1 GHANGPUGHANG GUI 17:6 - Cho Bible Common Language 2016

⁶ Ani cu tuihta lawng ungka tui awk ci, m’htut la meh cu kaap gui naw akhongawi tä, amühun tä thak law ci gui.

1 GHANGPUGHANG GUI 17:6 Referans Kwoze

LUKA 22:35

Cun kawn ah Bawipa Jesuh naw, “ngui ng’ip hnih la phahnak cu kä nami hteh püi vai pyein ne ka ning tüi gui ci. Cun ung nangmi ung kä küm ci, a i om ne ang?” cine ang düihpüi gui cu ng’shi gui ci. Ang düihpüi gui naw, “A i kä om ci nei” cik ci gui.

MATTHE 19:26

Bawipa Jesuh naw ngami cu kheing ne teng gui netah, “Chang naw a i phi käm khüt näng ci, cun ung phi Khanpughi naw a päng avan m’khüt näng ci,” cine m’thein gui ci.

JEREMIAH 37:21

Cun ah kyasei ghangpughang Zedekiah naw Ebäi ne mang im kyong ah na khai shi ci. Kei a cu ah om ngä sei, mang gaw ung m’htut avan kä angpyi pha ung m’htut ami yoih nak ah kaa naw a hnüp tä sei m’htut pum ät ci na pe lawk ci gui.

ISAIAH 33:16

Cun ung nangmi nami phyawng khai, khäing htek ciah vongpang kyong ah om ah mäih ah nami ngaih gep khai. Nangmi ung nami ei vai buh am khai, nami awk vai tui om khai.

SAM 37:19

Ngami cu khaw a zaw ung phi kä khüikha khai gui, tui a shet ung phi kä ami ei vai da khai gui.

HEBRU 6:18

Shin ah shaitaak la ng’phyun nak cu, käng thawnghlai hlawt ci la Khanpughi ah hleeihlak nak kä om hlawt ciah a mawng hnih ah kiak ci. Cun ah kyasei ani ung mi ng’yi ciah chang gui cu, ana peit gui ah ngaih u nak htek sei pan vai ah mi thamah lawk ci.

SAM 37:3

Bawipa ung ng’ap ne, akni bi vä, ng’dü ung ng’len ne, puui ne om vä.

SUKI GUI 14:14

Ani naw, “Ei ci ung ka ei vai gawk lawk ci; k’thamah ci ungka aktuihlim gawk lawk ci.” Hnüüp thum lung güt sei ngami naw cun ah thuyi cu kä hmat ci gui.

KHEI NAK 11:23

Bawipa naw, “Kei ah huham ung k’büüp nak om ne ang? Nangmi naw kei naw ka pyen ah a kyak la kä a kyak ci cu, tuhbäi nami hmuk khai nei.

JEREMIAH 40:4

Tuhbäi na kut m’hnak ungka gui k’phian ne ka ning hlawf khai. Nang cu Babilonia ah kei awn atäng ah na hteh tu hlü ah a kyak ung na htät tu hning ci, kei naw ka ning m’htei htang khai. Kä na hteh tu hlü ah a kyak ung phi kä na hteit tu hning ci. Nang cu khopäng avan ung na yum nak ah na hteit hning ci,” ci ah kyak ci.

PHYAWN NAK 16:35

Israel gui naw Manna m’htut cu khokum phlikip ung ei ci gui. Ami om nak vai ah Kanaan khaw ah kä ami gawk pha ah chuih ah kyak ci.

1 GHANGPUGHANG GUI 17:5

Elijah naw Bawipa ah thumkhän cu ngai ne, Cherith tuihta lawng pei ah hteit ne om ci.

1 GHANGPUGHANG GUI 17:7

Shäng shäng khäta kho kä aa sei tuihta lawng cu kawi ci.

1 GHANGPUGHANG GUI 13:28

ani cu k’se ng’cum ne hteit neta, prophet ah a pum cu lam ung ng’yän sei, a pei ah ng’se om ci, phongkawng phi ng’düi lä sei hmuk ci. Phonkawng naw chang phi kä ei ci, ng’se phi kä lou ci.

1 GHANGPUGHANG GUI 19:6

Ani cu mang shüi neta, m’htut pum ät la tui um ät a lu pei ah om sei hmuk ci. Ani cu ei aw neta ng’yän ba ci.

1 GHANGPUGHANG GUI 19:8

Elijah cu tho law neta ei aw ba ci, a ei awk naw k’thagui pe sei hnüüp phli kip ung hteit ne khomhtung theing Sinai ah gawk ci.

SAM 33:18

Ani ngai ci la ng’täi ciah am hni nak ung ng’ap cicu Bawipa naw ngäng ci.