1 GHANGPUGHANG GUI 10:22 - Cho Bible Common Language 2016

²² Ani ung tuinu ung hteit ciah htinpaw gui om ci, cun gui cu Hiram ah htinpaw gui awn a täng ah hteit ci gui. A htinpaw gui cu kum thum ung hnü ät ci law ba ci gui, ghui ni, ngui ni, m’vui ha ni, yawng ga ni, yawng gui ni law püi ci gui.

1 GHANGPUGHANG GUI 10:22 Referans Kwoze

1 GHANGPUGHANG GUI 22:48

Ghangpughang Jehoshaphat naw tuinu-ung hteit ciah htinpaw cu Ophira kho ah hteit ne ghui gui lak khai ah pyang ci; cun ung phi cun gui cu Ezionkeber she sei kä hteit hlawk ci gui.

SAM 72:10

Spain la khohmun ghangpughang gui naw m’cümhnah nak pe lawk khai gui. Sheba la Seba ghangpughang gui naw khawihnah nak pe lawk khai gui.

SAM 48:7

Khinu awt ciah htinpaw im ah mäih ah kyak ci gui.

ATÜNNAK 10:4

Javan ah htangshon gui cu, Elishah, Spain, Cyprus la Rodes;

ISAIAH 66:19

Cun khawn ah ngami m’kyuk gui cicu kei ah kyak phi hmat khai gui nei. “Cun ung phi kei naw amshah k’pai gui ne, kei ah ka huham la ka dämduh nak kä hmu man i gui la keiah ka mingthang nak kä ng’ya man ci gui ah pakhui gui la asho nak kho gui ah ka gui cu ka tüi gui khai: cun gui cu Sapin, Libia, la lidia-li kap akni gui ah om nak, Tubal la Kreece ah kyak ci. Shin ah pakhni gui ah ng’lung ah ngami naw kei ah dämduh nak cu shän kahi gui.

ISAIAH 60:9

Ngami cu a shou nak ah ka lawk ciah htinpaw gui nei, khanpughi ah chang gui cu im ah law püi gui ci gui nei. Ngami naw ghui la ngui law püi ci gui, cun cu theingcim ciah Israel khanpughi, Bawipa ah aming m’tamkhah nak vai ah kyak ci nei. Chang pakhui avan naw a chang gui ami m’tam khah vai ah ani naw abi ah kyak ci nei.

ISAIAH 23:10

Hteit ne kholo vä, nangmi spain khaw ah koloni ung chang gui! Nangmi ning shungvong ba gui khai a u phi kä om ba ci nei.

ISAIAH 23:6

Thüisei vä, nangmi Phoenicia chang gui! Spain khaw ah phyawng ne nami gawk vai ah tha na vä!

ISAIAH 23:1

Shin cu Tire gawnu ah mawng thumkhäh ah kyak ci. Thuinu ah khan ung gawk ciah htinpawkläk gui! Thüisei vä! Nami im gawnu Tire cu dipyi ci nei; a cun ung im gui la tukkem im gui cu she pyi ci nei. Nami htinpaw Caiprus ah ka a law ba ung nangmi naw cun ah mawng nami hmat ci nei.

ISAIAH 2:16

Ani naw däm pikbäih ne kyom pikbäih ciah htinpaw gui phi ng’hnim sak khai.

2 SHONTÄP NAK 9:21

Ani ung Ghangpughang Hiram ah htinpaw bum awn, tuinu ung a täng ah hteit ciah htinpaw om ci. Ani ah htinpaw gui cu kum thum ung hnü ät law ba ci gui, ami law ba päng ung ghui ni, ngui ni, m’vuiha ni, yawng ga ni, yawng gui ni law püi ci gui.

JONAH 1:3

Cun ung phi Jonah cu pawng ne Bawipa hnu na ne a lam hei ung hteit ci. Ani cu Joppa ah hteit ci, cun kawn ah Spain ah hteit khai ah htinpaw cu hmuk ci. Ani naw htinpaw ah ang khah pe ne ngami awn atäng ah hteit tuk ci. A cu ah ani cu Bawipa awn ang shawng vai ah phäh ah kyak ci.

AMOS 3:15

Kei naw cingkhaw im gui la chakhaw im gui cu ka m’di khai. M’vui ha awn ami pyan ah im gui cu she ne di khai, im am kawm gui phung cu m’di yawp vai.”

EZEKIEL 27:12

“Nang cu Spain ung sumlei ne ngui, m’sii, m’sii bawk la khee gui cu khawh akda awn na m’thawng ci.

JOB 39:13

Kalauk kha gui cu ami ng’phya ak yang ah ami khäp hning ung phi, kha m’yawk ah mäih ah kä yong hning ci gui nei.

1 GHANGPUGHANG GUI 10:18

Ani naw mangkiang akdäm nu phi pyang ci, avang cu m’vui ha awn pyang ne, avang cu ghui akni awn pyang ci.

1 GHANGPUGHANG GUI 9:26

Ghangpughang Solomon naw Edom khaw, Akaba tuikhep ah kem Elath ah pei, Ezionkeber ung htingpaw gui phi co ci.

1 GHANGPUGHANG GUI 10:21

Solomon ah a awk nak ah khap gui avan cu ghui awn pyan ah kyak ci, Lebanon Bung Imnu kyong ah khawh avan cu ghui bäng awn pyan ah kyak ci. Solomon ah khin ung ngui cu a phu kä m’küih u ne, a i ngui phi kä mang ci gui.

EZEKIEL 27:15

Rhodes chang gui cu nang awn sumlei ci gui: tuinu kem khawakda ung om ciah chang gui naw m’vui ha la singlim ning pe ne na khawh cu thawng lawk ci gui.

1 GHANGPUGHANG GUI 22:49

Israel ghangpughang Ahaziah naw ak chang gui cu Jehoshaphat ah chang gui awn a täng ah ami hteh vai ah pyen lawk ci, cun ung Jehoshaphat naw maa nak ci.