1 GHANGPUGHANG GUI 13:1 - Cho Bible Common Language 2016

¹ Bawipa ah thumkhän nak awn Judah ah ka prophet tumat cu Bethela ah hteit ne sonkiang ung douthak khai ah Jeroboam ang düih yah ung gawk lawk ci.

1 GHANGPUGHANG GUI 13:1 Referans Kwoze

2 GHANGPUGHANG GUI 23:17

Ani naw, “Shin cu a u ah phuh hmun ang?” cine ng’shi gui ci. Bethela ung chang gui naw, “Shin cu Judah kho ah ka lawk ne, sonkiang nang naw shin ah na bi gui vai cu ng’cäk ciah prophet ah ng’phuh hmun nei” cik ci gui.

1 THESSALONIAN 4:15

Tuhbäi kami ning m’thei gui cu Bawipa ah ning m’thei gui ah kiak ci; Bawipa a kyum law hnüüp ghing ne om ciah mikmi cu sih pyi ci gui ah mä kä mi hlüngtai pi hnga khai.

JEREMIAH 25:3

“Amon ah hta Josiah Judah ghangpughang ah a kyak nak akum gha lei thum ungka naw kum m’ku lei thum ung, atuh ngawi ung khüt sei, Bawipa naw na ng’thu püi ci, ani naw a pyen phung cu kä hnam ne ka ning m’thein gui ci, cun ung phi nangmi naw a i ah kä nami ngai ci.

JEREMIAH 32:29

mei awn m’khih khai gui chang gui naw im m’cung khan ah Baala am tui ng’ui m’khin ne, ahei khanpughi gui am sapyit tui douthak ne kei ami na m’lungshe nak sak ah im gui mah mah ah m’khik khai gui

JEREMIAH 11:12

Cun ung Judah la Jerusalem chang gui cu khawihnah ami douthak nak ah khanpughi gui ah hteit khai gui, ngami naw ami m’htei gui vai ah k’thäh khai gui. Cun ung phi shin ah dishum nak a gawk law ung cun ah khanpughi gui naw kä hun hning khai gui.

2 SHONTÄP NAK 26:18

ani cu thawi bawm ci gui. Ngami naw, “Uzziah! Nang naw Bawipa am m’khih ne kä na douthak hning ci. Aaron ungka ng’shon lawk ciah taigü gui bäng naw va, shin cu ng’ap ne bi hning ci gui, shin ah theingcim ciah hmun cu hteh ta ä. Nang naw Bawipa Khanpughi cu na kat na pyi ci nei, nang naw ani ah hriham kä na gah ba khai nei” cik ci gui.

2 SHONTÄP NAK 9:29

Solomon ah mawng atün nak ungka naw angpyi nak ung khüt ci avan cu, prophet Nathan ah mawng ung, Shilon ungka Ahijah ah ng’cängbang nak ung, Israel ghangpughang Jeroboam ah a uknak ah mawng phi ami guk, prophet Iddo ah muimang gui ami guk nak gui ung ami guk ah kyak ci.

1 GHANGPUGHANG GUI 20:35

Bawipa ah thumkhän ah kyasei prophet ng’bung ungka prophet tumat naw a prophet paw am a thah vai ah pyen ci. Cun ung phi ani mak ci,

1 GHANGPUGHANG GUI 13:32

Bethela ung sonkiang hnungtuk ne Bawipa ah thumkhän ung ani ah pyen ah ng’thu gui, la Samaria gawnu gui ung khawihnah nak ah hmun avan hnungtuk püi nak cu akcang ah bä lawk khai nei.”

1 GHANGPUGHANG GUI 13:26

Prophet ghipa naw cun ah mawng ng’ya neta a pyen cu, shin ah prophet cu Bawipa ah thumkhän kä ngai ciah kyak ci nei! Cun ah kyasei Bawipa naw a bi vai ah a pyen ah mäih ah phongkawng cu ani tu ne lou khai ah a tüih law ah kyak ci.

1 GHANGPUGHANG GUI 13:9

Bawipa naw na thumkhän ci, a i phi kä ka ei awk vai, ka law nak ah lam ung kä ka hteh ba vai.”

1 GHANGPUGHANG GUI 13:5

Ang ghit ah sonkiang cu ng’phye ne ng’gäi ne, m’vut gui kya law yawp ci, cun cu prophet naw Bawipa ah ming ung angcäi ah mäih ah kyak ci.

1 GHANGPUGHANG GUI 12:22

Cun ung phi Khanpughi naw prophet Shemiah cu pyen nak ci,

KHEI NAK 16:40

Shin cu Aaron ah ng’shon ah kä kyak ci phung naw Bawipa am tui ng’ui m’khih khai ah sonkiang ung kä a law tu vai ah m’shüm thein nak ah kyak ci. Kä cun ung ani cu Korah la a chang gui ah mäih ah di shum nak gah khai. Shin gui avan cu Bawipa naw Moses ung Eleazar am thumkhän a pek ah mäih ah bi ah kyak ci.

THU PHLAAN 8:3

Cun kawn ah ghui tawnglang kawt ciah, khankho chang a hei cu law ne, sonkiaang ah pei ah ng’düi lawk ci. Ani cu mangkiaang ah maa ah ng’düi ciah ghui sonkiaang ah khan ah Khanpughi ah chang gui naw ami taigü nak vai la m’khih ne ami sonkiaan nak vai ah tui ng’uui akda ami peit ah kyak ci.

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

1 SAMUEL 9:6

Ak changshäm naw, “Om cang ä! Shin ah gawnu ung theingcim ciah chang, ami chang m’sui aih ah chang tumat om ci, a i ah kyasei ci ung ani ah a pyen päng cu hman ci. Ani ah ni hteit kaw, la gui a hawi hmuh ba hning vai cu ani naw na pyen tu goi hning hngaw khai nei” cik ci.

2 GHANGPUGHANG GUI 23:15

Josiah naw Bethela ung khawihnah nak ah hmun cun phi phyek ci, cun cu Israel chang gui katnak ung hteh pui gui ciah Nebat ah hta, Ghangpughang Jeroboam naw a cawh ah kyak ci. Josiah naw sonkiang cu phu hlit ne, a cun ung lung gui cu ng’phyit khai ah m’shet ne, khui khai ah deng ci; ani naw Asherah ah müi-gup phi m’khih ci.

2 SHONTÄP NAK 26:16

Ghangpughang Uzziah cu thamah law neta chang ah ng’shei law ne, amät ah yung kyak nak vai ah kya lawk ci. Ani cu Taigüim kyong ah hteit ne m’khih nak ah sonkiang ung m’khih ni a bi nak awn Bawipa Khanpughi khan ah cu küknet nak ci.

1 SAMUEL 2:27

Bawipa ung ka lawk ciah shin ah ng’thu awn prophet cu Eli ah lawk ci: “Nami pupa Aaron la akyong khui cu Egypt ghangpughang changshäm ah ami kyak ung, kei naw ka mät Aaron ung ka m’than ci.

AMOS 7:13

Shin ah Bethela ung kä na ng’cängbang ba vai nei. Shin cu ghangpughang ah khawihnah nak hmun, pakhui k’tung ah Taigüim ah kyak ci nei” cik ci.

AMOS 7:16

Tuhbäi Bawipa naw a i a cicu ngai vä. Nangmi naw ka ng’cä nak ka ng’düm vai, Israel gui hnungtuk ne ng’thu cu ka ng’düm vai ah na mi pyen ci.