1 GHANGPUGHANG GUI 11:1 - Cho Bible Common Language 2016

¹ Solomon naw a khawhei chang hnumi gui akda m’hni gui ci. Ani naw Egypt ghangpughang ah hta hnumi bäng ah kä kyak ciah Hittite hnumi gui la Moab ah ka, Ammon, Edom la Sidon ah ka hnumi gui phi chu na gui ci.

1 GHANGPUGHANG GUI 11:1 Referans Kwoze

THULÄÄN NAK 17:17

Ghangpughang naw akda kä akchu nak vai, a i ah kyasei ci ung acun naw ani cu Bawipa ungka naw dawng sak khai. Ghui la ngui awn amät ang bühmang vai ah kä ah bi en vai.

NG'THU K'THUUK~ 6:24

A cun naw hnumi she la ang thu hlim ciah chang ah chu awn ning shawng sak khai.

NG'THU K'THUUK~ 7:5

Cun gui naw chang ah chu la hlim khai ah ng’thu ciah hnumi ung ning shawng sak khai.

NG'THU K'THUUK~ 2:16

Ng’awi ng’gi khai ah ng’thu ne ning m’yawih khai ah k’tha nak c iah kä hnumi man ah kut ungka ning phyawn khai.

1 GHANGPUGHANG GUI 11:8

Akhaw hei chang akchu gui naw ami khanpughi gui tui ng’ui m’khih nak la khawihnah nak ami douthak nak vai ah ani naw khawihnah nak vai ah hmun phi co ci.

NG'THU K'THUUK~ 22:14

Pletbeng nak cu cun ah kyak ci — Acun naw Khanpughi naw am lungshe nak ah chang cu phak ci.

1 GHANGPUGHANG GUI 3:1

Solomon naw Egypt ghangpughang ah hta hnumi chu na ne, ng’khawtsheng nak bik ci. Ani naw achu cu David mang gaw ah law püi ne, amang im, Taigüim la Jerusalem gaw k’pang kä ah cawh pha yawp ah chuih acun ung om sak ci.

NG'THU K'THUUK~ 23:33

Na mik awsn apäng päng na hmuk khai, na m’lung ngaih, na ng’thu m’gawng kä ci ng’ciim khai.

TAIGÜTHUM 18:18

Na chu a ghin yah ah chuih na chu ah pai nau kä na chu nak tuba vai.

PHYAWN NAK 34:16

Nami hta gui phi a cun ah akhohei chang hnumi gui awn ng’chungla khai gui, ngami naw kei ung kä bekhüt nak vai ah lam m’shüm gui ne, ami khoshe khanpughi gui cu khawihnah sak gui khai gui.

1 GHANGPUGHANG GUI 16:31

Ani cu ghangpughang Jeroboam ah mäih ah katnak abi awn kä ng’büh ne; ang ghit ah hteit ne, Sidon ghangpughang Ethbaala ah hta Jezebela cu chu na ne Baala khawihnah ci.

EZRA 10:44

Shin gui ami van naw khohei chang chu nak ci gui. Ngami naw ami chu gui nawng gui u ne, gawt gui ne ami hta gui phi, ahei ah k’täm gui ci gui.

NG'THU K'THUUK~ 31:3

Na thagui avan cu ng’yawpawm nak awn kä na ng’pyi sak en vai. Na ngui avan cu hnumi ung kä na ng’pyi sak en vai. Cun gui naw ghangpughang cu m’di ci gui nei.

1 GHANGPUGHANG GUI 14:21

Solomon ah hta Rehoboam cu Judah ghangpughang ah a kyak law yah ung a kum phli kip lei ät lawk ci. Ani Jerusalem ung kum gha lei chih uk ci, cun ah mang gaw cu Israel khopäng avan ungka, ani khawihnah nak vai ah hmun ah Bawipa naw a ghü ah kyak ci. Rehoboam ah nu cu Ammon ah ka Naamah ah kyak ci.

1 GHANGPUGHANG GUI 14:31

Rehoboam cu si sei David mang gaw, mang gui ah ng’phuh hmun ung phuh ci gui, cun kawn ah a hta Abijah cu ghangpughang ah kya ba ci.

EZRA 9:1

Shin gui avan bi pyi kawn ah Israel chang gui ah ami ng’vai gui amshah cu law u ne, ami na m’thein law cu chang gui taigü gui la Levit gui cu ami pei yung ah khaw ah kyak ciah Ammon, Moab la Egypt khaw gui awn phi kya, Kanaanit gui, hittit gui, Perizzit gui, Jebusit gui la Amorit gui awn, phi ky a, ami mät ng’khoi chak khai gui ah kä om ci gui. Ngami cu cun ah chang gui naw shemshai ci gui, ami bi man ah mäih bä ah bik ci gui.

EZRA 9:2

Jew chang gui cu akhohei chang hnumi gui awn ng’chungla ci gui. Cun ah kya ne Khanpughi ah theingcim ciah a chang gui cu sheka lawk ci gui. Ang vai gui la bawi gui cu khawngmang ciah ng’vaipi ah kyak ci gui.