1 GHANGPUGHANG GUI 11:7 - Cho Bible Common Language 2016

⁷ Ani naw Jerusalem ah ak kyang khomhtung khan ah shemshai ciah Moab khanpughi Chemosh khawihnah nak vai la Ammon ah Shemshai ciah khanpughi Molek khawihnah nak vai ah hmun cu co ci.

1 GHANGPUGHANG GUI 11:7 Referans Kwoze

KHEI NAK 21:29

Nangmi ah phäh ah a i hlawk ah kyih vai ang, Moab chang gui aw! Nangmi Chemosh nami khawihnah ci gui cu, di nak ung ning hteh püi gui ci nei! Nami khanpughi naw pami gui cu cümbawng chang ah kyak sak gui ci nei, Hnumi gui cu Amorit ghangpughang ah thawngkyum ah kyak sak gui ci.

SUKI GUI 11:24

Nang naw cun cu na lak ba vai ah nak tha nak khan ma? Na khanpughi Chemosh naw a ning pek phung cu nang naw na k’pang hning ci nei. Keimi phi Bawipa kami Khanpughi naw ana pek gui phung cu kami k’pang khai nei.

LAMKTU 7:43

Nangmi naw nami m’kawn law gui cu, Molech ah ng’yo kiang lah nami aisi pughi Rephan ah kyak ci nei; Cun gui cu nami khawihnah vai ah nami mät naw nami pyan ah a gup gui ah kyak ci. Cun ah kyasei nangmi cu Babilon phlän neh nami hteit khai ah ka ning k’täm gui khai” ciah kyak ci.

LAMKTU 1:12

Cun kawn ah ang düihpüi gui cu Olive m’htung ung ka naw, Jerusalem ah hteit ba ci gui. Olives m’htung cu Jerusalem ungka naw män m’cawt sho ci.

LAMKTU 1:9

Cun ah ng’thu a pyän kawn ah ami hmuh ge ah Bawipa Jesuh cu, khan khaw ah kai khätah kho ng’mei naw shung sei kä hmu ba ci gui.

MATTHE 26:30

Cun kawn ah ngami cu ng’äi m’cu u ne Olive khomhtung lam ah hteit ci gui.

ZEKHARIAH 14:4

Cun ah khin ung ani cu Jerusalem ah hni law lam, Olive M’htung ung ng’düi khai. Cun ung Oliv M’htung cu akhei ungka naw ak kyang hnih ah ng’bou sei hmawi m’ghawng akdäm ah kya lawk khai. Khomhtung a teih cu siip täng ah ng’nawn sei, a teih cu htum täng ah ng’nawn khai.

DANIEL 12:11

A hnüüptä khawihnah nak ang düm nak khin cu kyihkyawk shemshai nak ah akhin ung tün ci, cun ung hnüüp 1290 ng’pyi khai.

DANIEL 11:31

Am shah gakap gui naw Taigüim cu shemshai sak khai gui. Ngami naw a hnüüptä khawihnah nak cu düm sak khai gui. Kyihkyawk shemshai vai kyak cicu m’düih khai gui.

EZEKIEL 18:12

Ani naw dukhaih ci gui m’hleei gui ci, guttep cik, ami kyän ah khawh phi kaa nak ci. Ani cu khogam khawih kiang ah hteit ci, shemshai ciah a gup gui khawihnah ci,

JEREMIAH 48:13

Israel chang gui naw ami ngaih u ah khanpughi Bethela cu kä ami yum ngak ba ah mäih ah, Moab chang gui cu ami khanpughi chemosh ah khan ah ami yum ngak nak kä om ba khai nei.

ISAIAH 44:19

A gup pyang ciah chang naw, “sing amshah cu mei ah ka cik ci, mei k’cak ung m’htut ng’shai ne, mah ng’shai ne ka ei ci. K’pakiha ba ciah sing cu a gup ah ka pyang ci. Shin ung singtawn ah pei ah kei cu ka m’khunkdong ci” a ci thei nak vai ah ani ung cüivai lunglang nak kä om ci nei.

SAM 78:58

Ngami naw akshe ah ami khawihnah nak awn m’lung she sak u ne, a gup gui awn am lung thüi sak ci gui.

