1 GHANGPUGHANG GUI 18:9 - Cho Bible Common Language 2016

⁹ Obadiah naw, “Ghangpughang Ahab naw ana ngawn vai ah, nang naw ana ngawn vai nang yak hlü cu, kei naw a i ka bi ah phäh ah ang?

1 GHANGPUGHANG GUI 18:9 Referans Kwoze

1 GHANGPUGHANG GUI 18:12

Kei naw ka ning hteh tak kei yah ung, Bawipa ah mümcha naw nang cu kä hmat nak ah hmun ah a ning hteh ei püi ah a kyak ung, kei a i ah ka kyak khai aw? Nang shin ung na om cu kei naw Ahab am ka m’thein khai, ani naw law ne kä a ning hmuh ah a kyak ung, ani naw kei cu na ngawn khai nei. Na shüm vai cu, kei cu ka hmaw hta sang ge ung akcang ah Bawipa ka khawihnah ci nei.

1 GHANGPUGHANG GUI 17:18

Ani naw Elijah pyen nak ci, “Khanpughi ah chang, a i ah kyasei kei ah khan ah shin ah na bi ang? Khanpughi am kei ah katnak gui m’thein ci sei, acun ah cheng ah ka hta a sih vai ah na lawk ci ang?”

PHYAWN NAK 5:21

Ngami naw Moses la Aaron am, “A i nani bi cu Bawipa naw hmuk ci nei, ghangpughang la bawi gui naw ami na gen gui vai ah nani bi ah hmawk ah ning m’kyuk goi khai nei. Ngami naw ami na ngawn nak gui vai ah, nangni naw a mawng akni nani bik ci nei” cik ci gui.

1 GHANGPUGHANG GUI 18:8

Ani naw m’shang ne, “Ä, kei Elijah nei, hteit ne na Bawi ghangpughang am kei shin ung ka om cu m’thein ä” cik ci.

1 GHANGPUGHANG GUI 18:10

Na Khanpughi, ghing ciah Bawipa ung kei ka ng’tam ci nei, khaw ah ka, a khawpäng päng ung nang cu ghangpughang naw ning shui sä. Khawpäng uktu naw a khaw ung nang kä na om ciah a pyen law ba ah a kyak ung acun ah uktu naw nang kä a ning hmuh ah mawng angkhäntam vai ah Ahab naw k’thäh khai nei.