Kei naw hang mang neta a siiptäng ah ka puikho khi law sei ka hmuk ci. Khongmei akdäm ungka kho lai läp ne ng’shü law sei khomik cu ng’veing ne khosing thek ci. Kho laitäp ne adei nak ung kyei ah mäih lawk cicu ng’shü ci,

SAM 50:3

Mi Khanpughi kyum lawk ci, kä chawkchek ne kä om ci, a ma ung mei m’lei tawt ne, pui kho khi nu naw kiung ci.

ISAIAH 30:30

Bawipa naw m’gäi ciah ak’aw cu chang nü am ng’yak sak ne, am lungs he nak ah ng’tut nak cn gah sakgci khai meikdäi gui, khumei ng’baw, gäi nu gui la kyihshe ciah khok’aa cu kya lawk khai.

JOB 38:1

Pui khokhi awn Bawipa naw Joba cu ng’thu püi ci.

HEBRU 12:26

Cun sang ung Khanpughi ah ng’thu naw khomdek cu thüng sak ci nei. Cun bäng ah kä kyak ciah, tuk bäi, Bawipa naw, “Kei naw hnü ät mä, khomdek bäng ah kä kya ciah, khankho phi ka thüng sak khai nei,” cine shai a taak om ci.

EZEKIEL 37:7

Cun ah kyasei ana m’thein ah mäih ah ka ng’cängbang ci. Kei naw ng’thu ka pyen yah ung ng’sek ah k’aw cu ka ng’yak ci. Cun ung guh gui cu tün ne ng’cak ci gui.

SAM 68:8

Shihpi thüng ne, khomik ung ka tui kya lawk ci. A i ah kyasei ci ung Sinai Khanpughi, Israel Khanpughi a law ah hmawk ah kyak ci.

PHYAWN NAK 34:2

Ngawi ung khawngawi ung pawng ne kei na na hmuk khai ah Sinai m’htung lai ah na law vai.

PHYAWN NAK 19:20

Bawipa cu Sinai m’htung lai ah kyum law ne, Moses cu m’htung lai ah a hang kai vai ah khü ci. Moses hang kai khäta,

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

THU PHLAAN 16:18

Acun ung khaw lailäp ne ng’hmum ne ng’kyeek ne, shihpi ng’thüi ne thüng lawk ci. Chang ah ng’tüi kawn ung shin ah mäih ah shihpi kä thüng man ci. Cun cu akshekha pibäih ah kyak ci.

THU PHLAAN 11:19

Cun kawn ah khanmawpi ah pum im cu ng’hmawng law khätah, Thukhän M’küm cu ka hmuk ci. Acun yah ung khaw lailäp ne ng’hmumkyeek ne, shipi thüng ne, gääi nu bawh ne khawshe ne aa lawk ci.

PHYAWN NAK 24:18

Moses cu khong mei ah ng’lung ah khomhtung ah hang kai ci. Acu ah ani cu hnüüp 40 la mü 40 om ci.

PHYAWN NAK 24:12

Bawipa naw Moses am, “M’htung khan ah ka om nak ah hang kai law ä, shi ah na om yah ung, lung palap hnih ka ning pek khai. A cun ung chang gui m’shüm thein nak ah thukhän avan cu ka guk nei” cik ci.

MATTHE 28:2

Cun yah ung shihpi ak tung ah thüng lawk ci. Khanpughi ah khankho chang cu khankho ah kaa kyum law ne, phuh hmun khui m’kawt khai nak ah lungnu cu lat netah, ak khan ah ngok ci.

ZEKHARIAH 4:6

Bawipa ungka lawk ciah shin ah ng’thu cu, Zerubbabela am ka pek vai ah khanchang naw na m’thein ci nei. “Nang cu na näng khai, cun cu gakap huham awn ah kä kyak ci, na mät ah thagui awn ah kä kyak ci, kei ah ka mümcha awn ah kyak ci.

NAHUM 1:3

Bawipa cu kä m’lungshe yäi ci. Cun ung phi ani cu huham mah ci, Akshe cu kä m’kyuk ah kä nawng ci. Bawipa ah hteh nak ah puikhaw khi ci; Akhaw a chaan ung khaw ng’mei m’vut ah thawk ci.

PHYAWN NAK 34:6

Cun kawn ah Bawipa naw ama ung law neta am lau cu, Kei, Bawipa, Khanpughi, m’gein nak la m’hni nak awn ka be ci, kä ka m’lungshe yäi ci, dämduh ciah m’hni nak la bekhüt nak ka m’dang ci.

PHYAWN NAK 20:18

Chang gui naw khaw hmum la phyungheng ah ng’gin cu ng’ya u ne, khaw lailäp la mei ah khu ciah m’htung cu hmu u neta, kyi ne ng’hlet ne, ang shawng ah ng’düi ci gui.

MATTHE 24:7

Chang pakhui tumat la tumat uknak khopäng tumat la tumat, ng’tuk nak om khai. Akho päng ung ei vai maih khai, shihpi thüng khai,

ZEKHARIAH 14:5

Nangmi cu khomhtung hnih ah ng’pai ciah m’ghawng ung dawng ne nami phyawng khai. Judah khaw ung ghangpughang Uzziah ah uk sangung shipi a thüng yah ung ami phiawn ah mäih ah nami phyawng khai. Bawipa ka Khanpughi cu law ne khanchang avan law püi gui khai.

1 SAMUEL 14:15

Cun ah khohmun ung om ciah Philistin gui cu cäcat yawp ci gui, ng’tuk bi ci gui la gakap gui cu phung kyong ah kyi ne htet ci gui; khomdek thüng ci, ak tung ah thünggüng nak om ci.

PHYAWN NAK 19:16

A hnüüp thum hnüüp khaw ngawi hta ah khaw ng’hmum ne lailäp sei, m’htung khan ah ng’mei ng’thong dang lawk ci, ng’shan ciah phyungheng tum cu ng’yak ci gui, phung ung om ciah chang gui ami van ng’hlet ci gui.

SAM 68:9

Nang naw kho angtäi aa sak ne, na ng’dü kho phi na kyäp sak ci;