1 GHANGPUGHANG GUI 16:7 - Cho Bible Common Language 2016

⁷ Cun ah Bawipa ungka lawk ciah ng’thu naw Baasha la a kyong chang gui cu hnungtuk püi ci, cun cu Baasha naw katnak bi ne Bawipa a hnungtuk püi ah prophet Jehu naw a peit ah kyak ci. Ani naw Bawipa amlungshe sak cu ama ungka Jeroboam ghangpughang ah mäih ah ama ung akshe abi ah phäh bäng ah kä kyak ci, Jeroboam ah kyong chang gui avan a ngawn gui ah phäh ah phi kyak ci.

1 GHANGPUGHANG GUI 16:7 Referans Kwoze

HOSEA 1:4

Bawipa naw Hosea cu pyen nak ci, “A ming cu Jezreelaa ah sui ä, a i ah kyasei ci ung, kä shou pha sei, kei naw Israel ghangpughang cu ka m’kyuk lawk khai, Cun cu ani ah pughi Jehu naw Jeyreel ung chang gui a ngawn ah phäh ah kyak ci. Kei naw Jehu ah ng’shon cu ka ng’pyi sak khai.

ISAIAH 2:8

Ami khaw cu a gup gui awn be ci, ngami naw ami mät ah kut awn ami pyan cu khawihnah ci gui.

SAM 115:4

Ngami ah khanpughi gui cu, hnicim chang naw a kut awn ghui la ngui a pyan ah kyak ci.

1 GHANGPUGHANG GUI 14:14

Jeroboam ah mangshon akhütnak ah uk khai ah Israel ghangpughang cu Bawipa naw hmoh khai.

LAMKTU 2:23

Khanpughi naw pyein neh ak bäi pyi ah mäih ah Bawipa Jesuh cu, nami kut ung ning ap gui pyi ci; nang mi naw ani cu chang k’she gui am kutlam’tung ung na mi ngawn sak gui pyi ci.

PHYAWN NAK 20:5

A i ah a gup ah ma ah phi kä nami m’khukdong vai, kä nami khawihnah vai, a i ah kyasei ci ung, kei cu Bawipa, nami Khanpughi, a u awn phi kä ka ni täng ci. Kei na gen ci gui ah khan ah m’kyuk nak ka law püi ci. Ami hta ng’shon, shon thum, shon phli güt ung ka m’kyuk gui ci.

1 GHANGPUGHANG GUI 16:8

Judah Ghangpughang Asa ah uknak a kum m’ku lei chuk nak ung Baasha ah hta Elah cu Israel ghangpughang ah kya lawk ci, ani naw Tirzah ung kum goi uk ci.

2 GHANGPUGHANG GUI 17:13

Bawipa naw a changshäm gui la prophet cu kä ngai ci gui. Judah ung m’cäi gui khai ah tüi law ne; “Nami shetkat nak gui cu nawng ne kei ah ka ng’thu cu ngai vä, cun gui cu kei naw nami pupa gui am ka pek ah thukhän ung om ci nei, cun gui cu kei naw ka changshäm prophet gui ung ka ning pek gui nei.”

2 SHONTÄP NAK 16:7

Cun yah ung prophet Hanani naw ghangpughang Asa ah hteit neta a pyen nak cu,” Nang naw Bawipa na Khanpughi na ng’ge ng’pai nak vaisü nak ung Siria ghangpughang na ng’ge ng’pai püi ah kya ne, Israel ghangpughang gakap cu phyawn pyi ci nei.