1 GHANGPUGHANG GUI 16:11 - Cho Bible Common Language 2016

¹¹ Zimri naw ghangpughang ah a kyak law vai am Baasha ah kyongchang gui avan ngawn gui ci. Ami mätyah gui la teihpüi gui pami phung hniim gui ci.

1 GHANGPUGHANG GUI 16:11 Referans Kwoze

1 GHANGPUGHANG GUI 16:3

kei naw Jeroboam ah khan ah ka bi ah mäih ah nang la na kyong chang ah khan ah ka bik khai.

1 GHANGPUGHANG GUI 15:29

Acun vai am ani naw tün ge ne Jeroboam ah kyong chang gui avan ngawn gui ci. Cun cu Bawipa naw a changshäm prophet Shilon ah kaa Ahijah ung a pyen ah mäih ah Jeroboam ah kyong chang gui cu ami ngawn gui; tumat phi kä pawih ci.

1 SAMUEL 25:22

Khaw kä thai pha sei shin ah chang gui tumat phi kä om ba khai ah kä ka ngawn yawp ung, Khanpughi naw ka sik khai ah na that sä!” cik ci.

1 GHANGPUGHANG GUI 14:10

Acun ah phäh ah kei naw na mangshon ah khan ah leigai law püi ne, na hta ng’shon ak hmaw angvai pami avan ngawn khai nei. Nang ah kyongkhui cu kei naw ka nawt heng khai, ngami cu eek-pyaw ah mäih ah pheih phai gui vai.

1 SAMUEL 25:34

Nang ka ning hnim nak vai ung ka, Bawipa naw na k’pang ci nei. Ghing ciah Israel Khanpughi ung aktung ah ka pyen cu nang naw ang ghit ah kä na na hmuh vai sü ung Nabala ah chang gui avan cu tuhngawi khaw ngawi si yawp khai sü gui te nei!” cik ci.

SUKI GUI 1:7

Adonibezek naw, “ghangpughang chih kip, ami kutnu la ami khawnu ka m’chün gui cu, ka tawnglang ka ah ei k’bok kawk ne om ci gui nei. Ngami ah khan ah kei naw ka bi ah mäih ah kei ah khan ah khanpughi naw tuhbäi bik ci nei,” cik ci. Ani cu Jerusalem ah hteh püi u sei a cu ah sik ci.

1 GHANGPUGHANG GUI 16:10

Zimri cu im kyong ah lut ne, Elah cu hniim neta, ani ah hnün ung ghangpughang ah ngok ci. Shin ah a kyak cu Judah ghangpughang Asa ah a uknak a kum m’ku lei chih nak ung ah kyak ci.

1 GHANGPUGHANG GUI 21:22

Nang ah kyong khui cu Nebat ah hta ghangpughang Jeroboam ah kyongkhui ah mäih, Ahijah ah hta Ghangpughang Baasha ah mäih ah kya lawk khai, a i ah kyasei ci ung Israel gui katnak ung hteh püi gui ne kam lung shek khai ah na na thawh sak ah hmawk ah kyak ci.

2 GHANGPUGHANG GUI 9:9

Israel ghangpughang Jeroboam la Israel ghangpughang Baasha ah kyong chang gui ah khan ah ka bi ah mäih kei naw ani ah kyong ah ka bik khai.

SAM 109:13

A hta ng’shon avan si sä, Ng’shon ba ung ani ah ming cu m’hnih u sä.