1 GHANGPUGHANG GUI 10:1 - Cho Bible Common Language 2016

¹ Sheba Ghangpughangnu naw Solomon ah mingthang cu ng’ya neta m’nüm nak ah ng’shi nak gui awn m’nüm khai ah Jerusalem ah lawk ci.

1 GHANGPUGHANG GUI 10:1 Referans Kwoze

MATTHE 12:42

Sheba kho päng ciah ghangpughangnu cu, hmuhmat pi ciah Solomon ghangpughang ah ng’thu ngai tuk khai ah gawk law pyii ci nei. M’khoichaa nak ah hnüüp ung ani naw ng’düi law ne, nangmi cu ning k’taap gui khai nei. Kei naw akcang ka pyein cu, shin ung tuhbäi Solomon ghangpughang ah mä hlüngtai pi ci, gawk law pyii ci nei.

LUKA 11:31

Thu m’chaa nak ah hnüüp ung Sheba kho ah Bawinu cu ng’düi ne tuhchü chang gui cu ning m’kyuk gui khai. A i ah kyasei ci ung ani cu Solomon ghangpughang ah ng’thu thuuk ngai khai ah khocawi ah kaa gawk lawk ciah kyak ci. Tuhchü shin ung Solomon ah tah hlüngtai pi ci gawk lawk ci nei.

SAM 72:15

Ghangpughang cu ghi ne ghing sä! Arabia kho ah ghui cu pe law u sä; Ang täi sei taigü pe u sä; Khanpughi ah m’shumphyuk nak angtäi sei om sä!

ATÜNNAK 10:28

Obala, Abimael, Sheba,

ATÜNNAK 10:7

Kusha ah htangshon gui cu, Seba, Havilah, Sabtah, Raamah la Sabteka ah kyak ci. Raamah ah hta goi cu Shaba la Dedan ah kyak ci.

JEREMIAH 6:20

Sheba ah ka ami law püi ah tui ng’ui ah phi kia, asho nak kho ah ka tui ng’ui gui ah phi kia, kei naw a i ah kä ka ngai ci! Ngami ah douthak cu kei naw kä ka dou khai, ami khawihnah nak ah phäh ah kei kä ka zeikia khai.

ISAIAH 60:6

Dämduh ciah kala-uk ng’nawng gui cu, Midian la Ephah khaw ah ka lawk khai gui nei. Ngami cu Sheba khaw ah ka law u ne, ghui la tui ng’ui law püi khai gui nei. Bawipa naw bi abi ah mawng thu ni cu chang gui naw pyen khai gui nei!

SAM 72:10

Spain la khohmun ghangpughang gui naw m’cümhnah nak pe lawk khai gui. Sheba la Seba ghangpughang gui naw khawihnah nak pe lawk khai gui.

SAM 49:4

Kei cu thu thuuk lam ah ng’hlat ne, thuuk ciah amawng cu tingtäng tum ne ka m’dang khai.

JOB 28:28

Khanpughi naw chang gui pyen na gui ci, “Nami cüivai vai nei, Nangmi naw Bawipa cu nami chang m’sui vai nei. Nami hmat vai cu, nangmi cu akshe ungka nami ng’hlah law ba vai.”

JOB 6:19

Shebala Tema ah ka hteih hton ci gui cu ng’shui shüi ci gui,

1 GHANGPUGHANG GUI 4:34

M’dek ah khan ung om ciah ghangpughang avan naw ani ah cüivai nak cu ng’ya u neta, chang gui tüi law ne ani ah ng’thu ngai lawk ci gui.

1 GHANGPUGHANG GUI 4:31

Ani cu chang avan ung cüivai pi k’bäih ci: Ezrathit chang Ethan, la Heman, Kalkol la Darda, Mahol ah hta gui la ani a pei yung khawpäng avan ung aming thang ci.

ATÜNNAK 25:3

Jokshan ah hta goi cu, Sheba la Dedan ah kyak ci. Dedan ah htangshon gui cu Asshurim, Letushim la Leummin pakhui gui ah kyak ci.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

MAKUH 4:34

Kä m’tumtäng ah a i phi kä m’theithang gui ci. Cun ung phi ami mät ami om yah ung ang düih püi gui-am a päng avan cu m’dang ne m’thein gui ci.

MATTHE 13:35

Cun ah a pyein sak ah mawng cu, profet gui ah ng’thu a khüm nak vai ah hmawk ah kyak ci. Cun ah thu cu; “Kei naw nangmi ah ma ah ng’thu ka pyein ung m’tumtäng bäng bäng ne ka pyein khai: Khanpughi naw khomdek atüi ung tün ne, a u ah kä hmat man cu kei naw m’dang ne ka pyein khai,” ciah kyak ci.

MATTHE 13:11

Bawipa Jesuh naw, “Nangmi naw Khanpughi ah kho ah mawng thuuk ne ng’kau cicu hmuhmat nak thei vai nami gah ci. Chang hei gui cu cun kä gah tuk ci gui.

EZEKIEL 38:13

Sheba la Dedan ung chang gui la Spain khaw gawnu gui ungka sumlei chang gui naw ning shik khai gui, “Tuh ne gut tep khai gui ah nang naw na gakap gui na k’bum gui ne ang? Nang naw ngui ni, ghui ni, vuhchah ni gui, khawh cham ni gui gah ne, cun ah guh tep gui avan hteh püi vai ah na ngai ne ma?”

EZEKIEL 16:14

Nang cu kümbe ciah na kyom nak awn khaw pakhui avan ung na ming thang lawk ci a i ah kyasei ci ung nang ning m’hni aih vai ah ning pyang cicu kei ah kyak ci.” Shin cu Uktu Bawipa ah pyen ah kyak ci nei.

1 GHANGPUGHANG GUI 5:14

Cun gui khawngmang gui khai ah Adoniram cu tha ci. Ani naw bum ät ung 10, 000 ciah bum thum ah k’pai gui neta, ang bum päng cu Lebanon ah cha ät om sak ne, ami im ah law ba ne cha goi ci om sak gui ci.

1 GHANGPUGHANG GUI 10:24

khaw ah ka ungka avan cu ani ah law hlük ci gui, Khanpughi naw ani am a pek ah cüivai nak cu ng’ngai law hlük ci gui.