1 GHANGPUGHANG GUI 1:53 - Cho Bible Common Language 2016

⁵³ Ghangpughang Solomon naw Adonijah cu k’thäh ne, sonkiang ungka law püi sak gui ci. Adonijah cu ghangpughang ah law neta ama ah kawp ci, ghangpughang naw, “Na im ah na hteit ba hning ci nei” cine pyen nak ci.

1 GHANGPUGHANG GUI 1:53 Referans Kwoze

NG'THU K'THUUK~ 24:21

Ka hta aw, Bawipa cu na kyih aa vai, Ghangpughang cu na m’tam khah vai. Ngami hnungtuk püi gui ciah chang awn nami bi ghawm vai a i kä om ci.

1 GHANGPUGHANG GUI 2:36

Cun kawn ah ghangpughang naw Shimei am ng’thu m’khäh ne a pyen cu, “Shin ah Jerusalem ung na mät ah phäh ah im co vä, acun ung na om vai, mang gaw cu kä na hteh tak en vai.

1 GHANGPUGHANG GUI 1:31

Bathsheba naw m’khukdong neta, “Ka bawipa ghangpughang cu angtäi ah ghing ne om sä! cik ci.

1 GHANGPUGHANG GUI 1:16

Bathsheba cu ghangpughang ah ma ah m’khukdong khäta, ghangpughang naw, “A i ang na ng’yak hlü?” cine ng’shik ci.

2 SAMUEL 14:28

Absalom cu Jerusalem ung ghangpughang kä hmuh ah khaw kum goi ung om ci.

2 SAMUEL 14:24

Ghangpughang naw thu k’bäi ne, Absalom cu mang im ung kä a om tu vai ah pyen ci. Ghangpughang naw, “Ani kä ka hmu hlük ci” cik ci. Cun ah kyasei Absalom cu amät ah im ung om ne, ghangpughang ah ma ah kä ng’dang phung ci.

2 SAMUEL 1:2

A ngawi ung Saul ah phung ung ka chang nong tumat gawk lawk ci. A thüi am dang nak ah, a sui gui cu shum ne, alu ung m’dek awn bu ci. Ani cu David ah hteit ne m’dek ung bop ne chang m’sui ci.

1 GHANGPUGHANG GUI 1:52

Solomon naw m’shang ne, “Ani cu a bekhüt ah a kyak ung alumu ng’ma ät phi a i naw kä tawn khai, cun ung phi kä a bekhüt läi ung sik khai nei.”

1 GHANGPUGHANG GUI 2:1

David cu si law vai neta a hta Solomon cu khü ne ak hnu ah m’cäi m’ä nak pek ci.

2 SAMUEL 14:33

Cun ah kyasei Joab cu Ghangpughang David ah hteit ne Absalom ah pyen cu m’thein ci. Ghangpughang naw chang tüi ne Absalom cu khü ci. Absalom cu hteit ne, ama ah m’dek ung kawp ne, chang m’sui ci. Ghangpughang naw dou ne ng’ui ci.