1 GHANGPUGHANG GUI 17:12 - Cho Bible Common Language 2016

¹² Ani naw m’shang ne, “Kei naw ghing ciah Bawipa, na Khanpughi ung khän ne ka pyen cu, kei ung m’htut kä om ci. Kei ung om ci avan cu k’am ung m’htut den a shum la situi um ung olive-situi api ah kyak ci. Kei shin ung im ah ka hteh püi vai sing ka lak ci, ka mät la ka hta ah phäh apihta ka pyang khai. Cun cu kei ni ah a hnu ah ei ah kyak ci, cun kawn ah cawi ne kani sik khai kyak ci,” cik ci.

1 GHANGPUGHANG GUI 17:12 Referans Kwoze

1 GHANGPUGHANG GUI 17:1

Kilead kho Tisbe ungka prophet Elijah naw Ghangpughang Ahab a pyen nak cu, “Kei naw a bii ka bi ah Israel gui ah ghing ciah Khanpughi, Bawipa ah ming ung, kei naw ka ning m’thein cu, kei naw kä ka pyen ba pha ah chuih, ma lam ah kum goi ung baw, kum thum ung baw k’daam phi kä bawk khai, kho phi kä aa khai.”

ATÜNNAK 21:16

likah vai hlawk ung hteit ne ngaw ne ngäng ci. Cun kawn ah amät ng’htau ne, “Ka hta a sih cu kä ka hmu hlük ci nei” ci neta, a ngawh nak ung kyap ne m’lau ci.

NG’ÄI KYAH 4:9

Ayanä ng’tuk nak ung sik ci gui cu, akawn ah sik ci gui ah ta bä tuba ci. Ngami cu ami hnun k’pan nak vai ei vai kä om sei, a kyäp kyäp ah sik ci gui ah kyak ci.

JEREMIAH 14:18

Kei cu lolai ma ah ka hteh ung ng’tuk nak ung ami ngawn gui cu ka hmuk ci; kei cu gawnu gui ung ka hteh ung ei ah cawi ne sik ciah chang gui cu ka hmuk ci. Prophet gui la taigü gui cu ami bii bik ci gui, cun ung phi a i ami bi kä hmat ci gui.”

JEREMIAH 5:2

Nangmi naw Bawipa khawihnah vai ah nami pyen tupang ung phi, nami pyen ah kä nami bik ci nei.

JEREMIAH 4:2

Cun cu kei ah ming ung nami ng’khän nak vai ah nangmi ah hmawk ah ng’düng ciah kyak khai nei. Cun kawn ah changpakhui avan naw hriham pek vai ah na k’thäh khai gui, ngami naw na m’taam khai gui.”

2 SAMUEL 15:21

Ittai naw, “Ka bawi mang, kei naw Bawipa ah ming ung ng’gun ne ka pyen cu, kei cu na hteh nak päng ah angtäi sei ka hteit tuk khai, sih vai a kyak pui ung phi” cik ci.

1 SAMUEL 26:10

David naw, “Ghing ciah Bawipa ung kei naw ka hmat ci, Bawipa amät naw Saul cu ngawn khai, akhin gawk law sei a sih vai ah baw, ng’tuk nak ung asih vai ah baw cik khai.

1 SAMUEL 25:26

Na ga gui ah khan ah phu tu ne, na ngawn nak gui vai ung ka, Bawipa naw ning k’pang ci nei. Ghing ciah Bawipa ung aktung ah ka pyen cu na ga gui la nang ning hnim hlük ci gui avan cu Nabala ah mäih ah m’kyuk nak gah khai gui nei.

1 SAMUEL 20:21

Kei naw ka changshäm am hteit ne shui ba ä, ka cik khai, kei naw, “Teng ä, m’la gui cu na pei ah om ci; la ba ä, ka ci ung, nang cu na phyawng ci, na law ba hning ci, ka ciah kyak khai. Kei naw ghing ciah Bawipa ung akcang ah ka pyen cu, nang cu kyi ng’ä nak kä om khai.

1 SAMUEL 20:3

Cun ung phi David naw, “Nang naw kei a i hlawk ah na na m’hni cu na pa naw hmat ci, a bi vai a pawng püi cu kä na hmat tu vai ah ani naw k’bäi ci nei, a i ah kyasei ci ung nang ang htei ah na thüi khai kiasei. Ghing ciah Bawipa ung ng’tam ne ka ning pyen nak cu, kei sih nak ung ka gawk vai m’khan ät bäng nei hlü ba ci!”

1 SAMUEL 14:45

Cun ung phi chang gui naw Saul am, Jonathan, Israel gui ah phäh ah dämduh ciah näng nak gah ci cu, sih sak vai ma? Ka! Kei mi naw ghing ciah Bawipa ung shai kami tak ci nei, ani ah lu ung lumu ng’ma ät phih kä maih sak vai nei. Tuhngawi ani ah bi phung cu Khanpughi ah m’htei nak awn na kyak ci ne,” cik ci gui. Cun ah kya ne, chang gui naw Jonathan cu sih nak ung hun ci gui.

1 SAMUEL 14:39

Kei naw Israel gui am näng nak pek ciah, ghing ciah Bawipa ung shai ka tak ci, cheishoh ciah chang cu ngawn vai, ka hta Jonathan ah a kyak ung phi” cik ci. Cun ung phi a u naw a i kä pyen ci.

MATTHE 26:7

Bawipa Jesuh ei a ei tu yah ung hnumi tumat naw ang htei ah a phu küi ciah tuing’ui cu lung-um ung law püi netah, cun ah tuing’ui awn Bawipa Jesuh ah lu cu shawi ci.

ATÜNNAK 21:15

Ngani cu ani tui shaw ng’pyi sei, a hmaw cu k’pluup ka ah m’shän neta,

1 GHANGPUGHANG GUI 17:11

a va vü yah ung khü ba ne, “M’htut phi na thak law ä,” cik ci.

1 GHANGPUGHANG GUI 17:13

“Elijah naw cun ah hnumi am, “Kä na ng’ä vai, hteit ma ne na ei vai cu pyang ä. Cun ung phi nang ung om ci awn kei ah phäh ah m’htut aläm pum ät pyang ne law püi neta, k’pawih ba ci awn na mät la na hta ah phäh ah pyang ä.