1 GHANGPUGHANG GUI 11:9 - Cho Bible Common Language 2016

^9-10 Cun ung phi Bawipa, Israel Khanpughi cu Solomon ah ma ah hnih vei ng’dang neta a khaw hei khanpughi gui kä ami khawihnah vai ah thumkhän ci, Solomon naw Bawipa cu kä ngai ci, ani ungka naw a hei ah ng’hlat ci. Cun ah kyasei Bawipa naw Solomon ah khan ah m’lungshe neta

1 GHANGPUGHANG GUI 11:9 Referans Kwoze

1 GHANGPUGHANG GUI 9:2

Kibeon ung ang dang ah mäih ah Bawipa cu ani ah ma ah ng’dang law ba ci.

1 GHANGPUGHANG GUI 3:5

A cu mü ang mang ung Bawipa cu ng’dang law neta ani cu ng’shik ci, “Kei naw a i ka ning pek vai ang na ng’yak hlü?”

2 SAMUEL 6:7

A cun vai am Bawipa Khanpughi cu m’lungshe neta, kä ak chang m’sui ah phäh ah m’kyuk sei, Uzzah cu sik ci. Uzzah cu Thukhän M’küm ah pei ah sik ci,

THULÄÄN NAK 9:20

Bawipa cu Aaron phi ngawn khai ah m’lungshe ci nei. Cun ah kyasei acun ung kei naw Aaron cu ka taigü pek ci.

THULÄÄN NAK 9:8

Sinai M’htung ung phi Bawipa m’lungshe khai ah nami bik ci, nangmi a ning m’di nak gui vah ah m’lungshe ci.

THULÄÄN NAK 7:4

A i ah kyasei ci ung ngami naw, nami htanau gui cu, Bawipa awn ng’shawng ne a hei khanpughi gui khawihnah vai ah lam shüm khai gui. Acun ah mäih ah a kyak law ung Bawipa naw ning m’lungshe na gui neta, ang ghit ah ning m’di gui khai.

THULÄÄN NAK 3:26

“Cun ung phi nangmi ah om ah Bawipa naw nam lung she na ne, ana pyen nak cu, ‘Cun cu bä khai nei, shin ah kä pyen en ba ä.

KHEI NAK 12:9

Bawipa naw ngami cu m’lungshe na goi ci. Cun ah kyasei ani cu hteit ba ci.

PHYAWN NAK 4:14

Cun ung Bawipa cu m’lungshe neta Moses am, “Na phäi, Levit chang, Aaron ah mawng cu a i hawkcha ang? Kei naw ka hmat ci, ani cu akni ah ng’thu thei ci, akcang ah tuhbäi ani cu, ning hmu lawk khai ah lawk ci, a ning hmuh law ung ani cu yeikyai khai nei.

2 TIMOTHI 4:10

Demas cu m’dek khan am hni nak awn, kei na nawng ne, Thessalonika ah hteit ci nei. Creseens cu Kalatia ah, Titus cu Dalmatia ah hteit ci gui nei.

HOSEA 4:11

Bawipa naw pyen ci, “Yu phyim la yu k’thai ami awk naw kei ah ka chang gui ah cüivai nak cu gut gui ci nei!

NG'THU K'THUUK~ 4:23

Na m’lung ngaih cu na geing nak vai, na ghin nak cu na m’lung ngaih naw ghaat sak ci.

1 SHONTÄP NAK 21:7

Cun ah mi bi cu Khanpughi naw kä m’hni neta, Israel gui cu m’kyuk gui ci.

2 SAMUEL 11:27

A thüi api pyei khäta, David naw chang tüi ne, mang im ah law sak ci; ani cu ak chu ah kya law ne pami ah hta lawk ci. Cun ung phi David ah bi cu Bawipa naw kä yei nak ci.

1 GHANGPUGHANG GUI 11:8

Akhaw hei chang akchu gui naw ami khanpughi gui tui ng’ui m’khih nak la khawihnah nak ami douthak nak vai ah ani naw khawihnah nak vai ah hmun phi co ci.

1 SAMUEL 15:11

“Saul ghangpughang ah kam hmoh ah phäh ah kei ka thüi ci nei; ani cu kei ung ka ng’hlat ne, ka thumkhän phi kä läk ci” cik ci. Samuela cu m’lung shei ci, amü pum Bawipa ah ng’coi ng’pa ci.