1 GHANGPUGHANG GUI 13:6 - Cho Bible Common Language 2016

⁶ Ghangpughang Jeroboam naw prophet pyen nak ci, “Na bä ne, Bawipa, na Khanpughi ah nak taigü peä, ka kut ana khan sak vai ah nak thäh peä!” Prophet cu Bawipa ah taigü khäta, ghangpughang ah kut cu khan ci.

1 GHANGPUGHANG GUI 13:6 Referans Kwoze

LAMKTU 8:24

Simon naw Peter lah Johan am, “Tuhbäi na ni pyein gui cu kei ah khan ah kä a gawk law vai ah Khanpughi ah nak taigü pe nä” cine ng’yawi ci.

PHYAWN NAK 10:17

Tuhbäi ka katnak cu na geinsei ne, shin ah kyih vai ah m’kyuk nak cu a thuuk ah a lak ba vai ah Bawipa nami Khanpughi ah taigü vä” cik ci.

PHYAWN NAK 9:28

Bawipa ah taigü vä! Keimi cu shin ah hmumkyeek la gääi nu awn kami ng’büh khai nei. Kei naw shai ka tak ci, ka ning hteh sak gui khai nei, shin ung nangmi kä nami om tu ba khai nei” cik ci.

PHYAWN NAK 8:8

Ghangpughang naw Moses la Aaron cu khü goi neta, “Shin ah k’u gui k’täm gui vai ah Bawipa ah taigü ni ä, cun ung nami chang gui ka hteh sak gui khai, cun ung ngami naw ami Bawipa cu khawihnah pe tak hlawt khai gui nei” cik ci.

KHEI NAK 21:7

Chang gui cu Moses ah law u neta, “Keimi cu Bawipa la nang ning hnungtuk püi ne, kami ng’thu nak awn kami hma ci nei. Tuhbäi shin ah phyu gui ak täm ba vai ah Bawipa ah nak taigü pa gui ä” cik ci gui. Cun ah kyasei Moses naw chang gui ah phäh ah taigü ci.

PHYAWN NAK 8:28

Ghangpughang naw, “Bung ah Bawipa nami Khanpughi nami petak khawihnah khai ah ka ning hteh sak gui khai, a shou nak ah kä nami hteh en vai nei. Kei ah hmawk ah nami taigü vai nei” cik ci.

THU PHLAAN 3:9

Ngai vä! Keimi cu Jew chang nei cine hleei ci gui ah Satan ah chang gui cu na khaw kaa ah kawp ne ka ng’phah sak gui khai. Kei naw ka ning m’hni gui cu ami van naw hmat khai gui.

ROMAN 12:21

Shetkat nak awn kä na ng’yom men vai, akni awn akshe cu na näng vai nei.

ROMAN 12:14

Nang mi ning k’shedam na gui ciah chang ah hmawk ah Khanpughi naw hrilham a peit vai ah nami ng’yoih peit vai, cun ah chang gui cu kä yüigen u ne, hrilham nami peit vai.

LAMKTU 7:60

Ani cu m’khuukdoong netah, “Khanpughi awi, shin ah chang gui ah ami katnak cu m’gein gui ä” ci neh ak’aw m’can neh m’lau netah kät lawk ci. Saul cu Stephen ngawn vai ah yum tuk ciah chang ah kyak ci.

LUKA 23:34

Bawipa Jesuh naw, “Ngami cu a i ami bi ah ami mät naw kä hmat ci gui nei, m’gein gui ä” cine pyein ci. Chang gui naw Bawipa Jesuh ah a suisak gui cu, m’shüih tawk ne ng’pai ci gui.

MATTHE 5:44

Cun ung phi nami gaa nami m’hni vai, ning shedam nah gui ci nami taigü peit vai, ciah kei naw ka pyein ci.

JEREMIAH 37:3

Ghangpughang Zedekiah naw Shelemiah ah hta Jehukala la marseiah ah hta Taigü Zephaniah cu kei ah tüi law ne, mi pakhui ah hnün ung om ne, Bawipa, mei khanpughi ah tai gü vai ah ng’shi thäh law sak ci

1 SAMUEL 12:23

Kei ah phäh ah, Bawipa naw ana taa cu, nangmi ah phäh ah kä taigü ba nak awn, ani hnu ng’tuk püi ne kei ka hma nak ah kyak ci. Acun nak vai sü ung, kei naw ka ning m’thein gui vai cu nangmi ah phäh ah nik ci la düng ci nami bi vai ah kyak ci.

1 SAMUEL 12:19

Cun kawn ah ngami naw Samuel am, “Na bä ni saza, keimi ah phäh ah Bawipa na Khanpughi ah na taigü pe gui vä. Cun ung keimi kä kami shik khai. Keimi naw kami hmat lawk ci, kami hma gui avan ah kawn ah ghangpughang kami thäh nak awn kami hma ba mä ci nei” cik ci gui.

KHEI NAK 12:13

Cun ah kyasei Moses naw Bawipa ah m’lau ne “O Khanpughi ani gai sak ä” cik ci.

PHYAWN NAK 12:32

Nami htome gui, me gui la sei gui hteh püi ne hteit vä, kei phi taigü ne hrilham na pek vä” cik ci.

1 GHANGPUGHANG GUI 13:5

Ang ghit ah sonkiang cu ng’phye ne ng’gäi ne, m’vut gui kya law yawp ci, cun cu prophet naw Bawipa ah ming ung angcäi ah mäih ah kyak ci.

SAM 119:58

Na shaitak ah mäih ah na na chimgein vai ah ka m’lung kyong avan awn ka ning yoi ci nei!

ZEKHARIAH 7:2

Bethela chang gui naw Sharezer la Regemmelek la ami chang gui cu M’gäi ciah Bawipa ah Taigüim ah tüi goi ne Bawipa ah hriham ah hmawk ah taigü sak goi ci gui;

PHYAWN NAK 8:4

Cun gui cu nang ah khan ah, na chang gui ah khan la na bawi gui ah khan ah ng’pet ne yong khai gui nei’ cik ci” na ci vai.