1 GHANGPUGHANG GUI 10:25 - Cho Bible Common Language 2016

²⁵ Lawk ciah chang phung naw m’cümhnah nak law püi ci gui — ngui ni ghui ni, suinu gui, likhim gui, tui ng’ui gui, ng’se la, laa gui pe lawk ci gui. Akum tä sei acun ah pe lawk ci gui.

1 GHANGPUGHANG GUI 10:25 Referans Kwoze

MATTHE 2:11

Ngahmi cu im kyong ah va lut u netah, ak hmawhta cu anu Mari awn atäng ah hmuk ci gui. Cun kawn ah ngami cu m’khuukdoong ne kaup u netah, ami law püi ah ghui ni, Frankinsen tui ng’ui ni, mura tui ng’ui ni gui awn khawihnah ci gui.

EZEKIEL 27:14

Nang naw na khawh gui awn Beth Tokarmah ah ka täk-ng’se gui, ng’cum nak ng’se gui la laa gui cu na thawng ci.

ISAIAH 66:20

Ngami naw chang pakhui gui ung ka, nami khochang avan cu m’cümhnak nak ah kei ah law püi ba khai gui. Israel gui naw htang-douthak nak cu theingcim nak vai Taigüim ah ami law püi ah mäih ah, ngami naw cun gui cu ng’se gui, la gui, kala uk gui la yatha gui la ng’hle gui aw thingcim ciah kei m’htung Jerusalem ung law püi khai gui.

ISAIAH 36:16

Hezekiah cu känami ngaih en vai nei! Assirian ghangpughang naw ning thumkhän gui ci, mang gaw k’pung ah lut law ne nami ng’paa vai nei. Nami mät ah sapyit ung ka ak thih nami ei khai, nami mät ah thei ghing ung ka thei ei u ne, nami mät ah tui shawk ung ka tui nami awk khai —

SAM 72:15

Ghangpughang cu ghi ne ghing sä! Arabia kho ah ghui cu pe law u sä; Ang täi sei taigü pe u sä; Khanpughi ah m’shumphyuk nak angtäi sei om sä!

SAM 72:10

Spain la khohmun ghangpughang gui naw m’cümhnah nak pe lawk khai gui. Sheba la Seba ghangpughang gui naw khawihnah nak pe lawk khai gui.

JOB 42:11

Joba ah phäinau gui avan la ayan ateihpüi gui cu ani ah law ne om law tu u ne, ani ah im ah ei awk ci gui. Ani ah khan ah Bawipa naw alaw püi ah khuikha nak gui avan phäh ah ami m’geinsei nak la ami m’lung üp sak nak cu m’dang ci gui. A chang sing naw ngui la ghui kutcüp cu pe tuk ci gui.

ESTA 8:14

Ghangpughang ah thumkhän awn ca tei ci gui cu mang ah ng’se ng’cuum ne ak gai ah dawng ci gui. Susa mang gaw ung phi cun ah ca gui cu chang gui am tei gui ci gui.

ESTA 8:10

Mordekai naw ca cu ghangpughang Ahsuerus ah ming awn gu ne mang ah m’hnüt nak awn m’hnüt ci. Cun ah ca gui cu mang ah ng’se im ungka gai pi ciah ng’se gui awn ca tei ci gui am tei sak gui ci gui.

2 SHONTÄP NAK 26:8

Ammonit gui naw Uzziah am akhon pe law u sei, ani cu huham mah law ne, Egypt khaw güt ah ang ming thang lawk ci.

2 SHONTÄP NAK 9:24

Ami chang sing naw Solomon am m’cümhnah nak thak law ci gui-Cun gui cu ngui, ghui, suinu, likhim gui, ang ui gui, ng’se gui la laa gui ah kyak ci. Acun ah akum tä sei bik ci gui.

2 GHANGPUGHANG GUI 17:4

Cun ung phi kum ät ung Hoshea naw Egypt ghangpughang So ah ng’shä tüi ne, ani naw abawm tu vai ah pyen neta Assiria am phlam kä pek ba ah om ci. Shalamanese naw cun cu hmat law neta Hoshea cu pha ne thawng ung chum ci.

1 GHANGPUGHANG GUI 18:5

Ahab naw Obadiah a pyen nak cu, “Ng’se lah la gui ami ghin nak vai ah khu ah lim nak mi hmuh vai ah khaw akyong ung tuinu tuihta phung cu hteit ne mi teng khai nei. Cung mi ng’sela api phi kä mi sih sak khai.”

1 GHANGPUGHANG GUI 10:10

Ani naw a law püi ah m’cümhnah nak cu Ghangpughang Solomon am pek ci; phia phli kilokram ah däm ciah ghui la tui ng’ui la pyülung akda ah kyak ci. Cun ah hnumi ah pek ah tui ng’ui cu ani naw a gah man ni ciah dämduh pikbäih ci.

1 GHANGPUGHANG GUI 1:33

a pyen nak gui cu, “Ka yungbawi gui la gui ne, ka hta Solomon am ka ng’sela ng’cum sak ne, Kihon tuihta pei ah hteh püi vä,

2 SAMUEL 8:10

Cun ah kyasei ani naw a hta Joram cu Ghangpughang David yavaih khai ah tüi law ne, Hadadezer ah khan ah ang näng ah phäh ah yeikyai nak pyen lawk ci. Hadadezer cu Toi awn akda vei ng’tu man ci goi ah kyak ci. Joram naw David am ghui ni, ngui ni, kyei ni awn pyan ah m’cümhnah gui pe lawk ci.

2 SAMUEL 8:2

Cun kawn ah Moab chang gui hnim gui ci. Ani naw thawng kyum gui cu m’dek ung ng’yän sak gui neta thum ungka hnih ci laih laih ngawn gui ci. Cun ah kyasei Moab chang gui cu ak chang ah kya u ne, phlam phi ani am pek ci gui.

1 SAMUEL 10:27

Cun ung phi chang pyawipye gui naw, “Shin ah mi mät ah mäih chang naw a i hawi ah akni na bi pe gui hning khai aw?” cik ci gui. Ngami naw Saul cu päipih u ne, m’cümhnah nak a i phi kä law püi ci gui.

SUKI GUI 3:15

Cun kawn ah Israel gui cu Bawipa ah ma ah kyap m’lau u sei, ngami m’hlawt gui khai ah chang tumat tüih gui ci. Ani cu Ehud ak eng ah ng’hlawi ci, Benjamin pakhui Kera ah hta ah kyak ci. Israel chang gui naw Ehud cu douthak vai hteh püi ne Moab ghangpughang Eglon ah hteh sak ci gui.

ATÜNNAK 36:24

Zibeon ah hta goi cu, Aiah la Anah ah kyak ci, Anah cu apa ah ng’se gui shäm ne bung ah a om nak ah tui htalawng gui hmuk ciah kyak ci.

SAM 68:29

cun cu ghangpughang gui naw khawihnah nak ami ning pek law nak ah Jerusalem na Taigüim ungka ah kyak ci.

1 GHANGPUGHANG GUI 5:1

Tire ghangpughang Hiram cu ang’täi sei David ah teihpüi ah kyak ci. Ani naw Solomon cu apa David ah hnün ung ghangpughang ah kya ne a ngoh ba cu ng’ya neta, ng’khawt nak ng’shä tüi lawk ci.