1 GHANGPUGHANG GUI 19:10 - Cho Bible Common Language 2016

¹⁰ Ani naw, “Bawipa, M’gäi ciah Khanpughi, kei naw angtäi sei nang ah bii ka bik ci nei — nang bäng ah bi nei ka bi. Cun ung phi Israel chang gui naw nang ung thukhän cu m’shet u ne, na sonkiang phye u ne, na prophet gui avan ngawn ci gui nei. Kei bäng ka k’pawih ba ci — kei phi na ngawn khai gui ah k’tha nak ci gui nei!” cik ci.

1 GHANGPUGHANG GUI 19:10 Referans Kwoze

1 GHANGPUGHANG GUI 18:4

Jezebela naw Bawipa ah prophet gui a ngawn gui yah ung Obadiah naw prophet phia cu la gui neta, hma kip ciah hnih ah k’pai gui ne, khui ung thup gui ci, tui ei phi pe gui ci.)

1 GHANGPUGHANG GUI 18:22

Elijah naw pyen ba ne, “Bawipa ah prophet gui ungka, kei bäng ka om ba ci, cun ung phi Baala ah prophet 450 lawk ci gui.

PHYAWN NAK 34:14

“A hei khanpughi kä nami khawihnah vai, a i ah kyasei ci ung Kei, Bawipa m’tumtäng nak phung ka lum k’she nak ci nei.

PHYAWN NAK 20:5

A i ah a gup ah ma ah phi kä nami m’khukdong vai, kä nami khawihnah vai, a i ah kyasei ci ung, kei cu Bawipa, nami Khanpughi, a u awn phi kä ka ni täng ci. Kei na gen ci gui ah khan ah m’kyuk nak ka law püi ci. Ami hta ng’shon, shon thum, shon phli güt ung ka m’kyuk gui ci.

1 GHANGPUGHANG GUI 18:30

Cun kawn ah Elijah naw chang gui am, “Ka pei ah law vä” ci sei, ngami ami van law ne ng’bum lawk ci gui. Ani naw ami phyeet te ah Bawipa ah sonkiang cu pyang ba ci.

KHEI NAK 25:13

Ani la ani ah htangshon gui cu, angtäi sei taigü ah m’düih gui nei. Ani cu kei na küknet püi ciah khanpughi ah khan ah am lung kä sau ci. Cun ung phi chang gui ah katnak ah hmawk ah geinsei nak law püi ci” cik ci.

KHEI NAK 25:11

Phinehas ah abi ah phäh ah Israel chang gui ah khan ah kä ka m’lungshe ba ci nei. Ani cu kei ah kawn ah a hei khanpughi khawihnah vai cu mak ci. Kei bäng na khawihnah ci, cun ah kyasei kei naw ka m’lungshe nak awn ngami kä ka m’di gui ci.

JOHAN 2:17

Cun kawn ah ang düihpüi gui naw, Ka taigü nak Khanpughi ah im theing ah hmawk ah, kamlung kyong cu mei cang ah mäih ah ng’ling aih ci” ciah cacim cu shüm ba ci gui.

MIKHAH 7:2

Khaw ung changnigui maih yawp ci gui, Khanpughi ung ng’düng ci a u kä om ci. Khaw päng ung chang ngawn vai däät ci gui, chang päng naw ami chang paw ga nak ci gui.

MIKHAH 6:16

Shin gui ah a kyak law cu ghangpughang Omri la ahta Ahab ah omshe nami läk ah phäh ah kyak ci. Ngami ah bi cu nami läk lä ung di nak ung ka ning hteh püi gui khai. Chang van naw ning päipih khai, khaw nü ah chang naw nin m’kyuk khai gui” cik ci.

HOSEA 5:11

Israel cu shedam nak gah ci. Aini naw amät ah ka tu k’cang ah a khaw cu chah ci. A i ah kyasei ci ung ani naw ani am kä pe hning khai ah om nak ah hteit ne m’hteihtang nak cu k’thäh ci.

JEREMIAH 2:30

Kei naw ka ning m’kyuk ci, cun ung phi cun cu kä nik ci; nami ng’düng vai ah kä nami n apian sak ci. Nget ciah phongkawng ah mäih ah nang naw na prophet gui cu na ngawn ci.

SAM 119:139

Ka ga gui naw na thumkhän cu a i ah kä ngai u khäta, ka m’lungshe nak naw mei ah mäih ah na ui ci nei.

SAM 69:9

Na pum im kyong ah ka khawihnah nak naw mei ah mäih ah na ui ci nei; nang ami ning päipih nak phi kei ah khan ah gawk lawk ci nei.

1 GHANGPUGHANG GUI 22:8

Ahab naw, “Tumat om ba ci nei, Imlah ah hta Mikaiah. Cun ung phi ani cu ka thüi nak ci, kei ah phäh ah a i phi akni ah kä ng’cäbang man ci; akshe ah va ang’täi sei pyen ci” cik ci. Jehoshaphat naw, “Cun ah kä na pyen vai” ciah pyen nak ci.

