1 GHANGPUGHANG GUI 1:42 - Cho Bible Common Language 2016

⁴² Ani naw ng’thu kä a pyen pha yawp ung taigü Abiatha ah hta Jonathan cu gawk law khäta, Adonijah naw, “Kyong ah lut law ä, nang cu chang ni ah na kyak ci, — nang naw thu k’ni na law püi khai” cik ci.

1 GHANGPUGHANG GUI 1:42 Referans Kwoze

2 SAMUEL 15:36

Ngani ung ani hta goi Ahimaaz la Jonathan cu om ci goi, nami hmuh ng’yak phung avan m’cäi goi ne, ngani cu kei ah nami tüi law hning ci” cik ci.

2 SAMUEL 18:27

Gaw ngäng ciah chang naw, “Dawng law ma cicu Ahimaaz ah mäih lawk ciah ka hmuk ci nei” cik ci. Ghangpughang naw, “Ani cu chang man, ani naw ng’thu ni law püi ci” cik ci.

2 SAMUEL 17:17

Abiatha ah hta Jonathan la Zadok ah hta Ahimaaz cu Enrogela tui hta Jerusalem gaw k’cawi ah ngäng ci goi, a i ah kyasei ci ung, ngani cu chang a hmuh goi vai kyi ne mang gaw kyong ah kä lut ci goi. Changshäm hnumi hta naw a i ai ah kyak ciah a mawng gui cu m’thein law ba goi sei, ngami naw hteit ne ghangpughang David am m’thein ba ci goi.

2 SAMUEL 15:27

Cun kawn ah Zadok ah hteit ne pyen ba ci, “Teng ä, na hta Ahimaaz la Abiatha ah hta Jonathan cu la ba goi ne mang gaw ah ding gei sei hteit ba vä.

ISAIAH 57:21

Hmakak ci gui ah phäh ah phiawn nak vai kä om ci nei” cine Bawipa naw pyen ci.

2 GHANGPUGHANG GUI 9:22

“Nang cu dimdeih nak awn na lawk ci ma?” cine Joram naw ng’shik ci. Jehu naw, “A i hawkcha ah dimdeih nak a om vai ang? Mikmi ung na nu Jezebela naw a tün ah cunce nak la a gup khawihnah nak cu om lä ci nei” cik ci.

1 GHANGPUGHANG GUI 22:18

Ahab naw Jehoshaphat pyen nak ci, “Kei naw ka ning m’thein pyi ci, ani naw kei ah phäh ah a i ah ung phi akni ah kä ng’cängbang man ci. Akshe laih laih ah va pyen ci.”

1 GHANGPUGHANG GUI 1:41

Adonijah la ak khin gui ami van cu ami ei awk ng’pyi ci, ngami naw cun ah k’aw gui cu ng’yak ci gui. Joab naw phyungheng cu ng’ya neta, “Manggaw avan ung pamcam ci gui cu a i gui ang? ci nei ng’shi gui ci.

1 GHANGPUGHANG GUI 1:43

Jonathan naw, kaa ne, David ghangpughang naw Solomon cu ghangpughang ah hmoh pyi ci nei.