2 GHANGPUGHANG GUI 23:10

Ghangpughang Josiah naw Hinnom khongnawi ung khongyo ami khawihnah nak ah hmun Topheth cun phi phyek ci. Cun ah kyasei a u naw phi a htapami, a hta hnumi cu khanpughi Molek am khawihnah nak ah kä bi ba ci gui.

2 SAMUEL 15:30

David cu Olive M’htung ah hang kai ne, thüi kyap ne, a pha hnak sut ne, thüi m’dang nak ah a lu shung ci. Ani läk ciah chang ami van phi ami lu shung ne thüi kyap ci gui.

THULÄÄN NAK 27:15

“Khanpughi ah plah taam nak cu lung, sing, käcung m’sii awn a gup pyang ne, adüm ah khawihnah ciah chang päng ah khan ah gawk sä. Bawipa naw a gup khawihnah ci cu thüi nak ci nei. “Chang avan naw ami m’shan vai cu ‘Amen.’

THULÄÄN NAK 13:14

Cun ah mäih ng’thu htau düt nak ng’yak ung ng’kheing khai ah nami dät dam vai. Cun ah akshe bi cu hman ne ng’khän ciah a kyak ung

KHEI NAK 33:52

khaw ung om ci phung nami k’täm vai. Ami lungtung gui la ami gup gui avan la ami khawihnah nak ah hmun avan nami m’di vai.

TAIGÜTHUM 26:30

M’htung khan ung nami khawihnah nak ah hmun gui cu kei naw ka m’di khai, ang ui sonkiang gui cu ka gäi khai, sik ciah nami pumsa gui cu kyu ne ng’yän ciah nami ka, a gup gui ah khan ah ka yuk ghawt khai, kä ni aih ciah a kyong ah,

ATÜNNAK 33:2

A changshäm gui la ami hta gui cu ma sak gui ne, Leah la a hta gui ni tawi u sei, Rebeeka la Joseph cu hnu ni sei hteit ci gui.

1 GHANGPUGHANG GUI 11:5

Ani naw Sidon ah Khanpughi hnumi Astarte la Ammon ah shemshai ciah Khanpughi Molek cu khawihnah ci.

1 GHANGPUGHANG GUI 11:6

Ani cu Bawipa hnungtuk ne cheishoh ne apa David ah mäih ah ani ung kä ng’düng ba ci.

1 GHANGPUGHANG GUI 11:8

Akhaw hei chang akchu gui naw ami khanpughi gui tui ng’ui m’khih nak la khawihnah nak ami douthak nak vai ah ani naw khawihnah nak vai ah hmun phi co ci.

1 GHANGPUGHANG GUI 15:12

Agup khawihnah nak ah hmun gui ung bii bik ci gui ah pawmyaa ciah hnumi pami ami van cu ami khaw ungka k’täm gui ci, ani pupa gui ah pyan ah a gup gui avan phi nawt heng yawp ci.

2 SHONTÄP NAK 21:11

Ani naw Judean khawgui hlüng ung kho she khawihnah nak hmun gui phi co ne, Judah la Jerusalem chang gui am Bawipa hnungtuk ne katnak bi sak gui ci.

JEREMIAH 32:31

Shin ah mang gaw ung om ciah chang gui naw shin ani cawh ah hnüüp ge ung na m’lumg shene m’lung na sou sak ci gui. Kei naw shin cu m’di vai ah ka k’bäi ci,

JEREMIAH 32:35

Ngami nan Hinnom Khongnawi ung Barla am sonkiang cawh pek ci gui, cun cu malek khanpughi an ami htapami hta hnumi gui ami khawihnah nak vai ah kyak ci. Shin ah ani bi vai ah kei naw thumkhän kä ka bi man ci, ngami naw shin ah mäih ah bi ne Judah chang gui katnak bi sak gui khai ah kä ka ngai man ci.”

JEREMIAH 48:46

Moab chang gui cu m’gein gui vä! Chemosh khawihnah ci gui cu m’di gui pyi ci gui nei, ami hta pami, hta hnumi gui cu pha ne hteh püi pyi ci gui nei.

MIKHAH 1:5

Israel chang gui cheishoh u ne, Khanpughi ami hnungtuk püi ah phäh ah shin gui cu akcang ah kia lawk khai nei. Israel ah hnungtuk nak ung m’kyuk vai cu a u ang? Samaria mang gaw amät nei. Judah khaw ung chei cicu a u ang? Jerusalem amät nei.