1 GHANGPUGHANG GUI 16:12 - Cho Bible Common Language 2016

¹² Bawipa naw Baasha hnungtuk püi ne prophet Jehu ung a pyen ah mäih ah, Zimri naw Baasha ah kyongchang avan a ngawn ah kyak ci.

1 GHANGPUGHANG GUI 16:12 Referans Kwoze

1 GHANGPUGHANG GUI 16:1

Bawipa naw Hanani ah hta prophet Jehu cu ng’thu püi neta, Baasha ah hmawk ah shin ah ng’thu pek ci:

NG'THU K'THUUK~ 26:6

Ak gu aang am ng’thu na pyen sak ah a kyak ung, na mät naw na mät ah khaw na m’chün ciah kyak ci. Nang cu khüikha nak na k’thäh ciah kyak ci.

2 SHONTÄP NAK 10:15

Shin cu Shilon ah ka prophet Ahijah ungka naw Nebat ah hta Jeroboam am a pyen nak ah Bawipa Khanpughi ah a ng’yak hlü ah kyak ci. Cun ah kyasei ghangpughang naw chang gui cu a i ah kä a tä gui ah kyak ci.

2 GHANGPUGHANG GUI 14:25

Ani naw Israel gui ah khopäng avan khäm ba ci, a siiptäng Hamath ungka naw a htumtäng Tuiksi Tuinu ung khüt ci. Shin cu Israel Khanpughi, Bawipa naw Kath Hepher ungka a changshäm prophet Amittai ah hta Jonah ung shaitak abi ah kyak ci.

1 GHANGPUGHANG GUI 16:7

Cun ah Bawipa ungka lawk ciah ng’thu naw Baasha la a kyong chang gui cu hnungtuk püi ci, cun cu Baasha naw katnak bi ne Bawipa a hnungtuk püi ah prophet Jehu naw a peit ah kyak ci. Ani naw Bawipa amlungshe sak cu ama ungka Jeroboam ghangpughang ah mäih ah ama ung akshe abi ah phäh bäng ah kä kyak ci, Jeroboam ah kyong chang gui avan a ngawn gui ah phäh ah phi kyak ci.

1 GHANGPUGHANG GUI 16:3

kei naw Jeroboam ah khan ah ka bi ah mäih ah nang la na kyong chang ah khan ah ka bik khai.

1 GHANGPUGHANG GUI 14:18

Israel chang gui cu thüikyap u ne ani cu htümtha ci gui, cun cu Bawipa naw a changshäm prophet Ahijah ung a pyen.

1 GHANGPUGHANG GUI 15:16

Judah ghangpughang Asa la Israel ghangpughang Baasha cu ani huham a om ah chuih ng’tu gäk gäk ci goi.

2 SHONTÄP NAK 19:2

Hanani ah hta prophet Jehu naw ghangpughang cu hteit ne hmu neta a pyen nak cu, “Chang omshe na bawm tu la, Bawipa thüi nak ci täng ah na om tu cu hman ciah na ng’ngai ne ang? Nang ah na bi naw na mät ah khan ah Bawipa ah m’lungshe nak cu law püi ci nei.

2 SHONTÄP NAK 20:34

Jehoshaphat ah bi gui nü, a uknak a tün nak ungka naw a pyi nak ung khüt cicu Israel ghangpughang gui ah a mawng amshah ah kyak ciah Hanani ah hta Jehu ah mawng ami guk nak ung guk ah kyak ci.

1 GHANGPUGHANG GUI 17:16

Bawipa naw Elijah ung shai a taak ah mäih ah m’htut-am ung m’htut den kä ng’pyi ci, situi-um ung situi kä pyi ci.