Biblia Todo Logo
Bib sou entènèt

- Piblisite -




1 GHANGPUGHANG GUI 16:13 - Cho Bible Common Language 2016

13 A gup ami khawihnah nak la Israel gui katnak ung ami luhpüi ah hmawk ah Baasha la a hta Elah naw Israel Khanpughi Bawipa cu ami m’lungshe sak ah kyak ci.

Gade chapit la Kopi




1 GHANGPUGHANG GUI 16:13
15 Referans Kwoze  

Agup ami pyan gui naw kei cu nam lungshe sak ci, Khanpughi ami ci gui naw nam thüi sak ci, Cun gui cu akcang ah kä kyak ciah khanpughi gui ah kyak ci. Cun ah kyasei kei naw ngami m’lungshe sak gui khai ah pakhui cu ka mang khai. Ga tuk ciah pakhui awn ngami cu ka m’thüi sak gui khai.


Shinah khanpughi gui avan akholä nei; ngami naw a i phi kä bi hning ci gui nei. Shin ah a gup gui cu ami k’tha maih ne ami huham kä om ci nei.”


Shin ah a kyak cu Jeroboam naw katnak bi ne, Israel gui phi katnak bi sak gui ne, Israel Khanpughi Bawipa am lungshe sak ah hmawk ah kyak ci.


Khanpughi she gui ah hnu ah kä nami hteh tu vai; ngami naw kä ning m’htei gui hning khai, kä ning hun gui khai, ngami cu akcang ah kä kyak ci gui.


Cun ah kya sei a gup am sonkian ah ei cu ei ah mawng pyein ah a kyak ung, a gup cu akcang ah ghing om ciah a gup ah kä kyak ci, cicu mi hmat ci; Khanpughi tumat bäng om ci, ci cun phi mi hmat ci.


Agup akholä khawihnah ci gui naw, ami ning chang m’sui nak cu nawng ci gui nei.


Ngami cu a kholä ah kyak ci gui, päiphi vai ah kyak ci gui; Bawipa naw ngami cu m’kyuk gui khai ah a law ung, ngami cu m’di gui khai.


Ngami ami van cu awng ang gu k’taak ci gui nei. Sing ami pyan ah agup gui ung ami ng’thei thang vai a i om khai ang?


Ani ah m’shüm thein gui läk vai ah ngami mak ci gui, ani naw ami pupa gui ung abi ah thukhän gui cu ngami naw kä k’pang ci gui, ani ah ng’thukbäi gui phi a i ah kä ngai ci gui. Ngami naw akholä ah kyak ciah a gup gui cu khawihnah u ne, ami mät phi akholä ah kya lawk ci gui, ngami naw ami peileng pakhui gui ah thungyo cu läk ci gui, kä thei gui vai ciah Bawipa ah thumkhän cu kä ngai ci gui.


Judah ghangpughang Asa la Israel ghangpughang Baasha cu ani huham a om ah chuih ng’tu gäk gäk ci goi.


Bawipa naw Israel cu nawng khai, a i ah kyasei ci ung Jeroboam naw katnak bi ne Israel chang gui katnak ung a hteh püi ah hmawk ah kyak ci.


Ani naw Jeroboam ah mäih ah amät ah katnak la chang gui katnak la a gup khawihnah nak ung a luh püi nak gui awn Israel Khanpughi Bawipa ah m’lung cu shet sak ci.


Swiv nou:

Piblisite


Piblisite