1 GHANGPUGHANG GUI 1:48 - Cho Bible Common Language 2016

⁴⁸ taigü ci, ‘Israel Khanpughi, Bawipa cu mi m’tamkhah khai nei, ani naw kei ah ka hta ng’shon gui ungka tumat cu, kei ah hnün ung ghangpughang ah ngoh sak ci nei, acun ka hmuk khai ah kei cu na ghin sak ci nei!”

1 GHANGPUGHANG GUI 1:48 Referans Kwoze

1 GHANGPUGHANG GUI 3:6

Solomon naw, “Nang naw angtäi sei, na changshäm kapa David ung dämduh ciah m’hni nak cu na m’dang ci. Ani cu nang ung ang mätyah nak awn ni ne, bekhüt ne, düng ciah kyak ci. Nang naw k’täi ne, amät ah hnün ung tuhngawi uk ba khai ah htapa pe ne, dämduh ci la ng’täi ciah na m’hni nak cu na m’dang ci.

1 PETER 1:3

Mi Bawipa Jesuh Khrit ah Pa Khanpughi cu mi m’kümto khai nei! Khanpughi naw küikyang ciah ak chimgein nak awn, Bawipa Jesuh Khrit cu sih nak ungka thawh ba sak ne, mikmi am ghin nak ak thai cu na pe gui ci. Acun naw ghing ciah ngaih u nak awn na kümbe sak gui ci.

EPHESIAN 1:3

Mi Bawip a Jesuh Khrit ah Pa Khanpughi cu mi m’kümto khai nei! Mikmi cu Bawi Khrit ung mi kawng ät nak awn, ani naw khankho ah mümcha youshen nak cu nam shumphyuk gui ci.

DANIEL 4:34

“Khokum chih ang pyi kawn ah ghangpughang naw, kei naw khankho mik cu han dan neta, ka ng’shüm nak gawk law ba ci. Kei naw hlüngtai ciah Khanpughi cu m’hlüngtai ne, angtäi ghing ci am m’tamkhah nak la bämang nak cu ka pek ci. “Ani naw khonglän ung uk khai nei, Ani ah uknak kho cu ngawiyä om khai nei.

NG'THU K'THUUK~ 17:6

Ghipa gui cu ami tu hta gui ah lukhu ah kyak ci, ak hmaw gui cu ami nupa gui ah lukhu ah kyak ci.

SAM 145:2

A hnüüp tä ka ning yei nak khai nei; kho ng’län ung ka ning m’tam lä khai nei.

SAM 41:13

Israel Khanpughi, Bawipa cu m’taam nei! Tuhbäi la ngawi yä m’taam khah vä! Amen! Amen!

SAM 34:1

Kei naw angtäi sei Bawipa ka yei nak khai nei; kä düm phung ne ka m’taam khai nei.

NEHEMIAH 9:5

Shin ah Levit gui naw khawihnah vai ah ng’khü ci gui: Jeshua, Kadmiela, Bani, Hashabniah, Sherebiah, Hodiah, Shebaniah, la Pethahiah. Ngami naw: Ng’düi law ne, Bawipa nami Khanpughi cu m’hlümtai vä; Khonglän ung ani cu m’hlümtai vä! Hnicim chang naw m’hlümtai khin vai ah kä m’hlümtai hlawt ung phi, a bämang nak ah ming cu chang nü naw m’hlümtai sä.”

1 SHONTÄP NAK 29:20

Cun kawn ah David naw chang gui thumkhän gui ci, “Nami Khanpughi Bawipa m’hlümtai vä!” Chang hli ami van naw ami pupa gui ah Khanpughi Bawipa m’hlüngtai ci gui, ngami cu kawp u ne Bawipa m’tamkhah u ne, ami ghangpughang phi m’tamkhah ci gui.

1 SHONTÄP NAK 29:10

Acu ah changhli ah ma ah David ghangpughang naw Bawipa m’hlüngtai ci. Ani naw, “Bawipa, kami pupa Jakob ah Khanpughi, nang ah khan ah khonglä ung m’htüngtai nak om sä!

1 SHONTÄP NAK 17:17

Cun ung phi tuhbäi nang naw bäpi khai ah na bik ci nei; lawk khai ah khokum gui ung kei ah ka htangshon gui ah phäh ah shaitak na pyang ci, nang Bawipa Khanpughi naw dämduh ciah chang ah mäih ah na na om püi pyi ci.

2 SAMUEL 24:3

Cun ung phi Joab naw ghangpughang am, “Ka Bawipa mang, Bawipa na Khanpughi naw Israel chang gui cu tuhbäi ya ta, aphia ah däm ne da khai gui ah pyang khai nei, nang naw na ghin yah ung cun ah bik ciah ani cu na hmuk khai. Cun ung phi a i ah kyasei nang Bawi mang naw shin na bi hlü ang?” cik ci.

2 SAMUEL 7:12

Nang na sih ung na pupa gui awn a täng ah ning m’cim ne, na hta gui ungka tumat cu ghangpughang ah ka pyang khai, ani ah uknak khaw cu khüi ghat khai.

ATÜNNAK 14:20

Nami ga gui ah khan ah näng nak ning pek ciah A hlüngtai Pibäih Khanpughi cu m’hlümtai ä! Abram naw taigüpa Melchizedek am, ng’tuk nak ung a gah ah khawh avan ah bum gha bum ät cu khawihnah ne pek ci.

1 SAMUEL 25:32

David naw ani am, “Bawipa m’tam nei, Israel Khanpughi, ani naw kei, na na hmuk khai ah a ning tüih law nei!

1 GHANGPUGHANG GUI 1:49

Adonijah ah khin gui cu kyih u neta, ami van ng’düi law ba ne ami lam phäh phäh ung hteit ba ci gui.

1 GHANGPUGHANG GUI 2:4

Nang naw na ngaih ah a kyak ung, Bawipa naw abi ah shaitak cu k’pang khai, ani naw ana pyen nak cu, kei ah ka htang’shon gui naw ami m’lung kyong m’lung ngaih avan awn ani ah thumkhän cu bekhüt ne, geing na ne ami läk ah chuih Israel cu uk khai gui nei.

1 GHANGPUGHANG GUI 8:20

“Tubäi Bawipa naw a shaitak cu k’pang ci. Kei cu Israel ghangpughang ah kya ne kapa ah hnün ung ka ngok ci, Israel Khanpughi Bawipa khawihnah nak vai ah Taigüim cu kei naw ka co ci.