1 GHANGPUGHANG GUI 18:7 - Cho Bible Common Language 2016

⁷ Obadiah naw a hteh nak ah lam ung ang ghit ah Elijah cu hmuk ci. Ani naw Elijah cu hmat ba neta, ama ah kawp ne, saya, nang Elijah ang?” cik ci.

1 GHANGPUGHANG GUI 18:7 Referans Kwoze

MATTHE 11:8

Kä cun ung a i vai nami hteit ci ang? Ak kyom suisak ci gui nami teng khai ang? Ak kyom suisak ci gui cu mang im kyong ah nei ami om.

MATTHE 3:4

Johan cu kala-uk mu awn tah ah suinu sui ne, saphaw m’yüi awn ak khei k’htün ci. A ei awk cu khoitui la khoi htalung ah kyak ci.

ISAIAH 60:14

Nangmi ning shedam na gui ciah ami hta gui cu law u ne, kawp u ne ami ning changsui nak m’dang khai gui nei. Acau ning päipih man ci gui ami van naw na khaw peiah law ne ning khawihnah khai gui nei. Ngami naw nang cu, ‘Bawipa ah mang Gaw’ ah ning khü khai gui nei. ‘Zion, Theingcim ciah Israel khanpughi ah mang gaw’ cik khai gui nei.

1 GHANGPUGHANG GUI 11:29

Hnüüp ät ung, Jeroboam cu Jerusalem ah ka a law lam ah Shilon ah ka prophet Ahijah naw khaw ng’pyäu ung lam ah amät ng’hmuh püi ci.

2 SAMUEL 19:18

Ngami cu tuinu kat u ne, bawi mang gui naw ami kah yah ung m’htei gui ci gui, cun kawn ah ghangpughang ah ang yak hlü phung cu bi pek ci gui. Ghangpughang cu tui kat ge khai ah kya khäta Shimei cu ghangpughang ah ma ah ng’phäi ne kawp neta

1 SAMUEL 20:41

Ak hmaw a hteh ba kawn ah, David cu lung pum gui ah hnu ung ka tho law ba ne, m’khukdong ne, m’dek ung thum vei kawp ne khawihnah ci. Ani ni hnih cu kyap ni ne, ng’ui tuk ci goi; David ah thüi cu Jonathan ah ta tä pi ci.

KHEI NAK 12:11

ani naw Moses am, “Na bä ni bawi aw, shekak ciah kani hma nak ah phä ah shin ah m’kyuk nak ung kani yaica khai ah kä na bi en goi ä.

ATÜNNAK 50:18

Cun kawn ah a phäi gui cu law u ne ama ah kawp u neta, “Shin ung na ma ah na changshäm gui ah kya ne kami lawk ci nei” cik ci gui.

ATÜNNAK 44:33

Bawi aw, tuhbäi a hmaw ah hnün ung, kei cu changshäm ah ka om shüt khai, ani cu a phäi gui awn hteit tu ba sä.

ATÜNNAK 44:20

Keimi naw, “Kami pa om ci, ghi lawk ci, pa a ghi kawn ung a hta nak kami nau a hmawpi om ci. Nu ät ah hta gui ungka a phäi cu si pyi ci, ani bäng om ba sei apa naw anghtei ah m’hni ci.”

ATÜNNAK 44:16

Judah naw, “Bawi aw, keimi a i kami pyen ba hning khai aw, a i cha kami ling tuba thei khai aw, a i cha kami ng’huut thei khai aw, Khanpughi naw kami katnak m’dang pyi ci nei. Khap hmuh nak ah chang bäng ah kä kyak ci, kami van cu na changshäm ah kami kyak ci nei.

ATÜNNAK 18:12

Cun ah kyasei Sarah cu amät gaih neta, “Kei phi ka ghi lawk ci, ka cei phi ghi lawk ci, Kani ip om ba hning kheng khai aw?” cik ci.

ATÜNNAK 18:2

Chang sing thum ng’düi sei hmuk ci. Ani cu a hmuh gui vai am va lut ne, a hmai naw m’dek tawn khai ah kawp neta,

1 GHANGPUGHANG GUI 18:6

Ani teng nak vai ah khaw täng phäh phäh cu yum yawp ni neta a lam hei hei ung hteit ci goi.

1 GHANGPUGHANG GUI 18:8

Ani naw m’shang ne, “Ä, kei Elijah nei, hteit ne na Bawi ghangpughang am kei shin ung ka om cu m’thein ä” cik ci.