1 GHANGPUGHANG GUI 13:21 - Cho Bible Common Language 2016

²¹ Ani naw Judah ah ka prophet ah ma ah m’lau ne, Bawipa naw pyen ci, nang naw angthu kä ngai ne, a thumkhän kä na bik ci.

1 GHANGPUGHANG GUI 13:21 Referans Kwoze

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

JEREMIAH 2:19

Nami mät ah akshe naw ning m’kyuk gui khai, kei nami na ng’hlah tak nak naw ning m’kat gui khai. Bawipa nami na khanpughi nami na nawng cu a i hlawk ah kha ne a chei cu nangmi naw nami hmat lawk khai. Nangmi cu kei ung kä nami bekhüt ba ci. Kei, uk ciah Bawipa m’gäi ci naw ka pyen nei.”

ESTA 6:13

Ani naw amawng ama avan cu a chu la a teihpüi gui am m’thein tu gui ci. A chu la cüivai ciah a teihpüi gui naw, “Nang ah huham cu tün ne, Mordekai ah kaa ah gawk pyi ci nei. Ani cu Jew ah kyak ci, nang naw kä na näng hlawt khai. Ani naw akcang ah ning näng khai nei” cik ci gui.

1 GHANGPUGHANG GUI 13:17

a i ah kyasei ci ung Bawipa naw na thumkhän ci, a i phi kä ka ei awk vai, ka law nak ah lam ung kä ka hteh en ba vai.”

2 SAMUEL 24:13

Gad naw hteit ne, Bawipa ah ng’thu cu m’thein neta, ang shi cu, “Shin gui ungka a i ang a kyak kaw? Na khaw ung khaw kum thum ei khaw yaw khai, kä cung cha thum ung na ga gui kyih ne, na dawng khai, kä cung na khaw ung khaw hnüüp thum leigai sou khai? Tuhbäi ngai neta na m’hlan nak cu na m’thein ä, Bawipa ah a i pi hteh püi vai aw!” cik ci.

2 SAMUEL 6:7

A cun vai am Bawipa Khanpughi cu m’lungshe neta, kä ak chang m’sui ah phäh ah m’kyuk sei, Uzzah cu sik ci. Uzzah cu Thukhän M’küm ah pei ah sik ci,

1 SAMUEL 15:19

I i ah kyasei cun cu kä na läk ang? A i ah kyasei chang ah khawh gut ne na lak ang? Acun naw Bawipa kä yei sak ci.

1 SAMUEL 4:18

Cun ah chang naw Thukhän M’küm ah mawng a pyen vai am, m’kawt pei ah Eli cu a ngoh nak ung ka, a hnu ah ng’lat ci. Ani cu ghi aih ne plan ci kya neta, ang kyak nak ung a hnü hnget sei sik ci. Ani cu kho kum phli kip ung Israel gui ah ng’vai pi ah kyak te ci.

KHEI NAK 20:24

“Israel chang gui am ka pek vai ah ka shaitak nak khaw ung Aaron cu kä lut tuk khai; ani cu si lawk khai, a i ah kyasei ci ung nangni naw Meribah ung ka thumkhän cu nani na hnu ng’tuk püi ci.

KHEI NAK 20:12

Cun ung phi Bawipa naw Moses la Aaron cu k’ceet goi ci. Ani naw, “Israel chang gui ah ma ah theingcim ciah ka huham ng’dang khai ah nami bi nak hning yumnak nangmi ung kä om ci, kei naw ka pek gui vai ah shai ka tak ah khaw ung gawk khai ah nangmi naw lam kä nami shüm hning khai,” cik ci.

TAIGÜTHUM 10:3

Cun kawn ah Moses naw Aaron am, “Shin cu Bawipa naw a yuk ng’thu law yah ung a pyen ah mawng ah kyak ci, ‘Kei ah khuut bik ci phung naw kei ah theingcim nak cu a kyih aa vai; kei naw ka bämang nak cu ka chang gui ung ka m’than khai’ cik ci.” Cun ung phi Aaron cu kä chawkchek ne om ci.

ATÜNNAK 3:7

Ngani cu ani ei vai am ani mik m’dei law sei, ani k’plui ah ani om cu hmat lawk ci goi. Khuhnah gui m’ghuh ne pyang ne ng’shung ci goi.

1 GHANGPUGHANG GUI 13:20

Ngami cu ei vai ne ami ngoh law sangung Bawipa ah ng’thu cu prophet ghipa ung lawk ci,

1 GHANGPUGHANG GUI 13:22

Ei kä na ei en nak vai ah a ning k’bäi nak ah hmun ung hteit ba ne ei na na ei ci. Acun ah phäh ah nang cu ning ngawn khai gui, na pumsa cu na kyong ungka gui ah ng’cim hmun ung kä ning phuh khai gui.

1 GHANGPUGHANG GUI 20:36

Cun ah kyasei ani naw a pyen nak cu, “Bawipa ah thumkhän kä na ngaih ah phäh ah kei ungka na hteh ba vai am kawng naw ning lo sä.” Ani a hteh law ba vai am, kawng naw läk law ne lo ci.