1 GHANGPUGHANG GUI 11:12 - Cho Bible Common Language 2016

¹² Cun pang ung phi napa David ah phäh ah nang na ghin yah ung cun cu kä ka bik khai, na hta naw a uk yah ung cun cu ka bik khai.

1 GHANGPUGHANG GUI 11:12 Referans Kwoze

2 GHANGPUGHANG GUI 20:19

Ghangpughang Hezekiah naw shin ah a mawng cu ani a ghin yah ung dimdeeih nak la ngaih gep nak om khai ciah ngai neta, ani naw amshah cu, “Nang naw Bawipa ungka lawk ciah ng’thu na na pek cu nik ci nei” cik ci.

2 GHANGPUGHANG GUI 20:17

Na mang im ungka a päng avan, tuhngawi güt ung na pupa gui naw ami m’cun m’seh a päng avan cu Babilonia ah ami hteh püi nak ah akhin gawk lawk khai nei. A i phi kä k’pawih khai nei.

1 GHANGPUGHANG GUI 21:29

“Ahab naw kei ah ma ah a i hlawk ah amlung ang neim sak cu nang naw na hmu ne ang? Ani cu cun ah kyak ci kyasei, ani a ghin yah ung ani ah khan ah kei naw leigai kä ka law püi khai nei; Ani ah a hta gui ah ghin yah ung Ahab ah kyongkhui ah khan ah kei naw leigai ka law püi khai nei.”

PHYAWN NAK 20:5

A i ah a gup ah ma ah phi kä nami m’khukdong vai, kä nami khawihnah vai, a i ah kyasei ci ung, kei cu Bawipa, nami Khanpughi, a u awn phi kä ka ni täng ci. Kei na gen ci gui ah khan ah m’kyuk nak ka law püi ci. Ami hta ng’shon, shon thum, shon phli güt ung ka m’kyuk gui ci.

ATÜNNAK 19:29

Khanpughi naw Lotah ah om nak ah khaw ng’nawi ung mang gaw gui cu amdi yah ung, Abraham cu amlung ung shüm ba neta Lotah cu phyawn sak ci.

ATÜNNAK 12:2

Nang cu akda ah ka ning shon sak khai. Na htangshon cu pakhui küüi ah kyak khai. Hriham ning pe ne na ming ka ning thangsak khai. Nang cu chang gui ah hriham ah na kyak khai.

1 GHANGPUGHANG GUI 11:11

a pyen nak cu, “Nang naw nang la kei ah thukhän cu akcang ah na m’shet ci, ka thumkhän gui kä na läk ci, kei naw shai ka tak cu, nang ah na uknak khaw cu kei naw ka lak khai, na bawi gui ungka tumat am ka pek khai.

1 GHANGPUGHANG GUI 11:13

Cun ung phi cun ah uknak khaw avan cu nang ungka kä ka lak khai; cun nak vaisü ung, ka changshäm David ah phäh la ka mät ah ka vai ah ka pyan Jerusalem mang gaw ah phäh ah kei naw ani am pakhui tumat ka nawng pek khai.”

1 GHANGPUGHANG GUI 11:31

Cun kawn ah Jeroboam cu pyen nak ci, “Teh gha cu na mät ah hmawk ah na lak vai, a i ah kyasei ci ung Bawipa Israel Khanpughi naw ning pyen nak ci, ‘Kei naw Solomon ah uknak khaw cu ka lak law pek khai, cun kawn ah nang am pakhui gha ka ning pek khai.

1 GHANGPUGHANG GUI 11:35

Kei naw Solomon ah hta ah uknak khaw cu ka lak khai, nang am pakhui gha ka ning pek khai,

2 GHANGPUGHANG GUI 19:34

Kei naw shin ah mang gaw cu kamät ah ng’tam nak vai ah ghung ne ka m’htei khai, a i ah kyasei ci ung kei naw ka changshäm David ung a cun ah shai ka tak ah kyak ci.”

1 GHANGPUGHANG GUI 11:32

Solomon naw pakhui tumat cu k’pang khai, cun cu ka changshäm David ah hmawk la Israel khaw avan ungka, ka mät ah kaa vai ah ka ghü ah mang gaw Jerusalem ah hmawk ah kyak ci.

1 GHANGPUGHANG GUI 11:34

Cun ung phi Solomon ah uknak khaw avan cu kä ka lak pek khai, ani a ghin ah hmawk ah cun ah ka bik khai, ani cu ka chang ghü, ka thukhän la thumkhän gui läk ciah kyak ci.

2 GHANGPUGHANG GUI 8:19

cung phi Bawipa naw Judah m’di vai cu kä ng’ya hlük ci, a i ah kyasei ci ung, ani naw a changshäm David am, ani ah hta ng’shon gui naw ami uk lä vai ah shaitak a bi pyi ah kyak ci.