Biblia Todo Logo
Bib sou entènèt

- Piblisite -




1 GHANGPUGHANG GUI 11:2 - Cho Bible Common Language 2016

2 Bawipa naw Israel gui cu shin ah chang gui awn kä ami ng’chungla vai ah thumkhän gui sei phi ani naw chu na gui ci, a i ah kyasei ci ung cun gui naw Israel gui a ami bekhüt nak cu a hei khanpughi gui täng ah ng’hlah püi sak ci.

Gade chapit la Kopi




1 GHANGPUGHANG GUI 11:2
24 Referans Kwoze  

Nami hta gui phi a cun ah akhohei chang hnumi gui awn ng’chungla khai gui, ngami naw kei ung kä bekhüt nak vai ah lam m’shüm gui ne, ami khoshe khanpughi gui cu khawihnah sak gui khai gui.


Ang lih lat ah kä ngai en vä. “Ang khawt püi a shet ung chang k’ni shek ci.”


M’hni nak cu akcang ah yumhni nak ah a kyak vai nei. Shetkat nak cu thüi na u ne, ni kyom nak cu k’pang khüp vä.


Cun ung phi ak htük ungka ah mäih ah nang naw kei cu kä na na m’hni ba ci kyasei, ning pyein m’sheet vai om ci.


Cun ah om ciah chang gui cu sih nak ung hteit khai gui ciah Khanpughi ah thukhän cu ngami naw hmat ci gui. Cun ung phi, ami mät naw shin ah shekhaa gui ami bi bäng ah kä kyak ciah, acun ah mäih bik ci gui cun phi k’cang nak ci gui.


Judah chang gui cu Khanpughi awn ami shaitak m’shet u neta, Jerusalem la khaw avan ung akshekha cu bik ci gui nei. Bawipa naw am hni ah Taigüim cu lelawi sak ci gui nei. Pami gui naw a khaw hei khanpughi gui khawihnah ci gui cu chu nak ci gui.


O Bawipa, ning gen ciah chang gui cu ka gen aih ci nei! Nang ning hnu ng’tuk püi ci gui cu, kei naw ka shedam nak ci nei.


Ngami naw ami na m’thein gui cu, shin ah khaw cu yeikyai sak u ne, hta nau gui am phi ngawi yä kami pek gui hning vai ah khuihei chang gui awn kä kami chungla vai, ami bämang m’khüt näng nak vai, kä kami bawm gui vai ah kyak ci.


Ani naw ghangpughang Ahab la Israel ghangpughang amshah ah akshe abi gui cu läk ci, a i ah kyasei ci ung ani naw Ahab ah hta hnumi tumat chu nak ciah kyak ci. Ani naw Bawipa hnungtuk püi ni khtnak bik ci,


Hanani ah hta prophet Jehu naw ghangpughang cu hteit ne hmu neta a pyen nak cu, “Chang omshe na bawm tu la, Bawipa thüi nak ci täng ah na om tu cu hman ciah na ng’ngai ne ang? Nang ah na bi naw na mät ah khan ah Bawipa ah m’lungshe nak cu law püi ci nei.


Cun ung phi hnumi hta cu kyom ciah hmu law neta ani cu m’hni lawk ci.


Cun ah kyasei pami naw anu la apa nawng shüt ne, akchu cu ng’pungkhah püi sei, ngani cu tumat ah kya lawk ci goi.


Kei naw nami khawgii cu Akaba tui ng’khep ungka naw Mediteranean Tuili, bungpuk ungka naw Euphratis tuinu ung khüt khai ah ka ng’shawng sak khai. Cun ah khaw ah a bä nak ah khan ung huham ka ning pek khai, nang naw ngami cu mata gui ne na k’täm gui khai.


Nami hteh law nak vai ah khaw ung ana om ciah chang gui awn kä nami ng’hteh hton vai, a i ah kyasei ci ung cun cu nami ng’awh nak vai ah m’hling ah kyak khai nei.


Cun ung phi Bawipa, Israel Khanpughi cu Solomon ah ma ah hnih vei ng’dang neta a khaw hei khanpughi gui kä ami khawihnah vai ah thumkhän ci, Solomon naw Bawipa cu kä ngai ci, ani ungka naw a hei ah ng’hlat ci. Cun ah kyasei Bawipa naw Solomon ah khan ah m’lungshe neta


Swiv nou:

Piblisite


Piblisite