Biblia Todo Logo
Bib sou entènèt

- Piblisite -




1 GHANGPUGHANG GUI 10:5 - Cho Bible Common Language 2016

5 Cun ah hnumi naw tawnglang ung ami pyan ah buhmeh gui, a bawi gui ah om nak ah im gui, mang im kyong ah bii k’bi gui ami m’düih m’thawh gui, la täng khai ah ami suisak gui, ei awk nak ung ani ngäng ciah changshäm gui, Taigüim kyong ah ami douthak ah khawihnah nak gui cu hmuk ci. Acun naw ani cu kä ng’ghi hlawt khai ah cäi sak ci.

Gade chapit la Kopi




1 GHANGPUGHANG GUI 10:5
12 Referans Kwoze  

Shuhppim la Hosah naw akheitäng m’kawt la akham lam ungka Shallecheth m’kawt cu tawk ci gui. M’kawt ami ngäng nak ah akhin gui cu tumat kawn ah tumat ah k’pai ne k’bäi ci gui.


Uktu manghta cu akpung täng cham ungka naw luh nak ah khan ung cun ah m’kawt ung hteit khai. Taigü naw a pum lüng m’khih ne khawihnah ne, khawtsheng-douthak nak a douthak yah ung, ani cu m’kawt tung pei ah ng’düi khai. Acun ah m’kawt ung ani naw khawihnah neta akpung ah hteit ba khai. M’kawt cu mühun güt ung kä khai vai.


A i ah a kyak ung phi uktu manghta läi cu a cu ah hteit ne, kei ah ma ah theingcim ciah ei cu ei khai nei. Ani naw akcawi pi ah akhan cu phlän ne shin ah m’kawt ung a luh lang vai ah kyak ci.


Phyung heng tum ci gui la gabawi gui naw koi u sei, Taigüim valuh nak k’tungnu pei ah ghangpughang ah ng’düih nak vai ami pyan nak ung ng’düi ciah ghangpughang ak thai cu hmuk ci. Chang gui ami van yei ne m’lau ci gui, phyungheng tum ci gui, Taigüim ung tumkhawng ci gui naw phi tumkhawng u sei pawi cu bik ci gui. Ani naw a sui k’teek ne, “Küknet nak nei! Küknet nak nei!” cine m’lau ci.


Ani naw tawnglang ung ami pyan ah ei awk vai gui, a bawi gui naw ami om nak ah im gui, mang im ung bi k’bi gui a tha gui la ami suisak gui, mang ei ngäng ci gui ah changshäm gui ah ami suisak gui, Taigüim kyong ah ani ah douthak gui cu hmuk ci. Acun ung ani cu kä ng’ghi hlawt awng ah cäi ci.


Ayanä ung ngami ah pahta cu Ghangpughang ah m’kawt a kiangtäng valuh nak ung om ci gui. Ayan mä ngami cu Levit gui ah phang m’kawt ung ng’düi ne ngäng man ci gui.


Assiria uktubawi naw a yeinak vai ah Ahaz naw mangkiang pyan nak ah kiang cu Taigüim ung ka k’plon ne, ghangpughang ah Taigüim ung a luh nak phih khai ci.


Jordan ah akhei täng ungka Amorit ghangpughang gui ami van, Mediterranean tuinu yung ah om ciah Kanaanit ghangpughang gui am van naw, Israel chang gui naw kä ami kah yawp pha ah chuih, Bawipa naw Jordan tuinu a hu sak cu ng’yak ci gui. Ngami cu kyikyawk u ne, Israel gui ah phäh ah ami tha maih yawp ci.


“Kho hnüüp ät ung chang hnih cu taigü khai goi ah pum im ah hteit ci goi: tumat cu pharisee, tumat cu akhawnlook ciah kyak ci.


Ghangpughangnu Sheba naw Solomon ah cüivai nak cu ng’ya ne, a cawh ah mang im cu phi hmu tuk ci.


Ani naw Ghangpughang Solomon cu pyen nak ci, Nang la na cüivai nak ah mawng ka mät ah khaw ah om ne ka ng’yak cu hman ci nei!


Swiv nou:

Piblisite


Piblisite