1 GHANGPUGHANG GUI 13:9 - Cho Bible Common Language 2016

⁹ Bawipa naw na thumkhän ci, a i phi kä ka ei awk vai, ka law nak ah lam ung kä ka hteh ba vai.”

1 GHANGPUGHANG GUI 13:9 Referans Kwoze

ROMAN 16:17

Phäi nau gui aw, nang mi naw nami gah ah m’theithang nak gui cu hnu ng’tuk püi ne, chang gui ah m’lung ngaih ng’pai sak ne, chang gui ah yum nak lam hma sak ciah chang gui cu, nami geing nak gui vai nei, ngami cu nami hlawi gui vai nei!

JOHAN 15:14

Nangmi cu kei ah thukhän nami läk ung kei ah teihpüi ah nami kiak ci.

JOHAN 13:17

Tuhbäi nangmi naw ng’thu düng nami hmat pyi ci, acun ah mäih ah nami om ung, nangmi ung yeikyai na om khai.”

SAM 141:4

Cheishoh hlü nak la changshe gui ah shetkat nak ung kä ka ng’gui tu vai ah na k’pang ä. Ngami ah ei awk kä na ng’tei pai en tu sak ä.

JOB 23:12

Khanpughi naw ang thumkhän cu ang täi sei ka bik ci; ani ah ng’yak hlü cu ka läk ci, ka mät ah ng’yak hlü kä ka bik ci.

1 GHANGPUGHANG GUI 13:1

Bawipa ah thumkhän nak awn Judah ah ka prophet tumat cu Bethela ah hteit ne sonkiang ung douthak khai ah Jeroboam ang düih yah ung gawk lawk ci.

1 SAMUEL 15:22

Samuela naw, “A i ang Bawipa naw a yum pi; ang thu ngaih ang, khawihnah dou thak ang? Htome ak bä pi awn khawihnah ah ta ang’thu ngaih cu bä pi ci nei.

KHEI NAK 16:26

Ani naw chang gui am, “Shin ah chang shekha gui ah shaum awn ng’shawng ne ng’düi vä. Ngami ah ka a i phi kä nami tawn en vai nei. Kä cun ung nangmi cu, ngami ah katnak avan ah phäh ah ngami awn a täng ah nami di tuk khai nei.”

THU PHLAAN 18:4

Cun kawn ah khanmawpi ah kaa k’aw a hei cu ka ng’ya ba ci. Cun ah k’aw naw; “Lut law ba vä! Kei ah chang gui, Ani ungka lut law ba vä! Ani awn a täng ah kä nami cheishoh tu vai, Ani awn a täng ah m’shetkat nak kä nami gah tu-en vai!

EPHESIAN 5:11

Hnüp khui ung om ciah chang gui ah bi, kä ak ni gui cu, kä nami bi en tu vai, cun gui cu nami dang sak vai nei.

1 KORIN 5:11

Kei naw ka pyein hlü cu kei khritha nei ci netah pletbeng ci gui, ng’yak hlü nak aih om ci gui, a gup hkawihnah ci gui, m’thüikhang ci gui, awktat ci gui, la m’guk ci gui awn kä nami kawng ät vai ah ka pyein ah kyak ci. Cun ah chang gui awn atäng ah ei awk vai ah ngoh ah phi kä nami ngoh en tu vai.

1 GHANGPUGHANG GUI 13:8

Prophet naw m’shang ne, “Nang naw na khawh a teih ah na nak pai tu vai ung phi nang awn a täng ah kä ka hteit tuk khai, nang awn a i phi kä ka ei awk khai.

1 GHANGPUGHANG GUI 13:10

Cun ah kyasei ani cu a law nak ah lam ung kä hteit ba ne, a lam hei ung hteit ba ci.

1 GHANGPUGHANG GUI 13:16

Cun ung phi Judah ah prophet naw m’shang ne, “Nang awn a täng ah na im ah kä ka hteit tuk khai, nang ah na khinchah nak phi kä ka dou khai. Shin ung a i phi nang awn a täng ah kä ka ei awk khai,

1 GHANGPUGHANG GUI 13:19

Cun ah kyasei Judah ah prophet cu prophet ghipa ah im ah hteit tu ne, ani awn a täng ah ei ei tuk ci.