1 GHANGPUGHANG GUI 11:13 - Cho Bible Common Language 2016

¹³ Cun ung phi cun ah uknak khaw avan cu nang ungka kä ka lak khai; cun nak vaisü ung, ka changshäm David ah phäh la ka mät ah ka vai ah ka pyan Jerusalem mang gaw ah phäh ah kei naw ani am pakhui tumat ka nawng pek khai.”

1 GHANGPUGHANG GUI 11:13 Referans Kwoze

1 GHANGPUGHANG GUI 12:20

Israel chang gui naw Jeroboam Egypt kho ah ka a law ba ng’ya u neta, ani cu khü ne chang gui awn ng’hmuh püi u ne, Israel ghangpughang ah hmoh ci gui. Judah pakhui bäng cu David ah hta ng’shon ung bekhüt ne om ci gui.

1 GHANGPUGHANG GUI 11:32

Solomon naw pakhui tumat cu k’pang khai, cun cu ka changshäm David ah hmawk la Israel khaw avan ungka, ka mät ah kaa vai ah ka ghü ah mang gaw Jerusalem ah hmawk ah kyak ci.

THULÄÄN NAK 12:11

Ani khawihnah nak vai ah Bawipa naw hmun tumat ghü khai. Acun ah kei naw ka ning thumkhän gui a päng cu nami law püi khai. M’khih vai ah nami khawihnah nak la a hei khawihnah nak gui, bum gha bum ät la dou thak gui, Bawipa ah nami shaitak ah aktung ah m’cümhnah nak gui,

THULÄÄN NAK 12:5

Nami pakhui gui avan ah khopäng ah akpung ahBawipa naw hmun tumat cu ghü khai, acun ung chang gui naw ama ah law ne khawihnah lawk khai gui.

ISAIAH 62:7

Ani naw Jerusalem kä am thawh ba pha ah chuih ngami naw kä ng’düm sak ci gui. Cun kawn ah ani naw mang gaw ah pyang sei, khomdek khan chang van naw m’hlüng tai ci gui.

ISAIAH 62:1

Kei naw Jerusalem cu thagui pe ne ng’thu ka pyen khai; Ani naw hun nak kä a gah pha ah chuih kei cu kä ka om düt khai, Ani ah näng nak cu mü ung mei m’däi ah mäih ah ng’shü khai.

ISAIAH 14:32

Philistia ah ung ka mikmi ah law ba ciah ng’shä chang gui cu a i hawkcha ah mi shang gui khai aw! Mik mi naw mi m’thein gui vai cu, Bawipa naw Zion cu m’düih pyi ci nei, ani ah yaica ciah achang gui cu a cu ah phyawng gai u sei hmuh gui vai.

ISAIAH 9:7

Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

SAM 132:17

Shin ung David ah hta ng’shon ung ka, tumat cu ghangpughang mang ah ka k’hmoh khai; ka ghü ah ghangpughang ah uk nak cu ka pyan pek khai.

SAM 132:1

Bawipa, David la a bui awt ah yaica nak gui cu kä m’hnih en ä.

SAM 89:49

Bawipa, zan ä dang ciah na m’hni nak cu a hawi ang? David ah ma ah na shaitak cu a hawi ang?

2 GHANGPUGHANG GUI 23:27

Bawipa naw pyen ci, “Kei naw Israel ah khan ah ka bi ah mäih ah Judah ah khan ah ka bik khai: Judah chang gui cu kei naw ka mät täng ungka naw ka k’täm gui khai, kei naw Jerusalem cu ka hnungtuk püi khai, cun cu mang gaw, Taigüim, kei na khawihnah nak vai ah hmun ah kei naw ka ghü te ah kyak ci.

2 GHANGPUGHANG GUI 21:4

Ani khawihnah nak vai ah Bawipa naw a pyen ah hmun ung ani naw Taigüim ung khongyo khawihnah nak ah sonkiang cu co ci.

2 GHANGPUGHANG GUI 19:34

Kei naw shin ah mang gaw cu kamät ah ng’tam nak vai ah ghung ne ka m’htei khai, a i ah kyasei ci ung kei naw ka changshäm David ung a cun ah shai ka tak ah kyak ci.”

2 GHANGPUGHANG GUI 13:23

cun ung phi Bawipa naw ngami cu m’gein gui ne chihna gui ci. Kä dishum sak gui ci, cun ung phi m’htei gui ci, a cun cu Abraham, Isaak la Jakob ung a shaitak ah phäh ah kyak ci. Ani naw a chang gui cu kä m’hnih gui phung ci.

1 GHANGPUGHANG GUI 11:39

Solomon ah a hmakat ah phäh ah David ah hta ng’shon cu kei naw ka m’kyuk khai, cun ung phi ang täih ah kä kyak khai.

THULÄÄN NAK 9:5

Nangmi nami ni la nami hman ah phäh ah ami khaw cu a ning lak sak gui ah kä kyak ci, ani naw aktäm gui cu ami shetkat ah phäh la nami pupa gui, Abraham, Issak, la Jakob ni ung ashaitak ak pan nak ah kyak ci.

1 GHANGPUGHANG GUI 8:29

Khawihnah nak vai ah nang naw na ghü ah shin ah hmun, shin ah Taigüim cu amü a hnüüp ngäng bom ä. Kei naw shin ah Taigüim täng ah mang ne ka taigü ung na ngai ä.

1 GHANGPUGHANG GUI 11:14

Cun ah kyasei Bawipa naw Edom pahta ungka Hadad am Solomon cu hnungtuk püi sak ci.

1 GHANGPUGHANG GUI 12:17

Rehoboam cu Judah khopäng ung om ciah chang gui bäng ah ghangpughang ah kyak khai ah hteh tak ci gui.

2 GHANGPUGHANG GUI 17:18

Bawipa cu Israel gui ah khan ah m’lungshe neta ama ungka naw maih sak gui ci, Judah uknak kho bäng k’pawih nak ci.

2 SHONTÄP NAK 21:7

cun ung phi David ah mang shon cu Bawipa naw kä m’di hlük ci, a i ah kyasei ci ung ani naw David awn thukhän bi ni ne, ani ah htangshon naw ngawi yä a uk vai ah shai atak pyi ah kyak ci.

1 GHANGPUGHANG GUI 12:19

Acun ung tün ne a siiptäng Israel uknak khaw ung chang gui naw David ah mangshon cu hnungtuk khüknet ci gui.

2 GHANGPUGHANG GUI 8:19

cung phi Bawipa naw Judah m’di vai cu kä ng’ya hlük ci, a i ah kyasei ci ung, ani naw a changshäm David am, ani ah hta ng’shon gui naw ami uk lä vai ah shaitak a bi pyi ah kyak ci.