1 GHANGPUGHANG GUI 11:4 - Cho Bible Common Language 2016

⁴ ani a ghi law kawn ah ngami naw ani cu a khawhei khanpughi gui khawihnah nak ung luh püi sak ci.

1 GHANGPUGHANG GUI 11:4 Referans Kwoze

1 GHANGPUGHANG GUI 9:4

Nang cu napa David ah mäih ah düng ne bä ne, kei ah bii bi ne, kei ah ka thukhän gui la ka ng’thumkhän phung cu na läk ah a kyak ung,

1 GHANGPUGHANG GUI 8:61

Nang ah na chang gui naw, Bawipa mi Khanpughi ung bekhüt u ne, tuhngawi nang naw na bi ah mäih ah a thukhän gui la ang thumkhän gui avan cu läk u sä.”

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

1 GHANGPUGHANG GUI 11:6

Ani cu Bawipa hnungtuk ne cheishoh ne apa David ah mäih ah ani ung kä ng’düng ba ci.

2 SHONTÄP NAK 34:2

Ani naw Bawipa ah yeinak vai ah bik ci; ani naw apughi David Ghangpughang ah bi cu läk ne, Khanpughi ah thukhän avan gui phi a khüüsüh ah läk ci.

2 SHONTÄP NAK 17:3

Bawipa naw Jehoshaphat cu hriham pek ci, a i ah kyasei ci ung ani naw apa ah ak htük ah ghin om man ah lam cu läk ci, Baala kä khawihnah ci.

1 GHANGPUGHANG GUI 11:2

Bawipa naw Israel gui cu shin ah chang gui awn kä ami ng’chungla vai ah thumkhän gui sei phi ani naw chu na gui ci, a i ah kyasei ci ung cun gui naw Israel gui a ami bekhüt nak cu a hei khanpughi gui täng ah ng’hlah püi sak ci.

THULÄÄN NAK 17:17

Ghangpughang naw akda kä akchu nak vai, a i ah kyasei ci ung acun naw ani cu Bawipa ungka naw dawng sak khai. Ghui la ngui awn amät ang bühmang vai ah kä ah bi en vai.

2 SHONTÄP NAK 25:2

Ani naw Bawipa ah a yeinak vai ah bi te ci, cun ung am lung ngaih avan awn kä bik ci.

1 SHONTÄP NAK 29:19

Na thumkhän nü nü m’lung kyong avan awn ng’yak nak hlü la shin ah kei naw ka pawng püi awn Taigüim cawh nak vai cu ka htapa Solomon am yuk pe law ä.”

2 GHANGPUGHANG GUI 20:3

“Bawipa, na shüm ä, kei cu bekhüt ne htingling ne nang ah bi ka bik ci nei. Nang naw ka bi vai ah na ng’yak hlü cu angtäi sei k’tha na ne ka bik ci nei,” ci neta ani cu aktä ah kyap ci.

1 GHANGPUGHANG GUI 15:14

Asa naw a gup khawihnah nak ah hmun gui avan kä amdi pang ung phi ani cu a ghin nak chuih Bawipa ung bekhüt ci.

1 GHANGPUGHANG GUI 15:3

Ani phi apa ah mäih ah hmakatnak bik ci, ani cu apughi David ah mäih ah a Khanpughi Bawipa ung bekhüt nak kä om ci.

1 GHANGPUGHANG GUI 14:21

Solomon ah hta Rehoboam cu Judah ghangpughang ah a kyak law yah ung a kum phli kip lei ät lawk ci. Ani Jerusalem ung kum gha lei chih uk ci, cun ah mang gaw cu Israel khopäng avan ungka, ani khawihnah nak vai ah hmun ah Bawipa naw a ghü ah kyak ci. Rehoboam ah nu cu Ammon ah ka Naamah ah kyak ci.

1 GHANGPUGHANG GUI 11:42

Ani cu Jerusalem ung ghangpughang ah kya ne, kum phli kip ung Israel khaw avan cu uk ci.

1 GHANGPUGHANG GUI 11:38

Nang naw kei cu akbe ah na ng’ngai ne, ka thukhän awn ghing ne, ka changshäm David ah bi ah mäih ah, ka thumkhän ah mäih bi ne, ka ng’yak hlü ah na om ah a kyak ung, kei naw angtäi sei ka ning om püi khai. Kei naw nang cu Israel ghangpughang ah ning pyang ne, nang ah kawn ah na hta ng’shon gui naw ami uk vai cu ng’hteicha khai ah ka bik khai, cun cu David ung ka bi ah mäih ah kyak ci.

1 GHANGPUGHANG GUI 9:10

Solomon naw Taigüim la a mang im a cawh nak cu khawkum m’ku lüng ci.

1 GHANGPUGHANG GUI 6:1

Israel chang gui naw Egypt khaw ami hteh tak nak khokum phiaphli la cheit-kip nak, Solomon naw Israel a uknak akum phli nak ah, a cha goi nak, Ziv cha ung Solomon naw Taigüim cawh vai cu tün ci.

THULÄÄN NAK 7:4

A i ah kyasei ci ung ngami naw, nami htanau gui cu, Bawipa awn ng’shawng ne a hei khanpughi gui khawihnah vai ah lam shüm khai gui. Acun ah mäih ah a kyak law ung Bawipa naw ning m’lungshe na gui neta, ang ghit ah ning m’di gui khai.

1 GHANGPUGHANG GUI 3:3

Solomon naw Bawipa m’hni ne, apa David ng’thumcäi gui cu läk ci, cun ung phi ani naw phi seime gui ngawn ne, sonkiang akda khawihnah ne douthak ci.

1 GHANGPUGHANG GUI 11:9

Cun ung phi Bawipa, Israel Khanpughi cu Solomon ah ma ah hnih vei ng’dang neta a khaw hei khanpughi gui kä ami khawihnah vai ah thumkhän ci, Solomon naw Bawipa cu kä ngai ci, ani ungka naw a hei ah ng’hlat ci. Cun ah kyasei Bawipa naw Solomon ah khan ah m’lungshe neta

PHYAWN NAK 20:3

Kei ah kawn ah a hei khanpughi kä nami khawihnah vai.

1 GHANGPUGHANG GUI 11:33

Kei naw acun ah ka bi lawk khai, a i ah kya se ci ung Solomon naw kei cu na hnungtuk püi ne a khaw hei khanpughi gui a khawihnah ah phäh ah kyak ci: cun gui cu Astarte Sidon khanpughinu; Chemosh, Moab khanpughi; Molek, Ammon khanpughi ah kyak ci. Solomon naw kä na ngai ci; ani naw chei khai ah bik ci, apa David ah mäih ah kei ah ka thukhän gui la thumkhän gui cu kä k’pang ci.