1 GHANGPUGHANG GUI 13:8 - Cho Bible Common Language 2016

⁸ Prophet naw m’shang ne, “Nang naw na khawh a teih ah na nak pai tu vai ung phi nang awn a täng ah kä ka hteit tuk khai, nang awn a i phi kä ka ei awk khai.

1 GHANGPUGHANG GUI 13:8 Referans Kwoze

KHEI NAK 24:13

Nang naw na mang im ungka na ngui ghui avan na na pek ung phi, ka mät ah ngaih ah ka bi nak awn Bawipa ah thumkhän kä läk ne kä ka om hning khai. Bawipa naw ka pyen vai ah ana m’thein bäng va kei naw ka pyen hning khai.

KHEI NAK 22:18

Cun ung phi Balaam naw, “Balak naw amang im ungka ngui la ghui avan a na pek vai ung phi, kei naw Bawipa ka Khanpughi ah thumkhän cu ak-yaw pikbäih ung phi kä läk ne kä ka om khai nei.

MAKUH 6:23

Kei naw ka uknak ah kho a teih phi k’bou ne ka ning pek khai nei” cine ng’thu khän ne pyein ci.

MAKUH 6:11

Nangmi ning maa na gui ciah pigaw ung kä nami om tu vai. Nami ng’thu kä ngai ciah chang gui nami hteh taak gui vai. Cun ah nami hteh taak gui ung nami kho pha ung kaa, m’vut nami khawn shüt vai, cun cu ngami ah hmawk ah ng’thu m’shi nami sho shüt ah kiak khai” cine m’cäi gui ci.

2 GHANGPUGHANG GUI 5:16

Elisha naw, “Abii ka bi ah ghing ciah Bawipa ung ka ng’taam ci, m’cümhnah nak cu kä ka lak khai nei” cik ci. Naaman naw a dou vai ah pyen aih ci, cun ung phi ani naw kä dou ci.

PHYAWN NAK 7:2

Kei naw ka ning m’cäi phung cu Aaron am na m’thein vai, cun ung ani naw, Israel chang gui a khaw ungka kami hteh vai ah ghangpughang am m’thein khai.

PHYAWN NAK 5:6

A cu hnüüp ung ghangpughang naw changshäm k’tut ciah Egypt gui la Israel ng’vai gui cu khen gui ne:

PHYAWN NAK 5:3

Moses la Aaron naw, “Hebru gui ah Khanpughi naw keimi ung amät cu m’than lawk ci. Khaw hnüüp thum na m’hlawt gui ä, keimi bungpuk ah hteit ne Bawipa kami Khanpughi cu khawihnah nak kami pek khai nei. Cun ah kä kami bi ung ani naw, gawpyam nak la ng’tuk nak awn na ngawn gui khai nei” cik ci goi.

1 GHANGPUGHANG GUI 13:9

Bawipa naw na thumkhän ci, a i phi kä ka ei awk vai, ka law nak ah lam ung kä ka hteh ba vai.”

KHEI NAK 22:8

Balaam naw ngami am, “Tuhmü shin ung nami om cang vai, Ngawi ung Bawipa naw ana pyen nak phung cu, ka ning m’thein gui khai nei” cik ci. Cun ah kyasei, Moabit ng’vai gui cu Balaam ah om tuk ci gui.

SAM 141:4

Cheishoh hlü nak la changshe gui ah shetkat nak ung kä ka ng’gui tu vai ah na k’pang ä. Ngami ah ei awk kä na ng’tei pai en tu sak ä.