1 GHANGPUGHANG GUI 13:5 - Cho Bible Common Language 2016

⁵ Ang ghit ah sonkiang cu ng’phye ne ng’gäi ne, m’vut gui kya law yawp ci, cun cu prophet naw Bawipa ah ming ung angcäi ah mäih ah kyak ci.

1 GHANGPUGHANG GUI 13:5 Referans Kwoze

MAKUH 16:20

Ang düihpüi gui cu kho nüng ah hteit ne Thu Ni cu pyein ci gui. Ngami cu Bawipa naw a täng ah om püi gui ne, ami ng’thu pyein ang düng ah mawng saksi dang khai ah cäi aih nak gui vai ami m’dang nak hning vai ah hlüngtai nak cu pe gui ci.] [

1 GHANGPUGHANG GUI 22:35

Aktung ah ami ng’tuk yah ung Ghangpughang Ahab cu a yatha khan ah Sirian gui täng ah mang ne ng’hngang ne ngok ci. A leim ungka si cu long ne, yatha khan ah li ci, acun ah mühun ung ani cu sik ci.

1 GHANGPUGHANG GUI 22:28

Mikaiah naw pyen ne, “Nang phyawng ne na law ba ah a kyak ung, kei ung Bawipa naw ng’thu kä pyen ciah kyak khai!” Ani naw m’khah ba ne, “Chang päng naw kei ah ng’thu cu ngai vä!” cik ci.

1 GHANGPUGHANG GUI 13:3

Prophet naw k’täi ne pyen ba ne, “Shin ah sonkiang cu ng’phye ne ng’gäi khai, acun ah khan ungka m’vut gui cu ng’phyang yawp khai. Cun kawn ah kei ung Bawipa naw ng’thu pyen ciah nang naw na hmat khai.”

THULÄÄN NAK 18:22

Prophet tumat naw Bawipa ah ming ung ng’thu pyen khai, cun ah ani ah ng’thu pyen cu kä abä law ah a kyak ung, cun cu Bawipa ah thu pyen ah kä kyak ci. Cun ah prophet naw amät ah huham awn a pyen ah kyak ci. Nangmi naw kä nami kyih vai.

1 GHANGPUGHANG GUI 13:4

Ghangpughang Jeroboam naw cun cu ng’ya neta, ani cu a kut awn tawk ne, “Shin ah chang cu pha vä” cik ci. Acun vai am ghangpughang ah kut cu k’shum sei kä va saw ba hlawt ci.

1 GHANGPUGHANG GUI 13:6

Ghangpughang Jeroboam naw prophet pyen nak ci, “Na bä ne, Bawipa, na Khanpughi ah nak taigü peä, ka kut ana khan sak vai ah nak thäh peä!” Prophet cu Bawipa ah taigü khäta, ghangpughang ah kut cu khan ci.

1 GHANGPUGHANG GUI 17:16

Bawipa naw Elijah ung shai a taak ah mäih ah m’htut-am ung m’htut den kä ng’pyi ci, situi-um ung situi kä pyi ci.

AMOS 3:14

“Israel chang gui ami katnak ah phäh ah ka m’kyuk gui hnüüp ung, Kei naw Bethela ah mang kyang cu ka m’di khai. Mang kyang ah akit gui päng cu ng’gäi ne m’dek ung ng’yän yawp khai.