1 GHANGPUGHANG GUI 18:3 - Cho Bible Common Language 2016

³ Cun ah kyasei Ahab naw mang im uk ciah Obadiah cu khü ci. (Obadiah cu Bawipa aktung ah khawihnah ciah chang ah kyak ci,

1 GHANGPUGHANG GUI 18:3 Referans Kwoze

NEHEMIAH 7:2

Kei naw Jerusalem mang gaw uk khai ah chang hnih ka tha ci: ngani cu ka nau Hanani la imgawbawi Hananiah ah kyak ci. Hananiah cu a u awn kä täng ciah ngaih gep vai, Khanpughi kyih aa ciah kyak ci.

MATTHE 10:28

Pumsa a ngawn hlawt ung phi Mumcha kä ngawn hlawt cicu kä nami kyih vai; pumsa la mümcha avan m’htei kho ah m’di hning ciah Khanpughi bäng nami kyih vai.

1 GHANGPUGHANG GUI 16:9

Zimri, ani ah a bawi tumat, ghangpughang ah yatha gui a teih uk ci naw ani cu hnungtuk püi ci. Hnüüp ät ung Tirzah ah, mang im ung ng’vai ciah Arza ah im ah Elah cu awktak ci.

LAMKTU 10:35

Ani kyih aa ne ang yaak hlü ah om ciah chang phung cu, Khanpughi naw pakhui käm khoi chak ci.

LAMKTU 10:2

Ani la akyong ungka gui ami van cu Khanpughi yum ne kyih aa ci gui ah kya ci. Ani cu Jew chang gui am akda pe taak gui ne, angtäi sei Khanpughi ah taigü ne om ci.

MALAKHI 3:16

Cun kawn ah Bawipa kyih aa ci gui cu, ami mät ng’ce ng’cäk u sei, Bawipa naw ngai ne ami ng’thu ng’yak ci. Khanpughi kyih aa ne chang m’sui ciah chang cu, amät ah ma ah ca uk ung gu ne m’hnüt ci.

NG'THU K'THUUK~ 14:26

Bawipa kyih aa nak naw m’lung up nak la ngaih gep nak cu acun ah chang la akyong khui am pek ci.

NEHEMIAH 5:15

Kei ah kä bi pha ung bik ciah uktubawi phung naw chang gui cu ami phuih gih sak gui. Ngami naw ei la awk vai ah phäh ah hnüüp ät ung, ngui phe phli kip ci k’thäh gui ci gui. Ami changshäm gui naw phi chang gui cu she na gui ci gui. Cun ung phi kei cun ah kä ka kyak ci, a i ah kyasei ci ung kei cu Khanpughi ka kyih aa ci.

2 GHANGPUGHANG GUI 4:1

Prophet gui ungka tumat ah hmeinu cu Elisha ah law neta, “Saya aw, kei ka cei cu sik ci nei! Na hmat ah mäih ah ani cu Khanpughi kyih aa ciah kyak ci, cun ung phi ani naw ngui apu nak ah chang naw law ne, apu ah phäh ah ka hta goi cu hteh püi ne shäm goi khai ah pyen ci nei” cik ci.

1 GHANGPUGHANG GUI 18:12

Kei naw ka ning hteh tak kei yah ung, Bawipa ah mümcha naw nang cu kä hmat nak ah hmun ah a ning hteh ei püi ah a kyak ung, kei a i ah ka kyak khai aw? Nang shin ung na om cu kei naw Ahab am ka m’thein khai, ani naw law ne kä a ning hmuh ah a kyak ung, ani naw kei cu na ngawn khai nei. Na shüm vai cu, kei cu ka hmaw hta sang ge ung akcang ah Bawipa ka khawihnah ci nei.

ATÜNNAK 42:18

A hnüüp thum hnüüp ung Joseph naw khü gui neta, “Kei cu Khanpughi kyih aa ciah chang ah ka kyak ci, cun ah kyasei nangmi cu a mawng tumat awn ka ning phyawn gui khai.

ATÜNNAK 41:40

Ka khaw avan ka ning uk sak khai, ka chang avan naw na ng’thu läk khai gui nei. Kei ah kawn ah nang ah huham cu aktung ah kyak khai nei.

ATÜNNAK 39:9

Shin ah im ung kei cu ka bawi ah mäih ah huham om ci. Nang ah kawn ah a i phi kä bi vai ah ana maa nak kä om ci nei. Kei naw shin ah mäih ah akshe kä ka bik khai, katnak cu ka hnungtuk püi khai nei” cik ci.

ATÜNNAK 24:10

Cun ah khawh m’htei ciah changshäm cu kalauk gha hteh püi ne Mesopotamia a siiptäng Nahor gawnu ah hteit ci.

ATÜNNAK 24:2

Abraham naw a khawh m’htei ciah a changshäm ang vaipi cu khü neta, “Ka phei goi ah ng’lak ah na kut k’thawi neta na ng’taam vai.

ATÜNNAK 22:12

Khankho chang naw, “Cän ah a hmaw kä na tawn nen vai, a i phi kä na bi en vai, tumat bäng ah na hta cu kei k’thäh ngä sei, na na pek ci, Khanpughi ah ng’thu ngai ne na m’tamkhah cu ka hmat pyi ci nei” cik ci.

1 GHANGPUGHANG GUI 18:2

Elijah cu hteit ci. Cun sang ung Samaria ung kho a käu cu akshe pikbäih ah kyak ci,

JOB 28:28

Khanpughi naw chang gui pyen na gui ci, “Nami cüivai vai nei, Nangmi naw Bawipa cu nami chang m’sui vai nei. Nami hmat vai cu, nangmi cu akshe ungka nami ng’hlah law ba vai.”

SAM 112:1

Bawipa cu m’taam nei! Bawipa kyih aa ne, ang thumkhän läk ne, lünlawi ciah chang cu yeikyai ci nei.

MATTHE 25:17

Acun ah mäih ah pit m’ku gah ciah chang cun phi pit m’ku ah khan ah pit m’ku ak pawih khai ah gah ci.