1 GHANGPUGHANG GUI 18:4 - Cho Bible Common Language 2016

⁴ Jezebela naw Bawipa ah prophet gui a ngawn gui yah ung Obadiah naw prophet phia cu la gui neta, hma kip ciah hnih ah k’pai gui ne, khui ung thup gui ci, tui ei phi pe gui ci.)

1 GHANGPUGHANG GUI 18:4 Referans Kwoze

1 GHANGPUGHANG GUI 18:13

Nang naw na ng’yak khai nei, Jezebela naw Bawipa ah prophet gui a ngawn gui sang ung, prophet phia cu hmakip ciah k’pai ne lungkhui ung thup gui ne, tui la ei cu ka tumbei gui ci nei.

HEBRU 11:38

Khomdek khan cu ngami ah hmawk ah kä bä ci nei! Ngami cu khokhäu, kiang maa la kho m’htung yung ah geinvai chang ah mäih ah hteit shüi shüi u ne, lung khui m’dek khui ung va om vük ci gui.

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

MATTHE 25:35

Nangmi cu kei ei ka cawi yah ung ei nami nam bei ci, tui ka gha yah ung tui nami na tu ci, kei cu khin ah ka kyak yah ung nami na khin nak ci.

MATTHE 21:35

Lo ng’vat ci gui naw ak changshäm a tüih gui cu pha u netah amshah cu that ne, amshah cu ngawn ne, amshah cu lung awn vawi ne cik ci gui.

NEHEMIAH 9:26

Cun ung phi na chang gui naw ning küknet püi u ne, na ng’thu kä ngai ci gui; Nang ah thukhän cu ng’hlah tak ci gui. Ng’thu k’bäi gui ne, nang ah ami ng’hlah law ba vai ah pyen ah gui ciah prophet gui cu ngami naw ngawn ci gui. Ngami naw leng ba ba ne ning yawshe nak ci gui,

1 GHANGPUGHANG GUI 13:16

Cun ung phi Judah ah prophet naw m’shang ne, “Nang awn a täng ah na im ah kä ka hteit tuk khai, nang ah na khinchah nak phi kä ka dou khai. Shin ung a i phi nang awn a täng ah kä ka ei awk khai,

1 GHANGPUGHANG GUI 18:5

Ahab naw Obadiah a pyen nak cu, “Ng’se lah la gui ami ghin nak vai ah khu ah lim nak mi hmuh vai ah khaw akyong ung tuinu tuihta phung cu hteit ne mi teng khai nei. Cung mi ng’sela api phi kä mi sih sak khai.”

2 GHANGPUGHANG GUI 6:32

Cun kawn ah Elisha cu phak khai ah chang tüi ci. Cun sang ung Elisha cu ang vaihta gui awn a täng ah ngo ne im ah om ci. Ghangpughang ah chang tüih kä a gawk law pha ung Elisha naw angvaihta gui a pyen nak gui cu, “Chang ngawn ciah chang naw kei na ngawn khai ah chang tüi lawk ci nei! Tuhbäi, shin ung a gawk law ung, shoh khai ne, ani kyong ah kä nami luh en sak vai nei. Ghangpughang amät cu ani ah hnu ah gawk lawk khai nei.

2 GHANGPUGHANG GUI 9:7

Nang naw na bawi ghangpughang, Ahab ah hta cu na ngawn vai, cun ah kyasei ka prophet gui la ka changshäm gui ngawn ciah Jezebela cu kei naw ka m’kyuk khai.

ISAIAH 16:3

Ngami naw Judah chang gui ami pyen nak gui cu, “A i bi vai cu na m’thein gui vä. Hnüüp lung kholing ung gei khai ah hnim ciah sing ghing ah mäih ah keimi cu na shungvong gui vä, nami ng’hnim ung na ng’düm sak gui vä, Keimi cu chang geinvai gui nei; a u naw kä ana hmuh nak gui vai ung na thup gui vä.

JEREMIAH 26:24

Cun ung phi kei cu Shapham ah hta Ahikam ah ng’düih püi nak ka gah ci kya neta kei cu chang gui naw ami na ngawn vai ah kä na ap ci gui.

JEREMIAH 36:19

Ngami naw ani pyen ah u ne, “Nang la Jeremiah cu hteit ne na ni ng’thuh vai. Nangni a hawi nani om cu a u naw kä a hmat en vai nei.”

1 GHANGPUGHANG GUI 17:11

a va vü yah ung khü ba ne, “M’htut phi na thak law ä,” cik ci.