1 GHANGPUGHANG GUI 11:3 - Cho Bible Common Language 2016

³ Solomon naw manghta phia chih chu nak ci, cun kawn ah a chu ba phi phia thum lawk ci. Cun gui naw ani cu Khanpughi ng’hlah ta sak ci gui,

1 GHANGPUGHANG GUI 11:3 Referans Kwoze

THUSHÄUTU 7:28

Kei naw a hei m’shan nak ka shui ci, cun ung phi kä ka hmuk ci. Chang phia gha ung ka, ka chang m’sui vai chang tumat ka hmuk ci, cun cu hnumi tumat ah kä kyak ci.

2 SHONTÄP NAK 11:21

Avan ah ng’dawn ah Rehoboam naw gha lei cheit chu nak ci, achu tuba chukkip lawk ci, ani cu pami m’ku lei cheit, hnumi chukkip ah hta ci. A chu gui avan la a chu ba gui avan ungka ani naw Maakah cu m’hni pi ci,

SUKI GUI 9:5

Ani cu apa im, Ophrah ah hteit neta, lung tumat ah khan ah aphäi nau gui chih-kip, Kideon ah hta gui cu ngawn gui ci. Cun ung phi Jotham, Kideon ah hta ak hmaw pi cu ng’thup pei sei kä ngawn tuk ci.

THULÄÄN NAK 17:17

Ghangpughang naw akda kä akchu nak vai, a i ah kyasei ci ung acun naw ani cu Bawipa ungka naw dawng sak khai. Ghui la ngui awn amät ang bühmang vai ah kä ah bi en vai.

SOLOMON NG’Ä~ 6:8

Ghangpughang ung akchu chukkip, akchu ba cheit kip, hnumi hta gui kä khei tai vai om ci!

SOLOMON NG’Ä~ 6:9

Cun ung phi kei naw tumat bäng ka m’hni ci, ani cu müm kha ah mäih ah m’hni ah kyak ci. Ani cu anu ah tumat bäng ah a hta hnumi ah kyak ci, anu ah am hni pi ah a hmaw ah kyak ci. Hnumi gui avan naw teng u ne m’hlüngtai ci gui; Ghangpughangnu gui la akchu ba gui naw ng’äi m’cu ne m’hlüngtai ci gui.

SUKI GUI 3:6

Ngami cu acun gui awn ng’chungla u ne, ami khanpughi gui phi khawihnah tuk ci gui.

ESTA 1:18

Persia la Media ung om ciah bawi gui ah ami chu gui naw, ghangpughangnu ah om ih cu ami ng’yak ung, khaw kä a mü pha ung ami cei gui am m’thein khai gui nei. Khaw nü ung ami chu gui naw ami cei gui cu kä chang m’sui ba khai gui, ami cei gui naw ami chu gui cu m’lungshe nak khai gui.

THUSHÄUTU 2:8

Ka uknak ah khawlei mang gui ah khawh ungka ngui la ghui gui cu k’bum ne ka phluk ci. Hnumi pami gui naw ng’äi m’cu ne na khinchah nak ci gui, pami tumat ah ng’yak hlü bä sak khai ah hnumi avan kei ung om ci.