1 GHANGPUGHANG GUI 11:11 - Cho Bible Common Language 2016

¹¹ a pyen nak cu, “Nang naw nang la kei ah thukhän cu akcang ah na m’shet ci, ka thumkhän gui kä na läk ci, kei naw shai ka tak cu, nang ah na uknak khaw cu kei naw ka lak khai, na bawi gui ungka tumat am ka pek khai.

1 GHANGPUGHANG GUI 11:11 Referans Kwoze

1 GHANGPUGHANG GUI 11:31

Cun kawn ah Jeroboam cu pyen nak ci, “Teh gha cu na mät ah hmawk ah na lak vai, a i ah kyasei ci ung Bawipa Israel Khanpughi naw ning pyen nak ci, ‘Kei naw Solomon ah uknak khaw cu ka lak law pek khai, cun kawn ah nang am pakhui gha ka ning pek khai.

2 GHANGPUGHANG GUI 17:21

Bawipa naw Israel ungka Judah ah akpai gui kawn ah, Israel gui naw Nebat ah hta Jeroboam cu ami ghangpughang ah tha ci gui. Jeroboam naw Bawipa cu nawng sak gui ne, kyih vai ah katnak ung luh sak gui ci.

1 GHANGPUGHANG GUI 12:20

Israel chang gui naw Jeroboam Egypt kho ah ka a law ba ng’ya u neta, ani cu khü ne chang gui awn ng’hmuh püi u ne, Israel ghangpughang ah hmoh ci gui. Judah pakhui bäng cu David ah hta ng’shon ung bekhüt ne om ci gui.

KHEI NAK 14:35

Kei naw shai ka tak ci. Kei a täng ah na hnungtuk püi ci gui ah nangmi changshe gui ah khan ah kei naw cun ah ka bik khai. Shin ah bung ung nangmi a chang sing nami sik khai. Bawipa naw ka pyen ci.”

KHEI NAK 14:23

Kei naw ami pupa gui am shai ka tak ah khaw ung ngami cu kä lut tu phung khai gui. Kei na hnungtuk püi ciah chang phung cu, acun ah khaw ung kä lut tuk khai.

1 GHANGPUGHANG GUI 11:12

Cun pang ung phi napa David ah phäh ah nang na ghin yah ung cun cu kä ka bik khai, na hta naw a uk yah ung cun cu ka bik khai.

1 GHANGPUGHANG GUI 11:26

A hei tumat Ghangpughang Solomon hnungtuk püi cicu amät ah bawi, Ephraim khaw Zeredah ungka Nebat ah hta Jeroboam ah kyak ci. Anu cu hmeinu Zeruah ah kyak ci.

1 GHANGPUGHANG GUI 11:29

Hnüüp ät ung, Jeroboam cu Jerusalem ah ka a law lam ah Shilon ah ka prophet Ahijah naw khaw ng’pyäu ung lam ah amät ng’hmuh püi ci.

2 GHANGPUGHANG GUI 17:15

Ani ah m’shüm thein gui läk vai ah ngami mak ci gui, ani naw ami pupa gui ung abi ah thukhän gui cu ngami naw kä k’pang ci gui, ani ah ng’thukbäi gui phi a i ah kä ngai ci gui. Ngami naw akholä ah kyak ciah a gup gui cu khawihnah u ne, ami mät phi akholä ah kya lawk ci gui, ngami naw ami peileng pakhui gui ah thungyo cu läk ci gui, kä thei gui vai ciah Bawipa ah thumkhän cu kä ngai ci gui.

SAM 78:10

Khanpughi awn shai ami tak cu kä läk ci gui; ang thumkhän phi kä ngai ci gui.