1 GHANGPUGHANG GUI 19:14

Ani naw, “Bawipa, M’gäi ciah Khanpughi, kei naw angtäi sei nang ah bii ka bik ci nei — nang ah bii bäng nei ka bi. Cun ung phi Israel chang gui naw nang awn ng’thukhän cu m’shet u ne, na sonkiang cu phye u ne, na prophet gui avan ngawn ci gui nei. Kei bäng ka k’pawih ba ci — kei phi na ngawn khai gui ah k’tha nak ci gui nei” cik ci.

1 GHANGPUGHANG GUI 19:2

Ani naw Elijah am ng’thu m’khäh ci: “Prophet gui ah khan ah na bi ah mäih ah ngawi ung a shin ah khin ung kei naw nang ah khan ah kä ka bi ah a kyak ung khanpughi gui naw ka sik khai ah na ci u sä.”

1 GHANGPUGHANG GUI 18:20

Cun ah kyasei Ahab naw Israel gui ami van la Baala ah prophet gui cu Karmela M’htung ah k’bum ne ng’hmuh sak gui ci.

1 GHANGPUGHANG GUI 18:17

Ahab naw ani cu hmu law neta, “Shi ah nang na om ci maw — Israel khaw khüikha vai ah bi pikbäih ciah chang!” cik ci.”

1 GHANGPUGHANG GUI 18:10

Na Khanpughi, ghing ciah Bawipa ung kei ka ng’tam ci nei, khaw ah ka, a khawpäng päng ung nang cu ghangpughang naw ning shui sä. Khawpäng uktu naw a khaw ung nang kä na om ciah a pyen law ba ah a kyak ung acun ah uktu naw nang kä a ning hmuh ah mawng angkhäntam vai ah Ahab naw k’thäh khai nei.

1 GHANGPUGHANG GUI 20:35

Bawipa ah thumkhän ah kyasei prophet ng’bung ungka prophet tumat naw a prophet paw am a thah vai ah pyen ci. Cun ung phi ani mak ci,

1 GHANGPUGHANG GUI 20:22

Cun kawn ah prophet naw Ghangpughang Ahab ah hteit neta a pyen cu, “Hteit ba ne, na gakap cu k’taigui na be sak vai nei, gein na ne pawng htein vai nei, tawi lawk ciah khaw cing ung Siria ghangpughang naw tu law ba khai nei” cik ci.

1 GHANGPUGHANG GUI 20:13

Cun yah ung prophet tumat naw ghangpughang Ahab ah law ne a pyen law cu, “Bawipa naw pyen ci, shin ah gakap gui cu kä na kyih en vai! Tuhngawi kei naw nang am ngami ah khan ah näng nak ka ning pek khai, cun ung kei cu Bawipa ah ka kyak ciah nang naw na hmat khai.”

HEBRU 11:37

Ngami cu lung awn ami vawih gui, m’si awn ami m’chün gui, khim awn ami ngawn gui ah kyak ci. Ngami cu pyamthaam u ne, dukdeiu nak la m’lung ah geinvai nak gah u ne, htome la me ah vun suisak ci gui.

THULÄÄN NAK 31:16

Bawipa naw Moses am, “Tuhbäi nang na sik khai, nang na sih kawn ah chang gui cu kei ung kä bekhüt law ba khai gui, ngami awn ka bi ah thumkhän cu ngami naw m’shet khai gui. Ngami naw kei cu na nawng u ne, ngami naw ami luh nak vai ah khan ung khawgai khanpughi gui cu khawihnah khai gui.

2 GHANGPUGHANG GUI 10:16

“Kei awn a täng ah law neta, kei naw a i hlawk ah Bawipa ka khawihnah cu na mät naw teng ä” cik ci. Cun kawn ah ngami cu Samaria ah ng’se awn a täng ah hteit ci gui.

JEREMIAH 36:26

Cun kawn ah ani naw ng’thukbäi ne, manghta Jerahmeela cu Azriel ah hta Seraiah la Abdeel ah hta Shelemiah awn atäng ah kei la ka secretary Baruk cu na pha gui khai ah tüi gui ci. Cun ung phi Bawipa naw keimi cu na thup gui ci.

NEHEMIAH 9:26

Cun ung phi na chang gui naw ning küknet püi u ne, na ng’thu kä ngai ci gui; Nang ah thukhän cu ng’hlah tak ci gui. Ng’thu k’bäi gui ne, nang ah ami ng’hlah law ba vai ah pyen ah gui ciah prophet gui cu ngami naw ngawn ci gui. Ngami naw leng ba ba ne ning yawshe nak ci gui,

SAM 78:37

Ngami cu ani ah khan ah kä chang m’sui ci gui, ani awn ami shaitak ung kä bekhüt ci gui.

SAM 119:26

Ka bi phung avan ng’yu ne ka ng’pa ci, nang naw na na m’shang ci; na lam gui cu na m’thei ä.

SAM 119:126

Bawipa, na hnün thawh nak vai akhin gawk lawk cine, A i ah kyasei ci ung chang gui naw na thukhän kä läk ci gui nei.

ISAIAH 49:4

Kei naw ka pyen ci, “Kei naw ka bik ci, cun ung phi cun cu a kholä ah kyak ci nei! Kei naw ka thagui ka mang ci, cun ung phi ei mang vai a i kä om ci.” Cun ung phi ka mawng ma na shungvong khai ah Bawipa ung ka ng’ap ci nei; kei naw ka bilawh ah phäh ah ani naw na m’cümhnak khai nei.