1 GHANGPUGHANG GUI 13:2 - Cho Bible Common Language 2016

² Bawipa ah thumkhän ah mäih ah Prophet naw sonkiang ng’shäu ci, “O sonkiang, sonkiang, shin cu Bawipa ah ng’thu pyen nei: Josiah ang ming ami sui vai ah ak hmaw cu David ah kyong khui ung ng’tüi lawk khai nei. Khogam ah sonkiang khan ung ng’bik ci gui ah taigü gui cu nang ah khan ah ani naw ngawn gui khai, ani naw chang ah guh gui cu nang ah khan ah m’khih khai.”

1 GHANGPUGHANG GUI 13:2 Referans Kwoze

EZEKIEL 36:1

Bawipa naw pyen ci, “Hnicim chang, Israel khomhtung gui cu pyen ah gui ä, ka pyen ah ng’thu ami ngaih vai ah m’thein gui ä. Ngami ah phäh ah Kei,

LUKA 19:40

Bawipa Jesuh naw, “Kei naw akcang ka pyein cu, shin ah chang gui adüm ah ami om ah a kyak ung lung gui cu tho law ne m’lau lawk khai gui nei” cik ci.

EZEKIEL 38:4

Kei naw ani cu ng’hlah sak ne, am kha ung m’si hling awn kaih ne, ani la agakap gui avan cu ahei ah ka kaih gui khai. Ani ah gakap, ng’se gui la ami suisak täng ciah ng’se ng’cum ci gui cu chünla ci gui. Gakap päng naw shawi kawt ci, khimsem kawt ci gui nei.

EZEKIEL 36:4

Cun ah kyasei tuhbäi, kei uktu Bawipa naw ka pyen cu ngai vä, nangmi khomhtung gui la khogui gui, tuilawng gui la khongnawi gui naw di ciah kho hmun gui, la nangmi angveing ung pakhui gui avan naw guttep ne ami züihsha ah shiu ciah mang gaw gui.

JEREMIAH 22:29

O khonglei, khonglei, khonglei! Bawipa ah thu pyen cu ngai ä:

ISAIAH 58:1

Bawipa naw pyen ci, “Nami mtau hning ah m’lau vä! Ka chang gui Israel gui am ami katnak m’thein gui vä!

ISAIAH 46:10

A htük ge ung, kho ah ng’pyi nak vai ah mawng kei naw ng’cä ne ka pyen ci; cau pui ge ung a i ah kya lawk khai cicu kei naw ka pyen tu ge ci. Kei naw ka pawng pui gui cu kä yung kya phung khai cine kei naw ka pyen ci, Cun ah kyasei kei naw ka bi vai ah ka k’bäi phung cu ka bik khai nei.

ISAIAH 42:9

Kei ah cäi bang gui cu tuhbäi akang ah kya lawk ci nei. Tuhbäi kei naw, amawng ak thai gui cu, kä ah kyak law pha pang ung phi ka ning m’thein gui khai nei.”

ISAIAH 1:2

Bawipa naw, “Khomdek la khomik, kei naw ka pyen law vai cu ngai vä! Kei naw ka m’ghin gui ah ak hmaw gui naw na hnu ng’tuk püi ci gui nei.

2 SHONTÄP NAK 34:1

Josiah cu Judah ghangpughang ah a kyak law yah ung a kho kum, kum cheit lawk ci, acun naw Jerusalem ung om ne kum thum kip lei ät ung uk ci.

1 GHANGPUGHANG GUI 13:32

Bethela ung sonkiang hnungtuk ne Bawipa ah thumkhän ung ani ah pyen ah ng’thu gui, la Samaria gawnu gui ung khawihnah nak ah hmun avan hnungtuk püi nak cu akcang ah bä lawk khai nei.”

THULÄÄN NAK 32:1

“Khankho la khomdek ka thu ngai vä, Kei naw a i ka pyen cu akheng ah ngai vä.

2 SHONTÄP NAK 34:3

Josiah cu a khokum kum cheit ung ghangpughang ah kya lawk ci kya ne hmaw sang ci, ani naw apughi David Ghangpughang ah Khanpughi cu tün ne khawihnah ci. Kum phli a lüng kawn ah ani naw tün ne, khogam khawihnah nak ah hmun gui, Khanpughinu Asherah ah a gup gui, la a hei a gup gui avan cu m’di yawp ci.

JEREMIAH 1:2

Amon ah hta Josiah, Judah ghangpughang ah a kyak nak, akum gha lei thum nak ung Bawipa naw Jeremiah am ng’thu pyen ci.